Havaktingit

You are here

Nutaaq Munaqhiliqivia Kinngainmi armaktiriniaqtaat

Saptaipa 07, 2021

Tuhaqtitauyuqhaq

Nutaaq Munaqhiliqivia Kinngainmi armaktiriniaqtaat

Kinngait, Nunavut (September 7, 2021) – Quviahuutigiyauvaktuq ublumi armaktirinia nutaaq Kinngainmi Munaqhiliqivia, ilauqatauvaqhutik Minista Munaqhiliqiiyitkunnut, Lorne Kusugak, Minista Nunalingni Kavamatkunnilu Piviqhaqautikkunnut Jeannie Ehaloak, taamnalu Uataani Qikiqtaalurmun Maligaliutinga, David Joanasie.

Quviahukpiaqtun’nga quviahuutigiplugu armaktigutaa nutaaq munaqhiliqivia Kinngainmi,” uqaqtuq Kusugak. “Nutaaq igluqpak takudjutiniaqtuq kavamaptingnut uqariiqtamingnik havaqhutik an’nginitqiamik munaqhilqidjutinik tamainnut Nunavunmiunut nunaptingni. Nutaaq munaqhiliqivia nakuuhiviallidjutiyuq nunallaami piinnarialaqipluni piviqhaqaqtittiplutiklu ilaudjutilgingnik an’nginiqhitqiamik munaqhiliqidjutikkut.

Munaqhiliqivia ammaktirtuq takuyauyumayunut August 3 mi, ikayuqhugitlu Nunavut Kavamaita aqhuuqhainia ikayuqhugit Nunavunmiut ihumailiqidjutiyunut piqaqtittiplutik “nakuuhiqtiiqviqhanik igluanik”. Taapkua igluat iniqhaqaqtittivaktut qayarnaittumik nakuuhiqtittiuviupluni inungnut quqluqhimayutun ittunut ihumaalukpallaangnaqhiyutun iplutikluunniit. Hapkua igluat pidjutivaktut qilaminnuaq naliangnik nunallaamin ikayuqtauyumayunut ihumailiqidjutikkut.

Nutaaq piliurnia iniqhaqarnianiitlu ihuaqtumik kivraqtuidjutiniaqtuq ihariagiyauyuniklu nunallaamin, nakuuhivalliadjutiniaqtuqlu munaqhiliqidjutikkut tamainnut Kinngairmiut.

“Ublumi, quviahuutigiyavut armaktirinia ihariagiqpiaqtumik nunallaami ihuaqhiyuummigutiniaqtuq, aqhuuqhaigutiniaqtuq ikayuutigiplugulu munaqhiliqinikkut Kinngainmi amigaittuni ukiuni hivuni, “uqaqtuq Minista Ehaloak. “Quviahuktun’nga havaagiyaa Havagviata Nunalingni Kavamatkunnilu Piviqhaqautikkut piqangmata upalun’ngaiyainirmun, titirauyarnirmun nappaktirinirmunlu haffuma pidjariqpiaqtumik havaktauhimayumik igluqpak munaqhiliqivia. Hamna ihariagiqpiaqtauyuq nappaktiqtauyuq nunallaami”.

###

Tuhaqtipkainikkut Uqarvigijakhat:

Chris Puglia
Atan'ngujaullaktuq, Tuhaqtipkaijit
Munaqhiliqiiyitkut
867-975-5949
cpuglia@gov.nu.ca