Havaktingit

You are here

Nunavut quviahuutigiyait Nuliarnikkut Hingaiyainiqmullu Aaniaqtailiniqmut Naunaipkainiq Havainiq

Iitjirurvia 09, 2018

Inungnut Tuhaqtidjutikhanut

 

Nunavut quviahuutigiyait Nuliarnikkut Hingaiyainiqmullu Aaniaqtailiniqmut Naunaipkainiq Havainiq

Nunavut quviahuutigiyait Nuliarnikkut Hingaiyainiqmullu Aaniaqtailiniqmut Naunaipkainiq Havainiq uvani Idjirurvua 12-16. Nulliarnikkut inuuhirinikkut akhurnaqtun ilagiyait tamaat inuuhirinikkut atuqtakhait unalu Havakviat Munarhiliqiyitkut atuqhimaaquyut Nunavunmiunun aulahimaaquplugu uqaqtauyukhaq talvuuna nulliarnikkut inuuhirinikkut.

Ilihimagaluaqin taima inulramiit pivakhimayut nulliarnikkut inuuhirinikkut ilihairutikharnik taima nulliqiluayuitun inulramiutilunik? Taima inuuhirikharnik atuluaqpaktun talvuuna nulliqinikkut, taimalu munagidjutikharnik inmikkut talvanga nulliarnikkut aulayunik aanniarutingnik upalungaikhimangitunik hingainikkut, taimalu aituivaktun tamaat inuuhirinikkut nunalaaptingni.

Havakviangit Munarihiliqiyitkut pivalliarhimavakhimayut amigaitunik nulliqinikkut hingaiyaqhimayunik inuuhirinikkut hanaqidjutikharnik pigiaqaqtun Nunavunmiunun, ilauyurlu nuutaanik ilihaidjutikharnik taiguqaqtunik "Inuuhirinikkut Iliqatigiinikkut: Uqaqatigiikluta Uvaptingnun" talvuuna naunaititigun talvuuna:

  •  hunauyut inuuhirinikkut inuuhiringituniklu iliqatigiitunik tautungnaqtun;
  •  qanurlu uqagianganik nanminikkut ihumagiyait upiriyaingitlu qanuq itukhauyukhat iliqatigiiqatiqagumik;
  •  atuqhimaaqulugitlu inuuhirinikkut tuhaqtipkaidjutikharnik ayuittiarutingnik (uqaqhimaarnikkut nallangnikkutlu); unalu
  •  qanuq aulayaangat aviktaugumik.

Naunaiqyumirumagumik talvuuna inuuhirinikkut iliqatigiiktukharnik, nulliarnikkut inuuhiriktumik, Nulliqinikkut Aanniarutingnik atugianganiklu qayangnairutingnik nulliarnikkut, unaluuniit qanuq uqagianganik nulliarnikkut inuuhirinikkut nuttaqqanun, illihaqtunik, ilanagiyainun aipamingnunlu, pulaaqlutin nunalaani munarhitkut, uqaqqatigilugit upigiyainik angayuqaangit talvungaulutikluuniit www.irespectmyself.ca.

Tuhagaqtidjutikhanut Uqaqvikhaq:

Ron Wassink
Tuhaqtipkainirmut Ayuittiaqhimayuq
Havagviat Aanniaqtuliqiyitkut
(867) 975-5710
rwassink@gov.nu.ca