Havaktingit

You are here

Nunavut quviahutigijat Iqittiaqhimalugu Inuuhiq Ublua

Saptaipa 10, 2021

Kavamatkunnin Tuhaqtitaudjutikhaq

Nunavut quviahutigijat Iqittiaqhimalugu Inuuhiq Ublua

Uvani Iqittiaqhimalugu Inuuhiq Ublua, Havagviat Munaqhiliqijikkut akhuuquijut Nunavummiut ilauhimaaquplugit aliahurlutik hulilukaaktitijuni ikajuutaujut ihumamun inuuhirittiarnikkutlu. Nalunaqtumik aturniptingni, qajagijakhaqqut ihumakkut aanniaqtailitikhamik imaalu anginiqaqtumiklu inuuhiringnaqtumik munarittiaqtakhavut timiptingni aannialaqinaittumik.

Inmingmik-munariniq nakuujumiklu pijaami ajuittarnik ikajuutauniaqtun ihumakkut aaniaqtailidjutinganik. Anginiqaqtuq uqarvigihimaarlugit ilatin ilanatitlu, quviagilugu maniqqamiigiami, katimaqatauvaglutitlu ilitquhirmut hulilukaaqtitijuni tapkunani miqhurniq, angunahuarniq, hunaliuqtitijuni, niriqatigiiktuni nakuujunik niqinik, apiqhilutitlu ikajuqtaujumaguvit.

Avaliingaangittutit. Ikajuqtikhat hailivaktun. Ilihimaguvit kinamikliqaak ajuqhautiqaqtumik ikajuqtikhailliuqtumikluuniit, uqarvigilugit ilannatit, ilangniklu, uqaudjimik, Inirnikhamikluuniit. Akiittuq, hiamitirnaittumik ihumaliqinirmut imaalu ipiralailaqidjutit kajuutikhat hailijut nunalaani munaqhitkunnit.

Atirnik uqaqhimaittumik ikajuqhiqtauvikhaq, uqarvilugu:

  • Nunavunmi Kamatsiaqtut Ikajuqtuiviata Hivajautaa akiittumik 1-800-265-3333 unaluuniit 867-979-3333 (hailijut 24 ikarniinni ubluraluk unnuamillu).
  • Crisis Services Canada – qaritaujakkut titiraqatiqarlutit uqarvikharnik www.crisisservicescanada.ca, hivajarlutit, unaluuniit tiguumiarnut titirarvigilugu hivjautanut 1-833-456-4566.
  • Aullaqtitauplutik Ilihariaqtuqhimajut Iliharviit Ikajuutikhat Pinahuaruti:
    • National Crisis Line akiittumut hivajautaa 1-866-925-4419 (halijut 24ni ikaarniinni ubluq).
    • Ilisaqsivik Uqaudjijit Hivajautaa akiittumut 1-888-331-4433.
  • Nutaqqat Ikajuqtiit Hivajautaa 1-800-668-6868, hivayautikkut titirarlugu ‘TALK’ hamunga 686868, uqarvigiluginluuniin uvani www.kidshelpphone.ca.

Ilvitluuniit ilihimaguvit atlamik ajukhautiqaqtumik, uqarvigilugit Pallihimatkut, munaqhiliarlutitluuniit aanniarvingmutluuniit qilamiurlutit.

###

Tuhaqtipkainikkut Uqarvigijakhat:

Danarae Sommerville
Tuhaqtipkainirmut Ajuittiaqhimajuq
Munaqhiliqijitkut
867-975-5712
dsommerville1@gov.nu.ca