Havaktingit

You are here

Nunavut Kavamanga kigliqaqtinnialiqtait aullaqtukhanut ilaungidjutikhangit kapuqhiqhimaittunut havaktinut

Saptaipa 27, 2021

Tuhaqtipkaidjutikhaq

Nunavut Kavamanga kigliqaqtinnialiqtait aullaqtukhanut ilaungidjutikhangit kapuqhiqhimaittunut havaktinut

Iqaluit, Nunavut (Apitilirvia 27, 2021) – Atulirniqtuq Hukutirvia 1, 2021, Nunavut Kavamatkut (GN) Havagviat Munaqhiliqijikkut kigliqaqtinnialiqtait aullaqtukhanut ilaungidjuhikhainik kapuqhiqhimaittunut havaktikhanut. Ukununga ilaujut havaktit kapuqhiqhimaittut tuklianik kapuutikhamik Kavamangat Kanatami angiqtauhimajut Qalagjuarnirmun-19 kapuutit.

“Kapuutikhat hailingmata Hivuraani Kanatami, havaktit pijumagumik kapuqhiinarialaqijut,” uqaqtuq Dr. Patterson, Atanilluaq Nunallaani Aanniaqtailinikkut Havakti. “Ikiglihimanahuarlugit kapuqhiqhimaittut havaktikhat aullaqtukhat avikturnianut ilaungidjutikhanut ikajuutauniaqtuq ikiglihimalugit qajangnarniit Qalagjuarnirmin-19 tikingittangat Njnavunmut.”

Hivuagut, havaktikhat avalingaagakhaittumik naunaiqtauhimajumi GN-kut avalingaarvikhani najugaani ahianit avikturnirmit, imaalu aullaqtinnatik Nunavunmut ataani havaktikhat ilaungittut. Talvanga Hikutirvia 1, 2021, ilaungittukhat angiqtauvangniaqtun kapuqhiqhimaittunut imaaluuniit atauhiinnarmik kapuqhiqhimajut havaktit ataani ataunrmik malrungnit qanurinnikhanik:
  1. Qilamik imaalu angijumik ihuidjutiqaliqqata ihariagijaukpiaktunut aulapkaidjutikhanut imaaluuniit himmautaujukhamik pijariaqarumik nallunaktukkut aanniarunmit imaaluuniit aanniqtuqaqat; imaaluuniit
  2. Havakti(t) tunijauhimakpat titiraqhimajumik taaktimit naunaiqtaudjunmik pilimaittut Kavamanganit Kanatap angiqatauhimajumik Qalagjuarnirmun-19 kapuutikhanik aanniarnikkut pidjutiqaqtumik titiraqhimajut uuman kapuutit naunaijaqtauhimajukkut.

Kapuqhiqhimaittut imaaluuniit atauhiinnarmik kapuqhiqhimajut nallaumangittut malruuk qanurinniik titiraqhimajut qulani, angiqtaulimaittut ilaungdjutikhamik imaalu avalingaaqtukhaujut 14ni ubluni talvani GN-kut Avalingaarvikhat najugaani, hivuagut tikipkaqtautinnatik Nunavunmut.

Havaktit angiqtauhimajut ataani atauhirmi tapkuak malruuk qanurinnik qaritaujakkut titirarvikkut tujuqtukhaujut email an Kapuqhiqhimaittunut ihariagijaukpiaktut havakti imaalu Ilaijaktunut ilaungittunut aullarnikkut titiqqat taffumunga CPHOtravelrequests@gov.nu.ca imaalu avalingaaqtukhaujut angilrarumik havaguiraigumik. Uuktuutit havaktauvangniaqtun naatinagu tallimani havangnaqttitlugu ubluni.

Aallangungittut ilaungidjutikhat havaktaunikhait aullaqtukhanut ilaijaktunut ilaungittunut aullarnikkut tadja.
Itqaumajakhat, uuktuinarialaqijut kapuqhiqhimajunut aullaqtukhanut ilaungidjunmik kapuqhiqhimajut havaktit iniqtirlugu uqariijaut titiqqat imaalu tujuutigilugu taffumunga vaccineexemptions@gov.nu.ca. Nunaqaqtun ahianit Nunavunmi tunihijukhaujut

kapuqhiqhimajut naunaitkunmik uqariijaunmingnut titiqqammiklu. Pipkarlugit malrungni havainingni uuktuutit havaktauvikhanik imaalu aullaqtukhanut angiqtaudjunmik titiqidjunmik tujuqtaujukhamik ilingnut.

Kinaliqaak piliqtuq naunaitkutinik Qalagjuarnikkut-19 unniutijaujuq hivajaquvlugit una qalagjuarnirmun COVID-hivajauti uvani 1-888-975-8601 talvannga 10min ublaami uvunga 6mun unnuliqqat ihuarhaijaami ihivriuqhiqtauvikhamik ilitturipkarlugilluunnit nunallaamingni munarhitkut tadjainnaq. Upautihuirlutin munarhitkunnun, tadjainnaqlu avaliingaaqtiqtirlutin aihimavingni 14nun ublunun.

###

Tuhaqtipkainikkut Uqarvigijakhat:

Chris Puglia
Atan’ngujaukaffuktitauhimajuq Tuhaqtipkaijini
Munaqhiliqijitkut
867-975-5949
cpuglia@gov.nu.ca