Havaktingit

You are here

Nunavut atuliqtut avikturniinni-tamaat COVID-19 qalagjuarniirmun pittailijaujunik maliktakhainik

Nuvaipa 16, 2020

Tuhaqtidjutikhaq

Nunavut atuliqtut avikturniinni-tamaat COVID-19 qalagjuarniirmun pittailijaujunik maliktakhainik

Iqaluit, Nunavut (Hikutirvia16, 2020) – Aullaqtirlutik Pingattiunmi, Hikutirvia 18, Nunavut atgulirniaqtut maliqatqujaujumik, avikturnianni-tamaat pittailijaujunik maliktakhaqarniaqtut malruingni havainiingni, uuktuutikhanik ikiglinahuarutikhanik hiamitiqtailitikhamik aanniarutimut COVID-19 qalagjuarniq. Tamaita ihariagijaungittut kivgaqtuidjutikhani havaktiujut, havagviujut, timigutaujut pitqujauniaqtut umikhimajukhat imaatullu pijuminaqtunihavaktit havaktukhat iglumingni. Atuliqtukhat tadjainnaq, atuqtukhaujut matukhamik inuqarnirmungaijaraigumik, imaalu inuInungnin ungahiktilaaqarnirmik pilimaitpata. Matukhatg atuqqujaujut huli Kivallir avikturnianni Sanikiluarmilu.

“Amigaijuumivalirmata aannialiqtut nunallaani, anginiqaqtuq qanuriliurutikhaptingnik naunaijaigupta nutqaqtinnahuarutikhanik hiamitirnikhanut COVID-19 qalagjuarnirmun avikturnirmi,” uqaqtuq Dr. Michael Patterson, Nunavutimm Atanilluaq Nunalaani Aanniaqtailinikkut Havaktimi. “Ikiglinahuarutikhat aktuqtaunikhangit aannialaqidjutimut nakuukpiatqijaujuq aannialiqtailitikhaqqut Nunavunmi. Naunaijaffaarniaqtavut ihuarningit hapkuat maliqatqujaujut Ubluiqtirvia 2mi, naunaijariangani hivitturjuumiktukhaujakhainnik imaaluuniit ikajuutaujakhanik hiamitiqtailitikhanut aanniarutimut.”

Nunavut Kavamanga uqaudjijut aullaqtailitqujiplutik inungnik humutliqaak tingmitikkut. Tamita iliharviit umiktaujut kihimi atulirtut unngahiktukkut iliharnirmik. Nutaqqiqiviit umikhimaniaqtut tamainnut kihimik ihariagijaujunut havaktiiut. Hilami katimajut avatqulimaittut tallimat inungnik pipkaktaulimaiqtut imaalu iglut iluanni katimajut avatqulimaittut tallimat inuit ilaujut igluqatigiiktunut ilagiiktunut.

Tamaita ulapqiviit igluqpait umiktut. Tamaita ulapqinikkut hulipkaidjutit huliakhallu nutqarniaqtut. Tamaita niriviit aihiktaujukhainnarnik niqinik pinialiqtut, imaalu imirviit umiktut. Inungmut kivgaqtuidjutit, nujaliqiviit iqaijaijiujullu umiktut. Tamaita munaqhitkut unalu Qikiqtani Aanniarvik umiktut kihiani amigaqhuutaujuinnarnut. Nunavut Kavamanga kivgaqtuidjutikhait havaktauniaqtut havaktingit havalirlutik iglumingni,
pijuminaraikpat.

“Nunavummiut, una nutaqaqtinnahuarutikhaqqut nakatqirnahuarutikhanullu aanniarutaanik COVID-19 qalagjuarniq. Tamapta havaqatigiiktukhaujugut aannialiqtailinahuarluta,” uqaqtuq Hivuliqti Joe Savikataaq. “Anginiqaqtuq hivuanit havaktakhaptingni ikajuutikhaptingnik nunaptingnut. Ilihimajunga hamna ajurnaqpiaktuq, kihimi pijuminaqtaqqut. Uuturupta tamapta ikajurahuarluta, nakuuhitqijauniaqtugut aturliqqan Ubluiqtirvia. Qujanginnaqtailutit. Aihimalutin qajangnairutikharnik atuqhimaarlutinlu."

Kinaliqaak inuk ihumagumi aktuqhimanirmun COVID-19 qalagjuarnirmik hivajaqtukhat COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni. Munaqhiliaqtailutin upautihuirlutillu.

Tamaita nutangutqijat naunaiqtakhat imaalu atuqtakhat talvuuna COVID-19 qalagjuarnikkut Nunavunmi takuinnariaqaqtatit qaritaujakkut uvani: https://gov.nu.ca/health/information/covid-19-novel-coronavirus Nutaat ilitturipkaidjutikhat tunijauniaqtun tuhaumapkaidjutimi 1 mungaqqan. EST ublumi, Hikutirvia 16.

###

Tuhaqtidjutikhanut Uqarvikhaq:

Cate Macleod
Tuhaqtakhanut Titiraqti uumunga
Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca