You are here

Nunavunmi naunairutiqaqhimayuq taima Nunaryuaptingni FASD Ilihimayakhanginnik ublua

Saptaipa 09, 2020

Kavamatkunnin Tuhaqtitaujukhat

Nunavunmi naunairutiqaqhimayuq taima Nunaryuaptingni FASD Ilihimayakhanginnik ublua

Apitilirvia 9 Nunarjuami Hingaijat Tangaqtuqhimajut Iluumiangutillugit Nutarakhaq Inuuhirluktut (FASD) Ilihimajakhanginnik Ublua, ihuaqhautikhanik FASD pittailitikhanik, naunaiqtaudjutikhaniklu, imaalu ikajuutikhanik. FASD qaujihaqtaunirmik tainnia uqautigiplugit aktuqtauniit qaritarmut timinganullu pittaaqtut inuum hingaijauhimapluni taanngaqtuqpallaqhimajumit nutaraliktiinatik.

Inullaat piqaqtut FASD-mik ajuqhautiqarniaqtut ubluq tamaat inuuhirmingni, imaalu ikajuqtaujariaqaqtut ingutaarnirmingni ajuittakhainnik, timimikkut aanniarutimingnik, iliharnirmingni, itqaumanirmik, hulijamingni nutqangalairlutik, uqariakhamingnik, ikpiguhungniq maliktakhamik, imaalu inungmiunirmik ajuiqtakhamingnik pillahilugit ajuiqtakhatik. Imaatut amigaittut 1.5 million Kanadamiutat (4%) piqaqtut FASD-mik, aktuqtauvalajut kitkuliqaak inungnit tamainnit.

FASD pittaililajuq. Qajangnaitqijaujuq niuqaqhimaittumik atuqhimaittumik taangarnik aallaniklu aangajarnaqtunik, ilaujut higaarluit. hinngaijauhimatitluni hinngaijumaguvitluuniit. Piruqatigiit Resource Centre ukuallu Inuit Uqaudjijiit Katimapkaijit uqaqhimajut imaatut “Tamaqpiapta uvani Katimajiujuni Ikajuqtikhat” (Tamatta) ikajurumajugut akhuurutigilugit inuuhiringnaqtumik hinngaijaunirmik.

Ilihimaguvit inungnik piqaqtukhauyut ikayuutikharnik imingarnaqtunik atungnikkut hingaitiluni, ikayuutikharnik pigiaqaqtun. Uqaqqatigivaklugit ilannagiyan, ilagiyanik, Iningnikhanunluuniit. Akiittuq, hiamitirnaittumik ihumamitigut aanniaqtailinirmut ikayuutikhaq piinarialik nunalaani munaqhitkunnit. Humangittuq imiruijavjagumaguvit aturuiruaguvit taangarnik.

Ikajuqtikhat Nunavummiut pinahugijunut imaaluuniit naunaiqtauhimajut FASD-mik ilagiinullu hailijut talvani Piruqatigiit Resource Centre (www.piruqatigiit.ca) hivajautikkut uvani 867-877-4155.

Atirnik uqaqhimaittumik ikajuqhiqtauvikhaq:

  • Hivajarlugit Nunavut Kamatsiaqtut Ikajuqtit hivajautaa akiitukkut 1-800-265-3333 unaluuniit 867-979-3333 (hailijut 24-nik ikaakninik ubluq tamaat)
  • Titirarvigilugit Ajuqhaqpiaktunut Ikajuqtauvikhat Kanadami talvunga 1-833-456-4566 imaaluuniit qaritaujakkut uqaqatigilugit (www.crisisservicescanada.ca).
  • CHiovajarlugit Nunarjuami Ajuqhaqpiaktut kinguagut ilihariaqtuqtakpakhimajunut ilagiinullu uumani 1-866-925-4419 (ahailijut 24 ikarniinni ubluraluk unnuamillu, Inuktut, Qablunaatun, Uivivitun).
  • Inuit Nutaqqat Hivulliujut Uukturvikhat 1-855-572-4453 (www.canada.ca/supporting-inuit-children)

###

Tuhaqtipkainikkut Uqarvigiyakhaq:

Danarae Sommerville
Tuhaqtidjutikhanut Tutqikhaiyi
Aanniaqtailinikkut Havagvia
867-975-5712
dsommerville1@gov.nu.ca