Havaktingit

Nutaangutqijat GN-kut Qalagjuarniq COVID-19C tuhaqtitaujukhat paqitaunginariaqaqtun qaritaujakkurviptingni. Qalagjuarniq COVID-19 atuqtakhat paqitaunginariaqaqtun Havagviat Aanniaqtailinikkut Qalagjuarniq COVID-19 atuqtakhat makpirnia.

You are here

Nuliarnikkut Ingilrutikkullu Aanniaqtailinikkut Qaujihimanikkut Havainiq

Iitjirurvia 10, 2020

Februarymi, Aanniaqtailinikkut Havagvia itqaumaqujain Nunavunmiut anginiqarniangani nuliarnikkut ingilrutikkullu aanniaqtailidjutaitigun tamaat inuuhirikniptiknun.

Qanurittuutinga uumani ukiuq Nuliarnikkut Ingilrutikkullu Aanniaqtailinikkut Qaujihimanikkut Havainirmi unaujuq “Nuliarnikkut-Ilihimadjutit aanniaqtailidjutigivaktavun.” Nuliarnikkut aanniaqtailinikkut iliharutit pijukhaukpiaqtun mikhilaaqtittumanikkut kanngugijauvangniit hingaittailidjutini, nuliarnikkut hiamitpaktuni aanniarutinik (STIs), STI ihivriuqhinirni, aallanilu ihumagijauvaktuni pidjutilgit nuliarnikkut aanniaqtailidjutini.

Uqaqatigilugu aanniaqtailinikkut havakti nunallaarni mighaagun hingaittailidjutinik, amigarnaqtukkut hingaittailidjutinik ukunanilu nuliarnikkut aanniaqtailinikkut ihivriurutinik. Ihuarhaittaaqtutin akiittumik hiamitiqtaulimaittumiklu ihivriuqhidjutingnik nunallaarni munarhitkunni.

Takulugu una www.irespectmyself.ca ukununga nuliarnikkut aanniaqtailinikkut aturutikhanik tunijauhimajut Aanniaqtailinikkut Havagvianin. Takujaaqtallu una CheckUpProject Facebook-mi qunngiaqviani titiraqhimajunik, ilitturipkaidjutikhanik, aturutikhaniklu ukunani nuliarnikkut aanniaqtailinikkut ihivriurutiniklu.

###

Tuhaqtidjutikhanun Uqarvikhaq:
Chris Puglia
Tuhaqtipkainirmut Ajuittiaqhimajuq
Aanniaqtailinikkut Havagvia
867-975-5762
cpuglia@gov.nu.ca