You are here
Niqi utiqujaujuq Salmonella-mik qupilruqarmat
Kavamatkunnin Aanniaqtailinikkut Unniudjuti
Niqi utiqujaujuq Salmonella-mik qupilruqarmat
Aanniaqtailinikkut Havagvia unniutijun niqimik utiqujaujunik pitqujauhimajuq uumannga Kanadami Niqinik Ihiviuqhivingmin Havagvianin (Canadian Food Inspection Agency (CFIA)) talvannga pijungnarhijumin Salmonella-min nakuunngirutimin.
Vegpro International utiquliqtait Fresh Attitude atia Baby Spinach niuvvaavingnin pijungnarhingmata Salmonella-min nakuunngirutimin. Niuvirhimajun nirijakharingitait taapkuat utiqujauhimajut niqit ataani.
| Atia | Piliuqhimajuq | Angitilaanga | UPC | Naunaitkutait |
| Fresh Attitude | Baby Spinach (Biibinun niqikhat) | 312 g | 8 88048 00028 8 | Nakuutqijaq Tikitinnagu 2020 DE 04 |
| Fresh Attitude | Baby Spinach (Biibinun niqikhat) | 142 g | 8 88048 00004 2 | Nakuutqijaq Tikitinnagu 2020 DE 04 Nakuutqijaq Tikitinnagu 2020 DE 05 |
Aallat ilitturipkaidjutikhat uumani atiqaqtuni kituni niqini utiqujauhimajuni takunnaqtun uvani CFIA qaritaujakkuurutaani hamani.
Una utiqujauhimajuq niqi igitaujukhat utiqtilluguluunniit niuvvaavingmun niuviqtauhimanianin.
Niqit nakuunngiqtauhimajut Salmonella-mim takunnaittun tipaangittulluunniit nakuunngittutun kihimi huli aannialaqidjutijaaqtun. Ubluni-ikittuni naunaitkutit ilaqaqtaaqtun kidjangnirmik, niaqurlirnirmik, miriarnirmik, mirianguhungnirmik, akiaruqliurnirmi itiktarnirmiklu. Nutaqqat, hingaijun, Inirnighat inuillu hakiuttunik timilgit pijaaqtun qajangnaqtunik ilaanilu tuqudjutiuliqpaktunik aannialaqidjutinik. Ihumaguvin aannialaqidjutiqaqtutin nirinirmin utiqujauhimajumin niqimin, hivajadjavan nunallaarni munarhitkut.
Allanik ilitturittiarutikhanik, hivajadjavan, Kanadami Niqinik Ihiviuqhivingmin Havagvia (Canadian Food Inspection Agency) uvani 1-800-442-2342 qaritaujakkuurutikkulluunniit uvani www.inspection.gc.ca.
Ilaujumaguvin ukununga niqini utiqtitaujukhani titiraqlutin uumunga http://inspection.gc.ca/english/util/listserv/listsube.shtml.
###
Tuhaqtipkainikkut Uqarvigijakhaq:
Danarae Sommerville
Tuhaqtipkainikkut Ajuittiaqhimajuq
Aanniaqtailinikkut Havagvia
867-975-5949
Dsommerville1@gov.nu.ca
