Havaktingit

You are here

Naunaiqtaujuq inungmik aannialiqtumik aanniarunmik COVID-19 qalagjuarnirmik Kangiqlinirmi

Nuvaipa 11, 2020

Tuhaqtidjutikhaq

Qilamik Tuhaqtitaujukhaq

Naunaiqtaujuq inungmik aannialiqtumik aanniarunmik COVID-19 qalagjuarnirmik Kangiqlinirmi

Iqaluit, Nunavut (Hikutirvia 11, 2020)– Dr. Michael Patterson, Nunavutim Atannilluaq Nunalaani Aanniaqtailinikkut Havakti, naunaiqhijuq inungmikinungmik aanniarutiqaliqtumik COVID-19 qalagjuarnirmik Kangiqlinirmi.

“Aullaqtiliqtugut naunaijaidjutikhainnik qaniklihimajainnik aanniaqtumut nunangani, imaalu qilamik havaliqtugut naunaujainahuaqhuta kinamikliqaak ihumagijaujunik qajagijaujunik qaliklihimajaujunik aannialiqtumut. Kaniqliniq piqaqtut amigaittunik aanniaqtailinikkut havaqatigiiktunik nunamingni, kihimik Amigaqhuuitiqaqtumik havaqatigiiktut ikajuqtiujut upalungaikhimajut ikajurlutik munarinahuarlugit iidjuhinganik pijariaqarumik,” uqaqtuq Dr. Patterson. “Apiqhijugut inungnik tamainnik Kangiqlinirmi aiimatquplugit anijakhaitkumik imaalu inuqarnirmiutaililutik qaniklitaililutiklu inungmut, ilaujut ilamingnik aallanik igluqatigingitamingnik. Akhuudjavuhi aanniaqtailinikkut maliqattiaqujauhimajut inungnut tamainut qilamik hiamitiqtailinahuarutikhanik aanniarutimik nunamingnik”.

Tamna inuk avaliingaqtitauliqtuq namainaqhunilu.Tingmitikkut aullaqtukhat nunganut nunganitlu Kangiqlinirmut pitqujauhuiqtut tadja. Kinaliqaak inuk aullaqhimajuq talvuuna Kangiqlinikkut, hitamat ikaarniit nutqaqhimagumik hivitutqijanik talvanga Hikutirvia 5, inmingnik muarijukhaujut imaatut 14 ubluni aullarnirmingnit Kangiqlinirmit. Ihariagijauqpiaktuinnait kivgaqtuidjutikhat angmaniaqtun niuvaviit niqitarviit atulirniaqtut ikiglijuumirlugit angmaumavikhangit ikaarningit. Igluqpaum iluanni katimapkailimaiqtut, imaalu tamaita hilami katimaqatigiiktut imaatut kigliqarniaqtut tallimanik inungnik ikitqijanikluuniit. Inuit tamarmik aturiaqaqtut matukhamik anihimagaigumik ahianut iglumingnit.

“Inungnut Kangiqlinirmi tamainullu Nunavummiunut, apirijaffi qugluktailihimaluhi inungnutlu pittiarluhi. Nagliguhungnik kangiqhittiaqhimanirlu ikajuutauniaqtuq tamaptingnut aulladjutaani haffuma iidjuhiuliqtumut,” uqaqtuq Minista Aanniaqtailinikkut Lorne Kusugak. “Tadja akhuurutigijakhavut inungmit ungahiktilaaqarluni, uaqpaklugit algatit, aimaalu aihimaluta. Naamakhinaridjavuq tamna inuk Iaannialiqtuq, imaalu ikajuqtiqadjavut hakugiikhimalutiklu inuit tamarmik Kangiqlinirmi.”

Una aannialiqtuq inuk ajurnautiqalimaittuq aktuutaulimaittuq Aullauvilluarvigijauvaktut Nunat taffumani Churchill, Manitoba. Naunaittiaqtauniaqtut pidjutiqaqtut Aullauvilluarvigijauvaktut Nunat Nunatsiarmi tuhaqtitauhungujut.

Kinaliqaak kitu ihumagumi aktuqhimanirmun qalagjuarnirmun COVID-19 qalagjuarniq hivajaqtukhat COVID hivajautaanut 1-888-975-8601 akkungani 10 ublaami. unalu 6 mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni. Munaqhiliaqtailutin upautihuirlutillu.

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan ublami, Hitamiut, Hikutirvia 12.

###

Tuhaqtidjutikhanut Uqarvikhaq:

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaq, Tuhaqtidjutinun
Aanniaqtailinikkut Havagvia
867-975-5949
cpuglia@gov.nu.ca