Havaktingit

You are here

Nakimayuqarnahuginniktut tiriganniamik Sallirmi

Nuvaipa 23, 2018

Inungnun Aanniaqtailinikkut Tuhaqtitaujukhaq

Nakimayuqarnahuginniktut tiriganniamik Sallirmi

Munaqhiliqiyikkut ilitugipkaktitiumayut inungnun talvani Sallirmi tiriganniat nunangani uppaqinnikpaktut qinmirnik ihumagiyauyut tiriganniat nakimayungnaqhiyut.

Kiittiruvit qinmirmit qittuktauguvitluuniit tiriganniamit qinmirmitluuniit, munaqhiliadjavutit unnirlutilu anguhiqiyitkunut kiittiruvit nakimayumit qalamiurlutit. Nakuuhitiyangani havautit, thavautituqtitauyukhauyutit qilamikpiaq. Taima huraadjanik tautuguvit namaluangitunik, ulruyaaqtunik, qapuliqiyunik qaningni, tupitaqataliqtunik, nivyalukaaktunikluuniit ihuangitumik, qaniklinahuaqtailugit huraadjat imailiuqtun ilitugipkaklugitlu palihimauyarnun.

Titirarangniat aanniarutiqaqtun aulaniaqtun ilanagigiktumik taimaitukhaungitun. Nuttaqqat ulapqiqatigiyakhagingitait titiraniat adlaatluuniin huraadjat. Qinmihi ipiqhimavaglugit hilamiutaukpata, annipkaraiguffigikluuniit, munarilugitlu aallanguliriakhainik, naunaitkutikhanginik nakimaliriakhainik.

Nakimaniq naalvaakrtauvaktuq tiriganniani amaqqunillu Nunavunmi, hiamitaullayurlu qinminun kiitirumik nakimayumit tiriganniaamit amaqqumitluuniit. Nakimaniq hiamittaulayuq inungnut aanniarutilingmit uumayumit kiittirumik, qittuktaugumikluuniit uvaluuniit aluktaugumik nakimayumit. Inuk hanaqigumi/amiiyaigumi aanniarutiqaqtunik uumayunik, nakimanirik aannialiqtaaktut kiliqarumik uviningmikkut.

Takuguvit tiriganniaamik amaqqumikluuniit pihuktumik nunangni, uvaluuniit qinmit hannianihimayumik tiriganniamit amaqqumitluuniit, hivayadjavutin annguhiqiyitkunut qilamiurutigilugu talvunga 867-925-8823 uvaluuniit avikturnirni aanniaqtailinikkut havaktimut talvunga 867-645-8071.

###

Tuhaqtidjutikhanut Uqaqvikhaq:

Sarah Paterson
Ikayuqtiuyuq/Atanguyamun Tuhaqtitiliqiyiitkuni
Aanniaqtailinirmut Havagvik
867-975-5762
spaterson@gov.nu.ca