Havaktingit

You are here

Nakimaniq ilitturijaujuq Iglulikmi

Nuvaipa 05, 2018

Inungnun Aanniaqtailinikkut

Nakimaniq ilitturijaujuq Iglulikmi

Aanniaqtailinikkut Havagvia ilitturipkarumajait Iglulingmiut malruuk tiriganniak ilitturijauhimaliqtuk nakimajuunniqtuk.

Nakimaniqarniq pijauraanginnaqtuq tiriganniani amarunilu Nunavunmi, hiamittaaqtuq qiminun kiijaugaangatat nakimajumin tiriganniamin amaruminluunniit. Nakimaniq hiamittaaqtuq inungnun nakimajuq huradjaq kiittiraangata, qittukhiraangata aluktaugaangataluunniit. Inuk, kiliqhimadjutiqaraangat uvinikmikni, pijaaqtun nakimanikkut aanniarutimik hanaqigumik/amiqigumik nakimmakhimajunik huradjanik.

Kiijauguvit qittuqtauguvilluunniit, munarhitkunnungaujukhaujutin unniutilutillu taimatumik qilaminnuaq. Havauhiqtuidjutin pijukhat qilamik. Takuguvin huradjamik huliliqtumik ihuittumik, ulrualhittumik, qapuktumik qaniani, tupiliqtumik aallangajunikluunniit nipaarutiqaqtunik, kaniklihuiqlugu huradjaq unniutilugillu paliihimanguat.

Tiriganniaq aanniaqtuq inugirhimajutun inniaqtuq. Nutaqqat ulapqidjutigijakhaungitait tiriganniat aallallu huradjat. Pamiqhimajun huradjat ipiqtauhimajukhat hilamiittilugit, amirilugillu qanurinningit. Nakimanikkut kapuuktikhat pamiqhimanjunun huradjanun hailihimajun nunallaani; pijumaguvin uqaqatigilu Iglulikmi haamlatkut havagvia pijaami ilitturittiarutikhanik.

Takuguvit tiriganniamik amarumikluunniit hangujumik nunallaami, qiminluunniit kahaktuutihimakpat tiriganniamik amarumikluunniit, hivajadjavat anguhiqijiit atanngujaa uvani 867-934-6326, avikturhimanirmi avatiliqinikkut aanniaqtailinikkut havakti uvani 867 473 2676 unaluunniit havangnairaangat avatiliqinikkut aanniaqtailinikkut havakti uvani 867-975-5772.

###

Tuhagaqtidjutikhanut Uqaqvikhaq:

Sarah Paterson
Tuhaqtakhanun Atannguyaullaktuq
Aanniaqtailinirmut Havagvik
867-975-5762
spaterson@gov.nu.ca