Munaqhiliqijitkut munariliqtait qanuriniit Qalagjuarniq COVID-19 uvani Embassy West Inirnighaat Najugaqaqtut Ottawaami

Uqautigijaujuq

Munaqhiliqijitkut munariliqtait qanuriniit Qalagjuarniq COVID-19 uvani Embassy West Inirnighaat Najugaqaqtut Ottawaami

Nunavunmi Ministaa Aanniaqtailinirmun, John Main, ublumi tuhaqtitiyuq uqaqtuq:

“Ihumaaluqungitatka Nunavunmiut taimaa Nunavut Kavamanga munarijaat Qalagjuarniq COVID-19 aanniaqtun talvani Inirniqhaat najurviani Embassy West Senior Living Ottawaami munarittiaqhugit. Tadja, piqaqtuq 8-nik Nunavunmin Inirniqhaat najurviani aanniarutiqaqtun Qalagjuarnirmun COVID-19. Ilihimajunga ihumaalungnaqtumik tamainnun inungnun, tahapkualluallu ilaqaqtun najurviani.

Havagviga uqarvigivaktain havagvianun Embassy West Senior Living, piliuqtull maliktiaqtakhanik Qalagjuarniq COVID-19 maliktaulutik ikiklilugin pulaaqtun, amigairjuumilugin ihivriurutikhat naunaijautillu havaktinik munarijaujanullu, munarijaujullu avaliihimapkarlugin.

Aanniaqtun aanniarutimin munarijain atauhirmi natiani ubluk tamaallu naunaijaqhugin aanniarunmin. Embassy West Senior Livings Qalagjuarniq COVID-19 maliktaujakhat nakuutqijaujamullu qingakhatut ittumik hilamin iglukpangmun atuqtauniaqtun ikiklilaarutigilugu qajangnaqtumik aanniarunmit hiaminnaittaangani. Havagvik unniqhijullu havaktitik ihuaqtumik munarijaanginnik aanniarutiniktunun.

Tadja, ilihimajunga taimaa Embassy West Senior Living pijakhanik havakpiaktun hiamitirnaittumik aanniarutirjuamin munarilugillu tahapkuninga aanniartunik.

Inuktitut uqaqtiujun talvaniitut tapkua Inirnighaat kangiqhijaangini qanuriniit hunallu ihariagijaujut havaktaghat qajangnaitkutighait.

Taimaangugaluaq atanguyat hapkua qanuriniit munariyait ihumaaluutit haffumani Embassy Westmi ukualu nunamingni inungnun aanniaqtailinirmun maligahat atanguyait, aulahimaaqtumik munariniaqtaqqut qanuriniit tunihilutallu ikayuutinik ikayuiangini Inirnighavut.”

###

Tuhaqtipkainikkut Uqaqvigiyaqhaq:

Chris Puglia   
Atan’nguyaq Tuhaqtipkaiyini
Munaqhiliqijitkut
867-975-5949
cpuglia@gov.nu.ca