Havaktingit

You are here

Malruungnik nutaanik aanniaqtuqaliqtut QALAGYUARNITIGUT-19 Arviani

Iitjirurvia 19, 2021

Tuhaqtipkaidjutikhaq

Malruungnik nutaanik aanniaqtuqaliqtut QALAGYUARNITIGUT-19 Arviani

Iqaluit, Nunavut (February 19, 2021) - Ublumi, Nunavunmi malruungnik nutaanik aanniarutiqaliqtut QALAGYUARNIQ -19. 29-nguqtut aannialiqtut nunaptingni, tamarmik Arviani ittut.

“Nunavunmiutat, aulahimaaqtukhauyugut ikayuutikharnik aiturlugit nunalaangit Arviatmiutat. "Tamaqpiapta ikajuutikhaqaqtugut nutqaqtinnahuarlugu hiamitirninga haffuma aannialaqidjutip,” uqaqtuq Dr. Michael Patterson, Nunavunmi Atanilluaq Inungnun Aanniaqtailinikkut Havaktingat. Tikitpalliatitluta havangnailrumut, anginiqaqtuq Arviammiut pulaaqtailinahuarlutik, inungnit un'ngahikhimalutik imaalu atihimalutik matukhamik ahianungaigaigumik iglumingnit.

Tamaita inuit naammaktun, avaliingaaqtullu iglumingni akturnikkullu ihiviriuqtauhimaaqtut aulahimaaqtumik. Talvannga Iidjirurvia 19mi, Arviat ihivriuqhiniit imaa 2153 aaniarutiqangitut ihivriurutait. Nunavutiup Qilamik Upautijukhat Havaktiit ikayuqhimmaaqtait nunallaami aanniaqtailinikkut havaktiit. Aullaarniit talvunga talvanngaluunniit Arvianin kikliqaqtuq, kihiani amigarnarnirnun ihagiagijauqpiaqtunulluunniit pidjutinun.

Arviarmiut pijumajun COVID-19 Qalagjuarnikkut kapuutimik hivajaqtaaqtaa munarhitkut ihuarhailutik takujaqtuqvikhamik. Ublumimut, 6915 Nunavunmiut atauhiaqhutik kapuqhiqtut Moderna havautaannik. Kapuqhiriami nunaptingni pidjutihimmaaqtut huli.

Kinaliqaak ihumagumi aktuqhimanirmun COVID-19 qalagjuarnirmun hivajaqujaujuq COVID-hivajautaanun uvani 1-888-975-8601 10min ublaami 6mut unnuliqqat. Qikiqtaaluup Ubluqhiutaani, ilitturipkaqlugilluunniit nunamingni munaqhitkut qilamik, tadjainnarlu avaliingaarlirlutik iglumingni 14nun ubluni. Upaguiqlugit munaqhitkut.

Nutaanut kangiqhidjutinun, ukunanilu qaffiuniinni nakuuhijuni aulahimmaaqtunilu aanniarutiqaqtunik nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanik kangiqhidjutinik tadja inungnun aanniaqtailinikkut kikliqarutinun, takulugu: https://www.gov.nu.ca/health/information/nunavuts-path.

Nutaangutqijaujunun ilitturipkaidjutikhanun Nunavunmi COVID-19 qalagjuarnirmi kapurutikhakkut hivunikhainni, takulugu: https://gov.nu.ca/health/information/covid-19-vaccination.

###

Tuhaqtipkainikkut Uqarvigijakhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainirmut Ayuittiaqhimayuq
Havagviat Aanniaqtailinirmut
867-975-5712
dsommerville1@gov.nu.ca