Havaktingit

You are here

Malruk qalagjuarnirmun COVID-19 tutqighijaujuk aanniarutik Kinngaini

Saptaipa 20, 2021

Tuhaqtidjutikhaq

Malruk qalagjuarnirmun COVID-19 tutqighijaujuk aanniarutik Kinngaini

Iqaluit, Nunavut (Apitilirvia 19, 2021) – Dr.Michael Patterson, Nunavutim Atannilluaq Nunalaani Aanniaqtailinikkut Havakti, naunaiqhijuq malrungnik inungnik aanniarutiqaliqtumik qalagjuarnirmik COVID-19 Kinngaini.

“Ublumi, malruk innungnik Kinngaini aanniarutiqaliqtuk qalagjuarnirmun COVID-19,” uqaqtuq Dr. Patterson. “Naunaijaidjutikhainnik qaniklihimajainnik aanniaqtumut aanniarutiqaqtunik inungnik qaniklihimajainiklu naunaikhihimangnahuritait naunairiami humit aanniarutimik pijaakhainun.”

Nanunaijaidjutikhainnik qaniklihimajainnik aanniaqtumut paqittijut aanniarutiqarungnaqhijunik qaniklihimavlutik aanniarutirjuaqaqtunun COVID-19 talvani Dorset Suites Kinngaini. Taimaatut, Munaqhiliqijitkutapirijait kinalikaak talvaniihimajunik nirijaktuqtuniklu talvani qaangiutitilluguluuniin Apitilirvia 8 avaliihimajukhaujumik munarilutik aanniarutigijamingnun taimaa 14-ni ubluni. Aanniarutiniguvit, qilamik avaliihimalutit uqarvigilugillu qalagjuarnirmun COVID-19 hivajarvianun talvunga 1-888-975-8601 akun’ngani 10 a.mmin 6 p.m.-mun Qikiqtaani ubluqhiutaani (EST), ilitturipkarlugilluunniit nunamingni munarhitkut qilamik hivajautikkut. Munarhiliaqtailutin upautitailutit.

Pidjutaujunun qangannuaq qalagjuarnirmun COVID-19 amihuni nunallaani amigailiqhutiklu qalagjuarniq COVID-19 aanniarutiqaqtunun naunaitkutainun Hivuraani Kanatami, aanniarutiningniarungnaqhijunun nunami angiklijuumijuq. Kiudjutikhaanun, ivjarutit tadja atimajaujakhat tamainni Nunavunmi.

Unalu, kinalikaak tamangnik kapukhiqhimaittut ahimungauhimajut Kinngainit talvani qaangiutijumiluuniin Apitilirvia 13, avaliihimajukhat 14-ni ubluni. Tahapkuat kauqhiriiqhimajut munarijukhat aanniarutimun.

Inungnut aanniaqtailinikkut maliktakhait amigairjuuminiaqtut Kinngaitni ikiklijuuminahurillugu pidjutauniarungnaqhijamun nunallaami aannirutiningniaqtunun.

Piniaqtuq qilaminnuaq:

  • Aullaarniit talvunga talvanngaluunniit Kinngaini pitqujaungittun.
  • Hilami katimajut kikliqaqtut 50nik inungnik.
  • Ilgumi katimajun iglugijaujuni ikiklijuummiqtiqtaujun qulinun (10) inungnun, ilaujullu iglumiutaujun.
  • Iluani inungnin katimaviit, ilaujullu angaadjuviit, ulapqimiit, ikaijarviit, makpiraaqarviit, qunngiariaqtuqviit naluujarviillu, kikliqaqtuq 25nun inungnun imaaluunniit 50%mun naamadjutaanun, kitumi ikitqijaujumi.
  • Naliit inungnun katimavigijauvaktuq pipkailimaittun katimajunik takujaqturnirnik, katimalutik iqaijarlutik aturlutikluunniit.
  • Katimajun haakirvingni kikliqaqtuq 50nun inungnun imaaluunniit 50%mun naamadjutaanun, kitumi ikitqijaujumi. Iligiikhutik ulapqilimaiqtun.
  • Niriviit laisiqaqtullu imirviit kikliqaqtun 25%mun naamadjutaanun.
  • Katimalutik uqaudjinikkut katimadjutit kikliqaqtun 10nun inungnun.
  • Min’nguirhirviit angmaumajun kihimi igluqpait umikhimajun.
  • Iliharviit nutaqqiqivillu iglukpait tadja angmajut, kihimi ivjarutinik atuqtukhaujut.
  • Hivitujumik-munaqtauviit inirnikhanullu igluqpait, pijaaqtun amigainnikhaanun malrungnik pulaaqtinik atauhirmun najuqhimajumun; ivjarutit atuqtaujukhat tamainnun pulaaqtunun avatquhimajunin ukiuqaqtunin hitamanik; qanitqijaujuinnait ilagijaminik.

Kapuutit hailijut huli tamainni nunallaani Nunavunmi. Hivajarlugit munaqhitkut naunaiqhijarni kapurhirvikharnik imaaluuniit upautilutit talvunga Iqaluit Inungnut Aanniarvianut havainirmi ubluq tamaat kapuutimik Moderna (ukiuqaqtun18+) umanilu Pingattiunmi taffuminga Pfizer (ukiuqaqtun 12 talvunga 17). Kapurhirniq nakuukpiatqijaujuq aannialiqtailitikhat ilingnik, ilangniklu nunaqatingniklu.

Tamainun nutaanun kangiqhidjutinun Qalagjuarnirmun-19 Nunavunmi, hamungaulutit: https://www.gov.nu.ca/

###

Tuhaqtipkainikkut Uqarvigijakhat:

Chris Puglia
Atanngujaullaktuq Tuhaqtipkainikkut
Aanniaqtailinikkut Havagvia
867-975-5949
cpuglia@gov.nu.ca