Havaktingit

You are here

Malruk qalagjuarnirmun COVID-19 naunaiqtaujuk aanniarutiqaliqtumik Nunavunmi

Saptaipa 21, 2021

Tuhaqtipkaidjutikhaq

Malruk qalagjuarnirmun COVID-19 naunaiqtaujuk aanniarutiqaliqtumik Nunavunmi

Iqaluit, Nunavut (Apitilirvia 21, 2021) – Dr. Michael Patterson, Nunavutnmi Atanilluaq Inungnun Aanniaqtailinikkut Havakti, ublumi tuhaqtittijuk malrungnik nutaanik aanniarutiqaliqtunik qalagjuarnirmun COVID-19, atauhiq Kinngaini unalu atauhiq Kugluktumi, taimaa tamaat tallimmat tamainni avikturviinni.

“Ippakhaq, atauhiq inuk Kinngaini atauhirlu Kugluktumi naunaiqtaujuk aanniarutiqaqtumik qalagjuarnirmun COVID-19,” uqaqtuq Dr. Patterson. “Tamangmik aanniarutiqaqtuk naamaktuk avaliihimaliqhutiklu. Pitqujatka Nunavunmiut maliquvlugit inungnun aanniaqtailinikkut maliktaujukhat atuqtauliqtut puiguqungittugillu taimaa ivjarutit atuqtauliqtukhat tamainni avikturniinni.”

Naunaijaidjutikhainnik qaniklihimajainnik aanniaqtumut naunaijaqhimmaaqtait. Inungnut aanniaqtailinikkut maliktakhait atuqtaujut tamangnik nunallaani aallangungittut tadja.

Kinaliqaak piliqtuq naunaitkutinik COVID-19 qalagjuarnikkut unniutijaujuq hivajaquvlugit una qalagjuarnirmun COVID-hivajauti uvani 1-888-975-8601 talvannga 10min ublaami uvunga 6mun unnuliqqat ihuarhaijaami ihivriuqhiqtauvikhamik ilitturipkarlugilluunnit nunallaamingni munarhitkut tadjainnaq. Upautihuirlutin munarhitkunnun, tadjainnaqlu avaliingaaqtiqtirlutin aihimavingni 14nun ublunun.

Kapuutit hailijut huli tamainni nunallaani Nunavunmi. Hivajarlugit munaqhitkut naunaiqhijarni kapurhirvikharnik imaaluuniit upautilutit talvunga Iqaluit Inungnut Aanniarvianut havainirmi ubluq tamaat kapuutimik Moderna (ukiuqaqtun18+) umanilu Pingattiunmi taffuminga Pfizer (ukiuqaqtun 12 talvunga 17). Kapurhirniq nakuukpiatqijaujuq aannialiqtailitikhat ilingnik, ilangniklu nunaqatingniklu.

Tamainun nutaanun kangiqhidjutinun Qalagjuarnirmun COVID-19 Nunavunmi, hamungaulutit: https://www.gov.nu.ca/

###

Tuhaqtipkainikkut Uqarvigijakhat:

Chris Puglia
Atanngujaullaktuq Tuhaqtipkainikkut
Aanniaqtailinikkut Havagvia
867-975-5949
cpuglia@gov.nu.ca