You are here

Kavamatkut Nunavunmi tuhaqtitiumajaat Qiqaijalirvia 24 Nunaqjuami Tibiirnirmun Ublua

Maassi 24, 2022

Tuhaqtitauyuqhaq

Kavamatkut Nunavunmi tuhaqtitiumajaat Qiqaijalirvia 24 Nunaqjuami Tibiirnirmun Ublua


Iqaluit, Nunavut (Qiqaijalirvia 24, 2022) – Ublumi, Ministaat Aanniaqtailinirmun, John Main tuhaqtidjutaa uvani Qiqaijalirvia 24, Nunaqjuami Tibiirnirmun (TB) Ublua havaqatigiblugit ukua Nunavut Tunngavik Inc (NTI) ukualu Kavamatkut Kanadami.

“Tibiirniq aulahimaaqtumik anginihaujuq inuuhiinun ihumaaluutaujuq Nunavunmi,” uqaqtuq Minista Main. “Quviahuktunga ilauqatigiikhugit NTIkut ukualu Kavamatkut Kanadami uqariiqlugu Nunaqjuami Tibiirnirmun Ublua Nunavunmi. Una uqaqtaujuq ilaliutihimajuq ilitaridjutinun havaanginun Kavamatkut Nunavunmi, havaqatigijavullu ukua NTItkut ukualu kanadami kavamatkut aulahimaaqtumik, aulahimaaqtumik havakhugit aannialaqidtailidjutit Tibiirnirmun.”

Havakhutik mighaanun TBiiqtailinirmun Nunavunmi pijaghaqaqtuq amigaitunin-timiujunin ukualu avatiini-havagviit aghuuqlutik ihuaqhijuumirahuarniranun inuuhiinun, kitut ilaujut iuaqhijuumirutit iglunun qanuriniit, iihuaqhijuumiqtullu niqailiunirit, maniliunirmun pivalliadjutit aulahimaaqtumiklu pijaarnirmun uuktuutinun mamihaidjutinunlu. TB mamitaaqtuq aanniarutaiqtaujullu havautikkut. ilvit kinaliqaaluuniin ilihimajat atuliqtuq mihingnautinik TBiirnirmun, hivajaqlugit nunangi munaqhitkut uqaudjijaangini nakuutqiatigut atugahanik hulidjutinulu. Ilituritiarumaguvin mihingnautainun, takulugu https://www.gov.nu.ca/health/information/tuberculosis.

###

Tuhaqtipkainikkut Uqaqvigiyaqhaq:

Chris Puglia
Atan’nguyaq Tuhaqtipkaiyini
Munaqhiliqiiyitkut
867-975-5949
cpuglia@gov.nu.ca