Itqaumaluhi tigumiaqlugit Itquumajut Kapuqhirnimun Naunaitkutitit tingminahuaruvin

Public Service Announcement

Itqaumaluhi tigumiaqlugit Itquumajut Kapuqhirnimun Naunaitkutitit tingminahuaruvin

Havagvia Aanniaqtailinirmun itqaumatqujait Nunavunmiut ikijaamingni tingmitinun Nunavunmungaujumun, aulaqtiqtut Iqalungnin iqalukuurahuaruvinluunin, piqaqtughaujutit qalagjuarnirmun COVID-19 itquumajumik kapuqhirnirmun naunaitkutanik (PVC), taimaali pidjutiqarniaravin ihivriuqtaulutit pijaghanik.

Talvanga Tattiarnaqhilirvia 30, 2021, una naunaitkut iharianaqtuq nanminiqaqtunun tingmitinik, nunakuurutikkut tariukkullu aulaaqtut Kanada, ilaujut Nunavut, malikhugit kanadap maligait pijariaqarnq tapkua tamaita tingmijut tamainik kapuqhiqhimalutik qalagjuarnirmunin COVID-19.

Kapuhirnirmun pijariaqaqtut pidjutigijait tamaita tingminahuar 12mik ukiuqaqtut avatqumajullu:

• Tingmitikkut tingminahuat tingmitikkut, ahinun nunamun ingilranahuat nunarjuamiluuniin tingmitikkut aullaqnahuat tingmijuni milviinnin Kanatami, ilaujut Iqalungni Tingmitiqarvianin.
• Akhaluutiqpakjuakkut VIA ukualu Rocky Mountaineer takijut nunakuurutit.
• Umiakkuurahuaqtut ihariagijaungitunun uhitiqtunun umiani, imaatun aquidjutit umiat, aulajut 24nik ikarnirnik avatqumajulluuniin.

Una PVCmi ilaujut atautip atia, annivia, kapuqhirnirmunlu kangiqhidjutit unalu QR naunaitkutaa tapkua pijaujaaqtut ungahiktukkut tutqigharnirmun huiliqaak. Naunaitkutat tunijaujut akiitut Nunavunmiunun iluaniitut ubluillu kapuqhiutait qalagjuarnirmun
COVID-19 kapuutait pijaujut Nunavunmi. Una PVCpipkaijuq Nunavunmiunun kitut tingmijut pijaamingnik kivgaqtuutinik nunani pijariaqaqtut itquumajumik qalagjuarnirmun COVID-19 kapuutaanik.

Itquumajuut Kapuqhiutit pijaujaaqtut qaritaujakkut vaccineexemptions@gov.nu.ca. Kikliqaruvin qaritaujamik, ilvit PVC pijaaqtat upautilutit munaqhitkunun, Iqalungni Inungnun Aanniaqtailinirmun, uvaniluuniin Qikiqtani Aanniarviani.

Kapuqhiqhimangitut atautit, tapkualuuniin piqangitut inmi PVCmik, ihivriuqtaujughat qalagjuarnirmun COVID-19 ihivriurutaanik tingmitiqarviani hivuani ikipkaqtautinatik tingmitinun. Tingmijut aulaqtiqtut qujaginaq Nunavut nunallaanginin hilataani Iqaluit pidjutiqangitut ihivriuqtaunirmun tadja.

Kanadami pitqujaujut pijaghallu aalanguqniaqtut. Nunavunmiut itqaumatqujaujut ihivriuqlugit kanadami inungnun aanniaqtailinirmun maligahat itquumajullu kapuqhirnirmun pijaghat tingmitinatik.

• Kangiqhidjutit mighaanun Kanadap, aviktuqhimajumi aviktungniinilu maligahat tingminirmun paqinaqtut uvani https://travel.gc.ca/travel-covid/travel-restrictions/domestic-travel.
• Kangiqhidjutit tingminirmun maligahat kitunun pihimajut inungnun ungahiktuni nunallaani, ilaujut tamaita nunallaat Nunavunmi Iqalungniungituq, paqinaqtut uvani https://www.sac-isc.gc.ca/eng/1635354950168/1635354976951.

Ilaliutihimajunik tingminirmun-ilaujut apirhuutit, hivajaqlugit ukua COVID-19 Hivajautaa uvani 1-833-524-0735 qitqani 9ublaami 5 p.m. EST.

Kapuutait aulahimaaqtumik piinarialgit tamaani aviktuqhimajup. Hivajaqlugit munaqhitkut takujaujaarni hivulirmik, tuglirmik ikajuunmikluuniin qalagjuarnirmun COVID-19 kapuutaanik. Itqaumalutit, una qalagjuarnirmun COVID-19 kapuutaa nakuutqiaq aanniarutiniktailidjut ilingnun, ilangnun nunallaamunlu.

###

Tuhaqtipkainikkut Uqaqvigijaqhaq:

Danarae Sommerville
Tuhaqtipkainirmut Ayuittiaqhimayuq
Munaqhiliqiiyitkut
867-975-5712
dsommerville1@gov.nu.ca