You are here

Inuuhiringnikkut Ikajuutiqhat hailihimajut Papal pulaaqhimaliqqat

Julai 22, 2022

Inungnut Tuhaqtitaujuqhaq

Inuuhiringnikkut Ikajuutiqhat hailihimajut Papal pulaaqhimaliqqat

Qajangnaqtuq: Uqautiqhat uqaqtauniaqtun ihumaallaktitauniarungnarhijun ilanginnun inungnun.

Pope Francis aquiniaqtuq Kanadamun July 24min July 29mun talvani pulaarniaqtait Alberta, Quebec Nunavullu. Tamaaningani papal pulaarutaani, ajurhautikkut-ilihimajun ihumakkut inuuhiringnullu ikajurutit hailimahimmaarniaqtun tamainnun Nunavunmiunnun. Ihumakkut uqaudjutiit pitquhikkullu ilumi-mihingnarutini havagutit hailihimajun ikajuriami inungnik hulaqutauhimajun aanniqtaunirnin pihimajun Faalamiutat (Roman Catholic) Angaadjuviup havagutainni ukunani Faalamiunin-pipkaqtauhimajun (Catholic) ahinungaqtitauhimaplutik iliharviinnin.

Talvuuna Nunaqqaarhimajunut Kivraqturviit Kanata, 40 Aanniaqtailinirmun Pitquhikkutlu Ikajuutiqhat halimaniaqtut talvainnarmi tahapkununga Aallait Najugaiviuvigaluaqtainnut Ilihariaqtitauhimaplutik (IRS mik naunaittut) Annaktaujut aadlatlu ilaujunut pidjutilluni Papal Hulidjutiqhaanut Iqalungni.  Anniaqtailinirmun pitquhikkutlu ikajuutiqhat pihimajut tahapkunani pinggahut avikturviinni Nunavut, Inuvialuit Avikturvia Yukonlu, Nunattiamilu.  Talvani Aanniaqtailinirmun Pitquhikkutlu Ikajuutiqhat, piqaqtut siksini IRS ihumakkut uqaudjiijiqhanik kivraqtuqpaqhutik ilihariaqtuqhimajunik ilagijainniklu amihuni ukiuni Ukiuqtaqtuup Avikturvianni.  Havaqatigiiqtut havaqatigiittiarniaqtut aadlanut ihumakkut uqaudjiijinik Nunavut Kavamainni Nunavut Tunngavikkunnitlu.

Ataani takulugu aadlat ikajuutiqhat hailihimajut Nunavunmiunut. 

  • Una Nunavut Kamatsiaqtut Ikajuqtaunirmun Hivajautaa (hailihimajuq 24ni ikaarnirni ubluni, saivani ubluni havainirmi).
    • Hivajarlugu 867-979-3333 akiittumiluunniit 1-800-265-3333.
  • Mamiharniq Uqaqatiginikkut Pinahuarutit.
    • Akiittuq hivajautikkut uqaudjaunikkut havagutit tunijaujuq Nunavut Kavamanganin (GN). Takujaqtuqlugit nunangni Munaqhitkut kangiqhidjutainun qaritaujakkutluunniit titiqqigilugit hamunga healing@gov.nu.ca.
  • GNkut Havaktini/Ilagijainnullu Ikajuqtaunikkut Pinahuaruti.
    • Hivajarlugu 1-800-663-1142.
  • Crisis Services Canada (Ajurhaliqtunun Ikajurvik Kanada).
  • Youthspace.ca.
    • Hivajautikkut titiqqilugu 778-783-0177.
    • Qaritaujakkut uqavigiinarialgit uvani www.youthspace.ca.
    • Qaritaujaliqivikkut uqaudjaujaami piinnarialik hivajarlugu 250-478-8357 akiittukulluuniin uvani 1-866-478-8357.
  • Isaksimagit Inuusirmi Kataujjiqatigiit Iqittiaqhimalugu Inuuhit Katimajiit (Embrace Life Council).
  • Hope for Wellness Help Line (Ikajuqtaunirmun Hivajautaa) (hailihimajuq 24ni ikaarnirni ubluni, saivani ubluni havainirmi).
    • Ikajurutiit ajurhalirnirmullu ikajuutit hailihimajun tamainnun Nunaqaqqaaqtunun Inungnun Kanadami.
    • Hivajarlugu 1-855-242-3310
    • Qaritaujakkut uqavigiinarialgit uvani www.hopeforwellness.ca.
  • Kanadami Ahinungaqtitauhimaplutik Ilihariaqtuqtitauhimajun Ajurhalirnikkut Hivajauti (hailihimajuq 24ni ikaarnirni, saivani ubluni havainirmi).
    • Pitquhikkut uvanilu ilumi-mihingnarutini ajurhalirnirmullu ikajuutit Annautihimajunun ahinungaqtitauhimajut ilihariaqtuqhutik ilagijainnunlu.
    • Hivajarlugu 1-866-925-4419.
  • Nutaqqat Ikajurnikkut Hivajautaa.
    • Hivajarlugu 1-800-668-6868.
    • Uqaqatigiikpiarnikkut piinnarialik uvani kidshelpphone.ca.
    • Hivajautikkut titiraqlugu ‘CONNECT’ hamunga 686868 titiraqatigijaami ajuirharhimajumun ikajuqtimun.

Ilihimaguvin kinamikli ajurhaqtumik, hivajarlugit Paliihimat, munarhitkunnungaulutilluuniin aanniarvingmulluuniin qilamik.

###

Tuhaqtipkainikkut Uqarvigijaqhaq:

Danarae Sommerville
Tuhaqtipkainikkut Ajuittuq
Aanniaqtailinirmut Havagvia
867-975-5712
dsommerville1@gov.nu.ca