Havaktingit

You are here

Inungnut aanniaqtailinikkut maliktakhat nutqaqtitaujut tamainni Qikiqtani, Kangiqliniq

Immaktirvia 23, 2021

Tuhaqtidjutikhaq

Inungnut aanniaqtailinikkut maliktakhat nutqaqtitaujut tamainni Qikiqtani, Kangiqliniq

Nunavut (Imaruqtirvia 23, 2021) – Ublumi, Dr. Michael Patterson, Nunavunmi Atanilluaq Nunalaani Aanniaqtailinikkut Havaktia, tuhaqtitijuq nutaanik inungnut aanniaqtailinikkut maliktakhait Kangiqlinirmi imaalu tamainni Qikiqtani nunallaani tahamaniungittuq Iqalungni imaalu uqaqhuni tamna qalagjuarniq COVID-19 aanniarjuarut Kinngarni qangiutijuq.

“Akhuuqpakhutik havakpaktut Nunavunmiut imaalu ukuat kavamatkunnin aanniaqtailinikkut havaqatigiiktut, avatquttut ukuat 28-ni ublutkinguliq aanniaqtuq Kinngarni, uqaqtugutlu aanniarjuarut qangiutijuq,” uqaqtuq Dr. Patterson. “Nutqaqpalliajut maliktakhait amigaittuni nunallani Qikiqtani avikturnianni Kangiqlinirmilu, akhuuqujatka inuit tamaita qajagivaklutik.”

Atuliqtukhaq 12:01 a.m., Tallimiut, June 25, Kangiqlinirmi tamainilu Qikiqtani nunallaani tahamaniungittuq Iqalungni, inungnut aanniaqtailinikkut maliktakhait nutqaqtitaujut.

Tapkunani nunallaani, igluqpait iluani katimapkaijut nunallaani katimaviinni, katimapkaiviinni, kavamatkuni imaalu Inuit timiqutinginnilu igluqpainni kikliqarnialiqtun amigaigjumilugit 100 inuit imaaluuviit 75 pusantinga igluqpaup naamadjutikhaqarutikhaanin, kitumun ikitijauninganun. Katimaqatigiiktun iqaijarviini imaalu naluujarviini amigaigjuumijut 25nik inungnik. Piksasuurviit pittaaliqtut 100 inungnik imaaluuniit 75 pusantinga igluqpaup naamadjutikhaqarutikhaanin. Angaadjuviit pipkaqtaaqtun 100 inungnik imaaluuniit 75 pusantinga igluqpaup naamadjutikhaqarutikhaanin, kitumun ikitijauninganun. Aviktuqhimanirmi imaalu hamlatkuni min'nguirviit iguqpait angmaffaanginarialaqijut. Inungnin unn'gahiktilaaqarlutik maliqajakhangit huli inuqarnirmi. Tamaita iliharviit nuuttut talvunga Qanurininga 1 uumani Angmarvikhaanut

Upalungaijautikhat Nunavunmi Iliharviit; Igluqpaum iluani katimapkaijutin nanminirijaujuni igluni aullangittut imaatut 15 inungnik aallaniklu igluqatimingnik, imaalu hilami katimajut aullajunaittut imaatut 100 inungnik.

Ivjarutit huli atuqtaujukhat tamainni Nunavunmi nunallaani.

Inuk kituliqaak ihumagumik aktuktauvaktun COVID-19 Qalagjuarniq uqaqtukhaujut hivajautikkut COVID-hotline uvani 1-888-975-8601 talvuuna 10 ublaami 6 unnukpat, ilituripkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut aimavingmingni 14-ni ubluni. Upaguirlugin munarhitkut.

Tamainnik nutaanik kangiqhidjutikhanik takulugu unawww.gov.nu.ca.

###

Tuhaqtipkainikkut Uqaqatigiviqhaq:

Chris Puglia
Atan'ngujaullaktuq Tuhaqtipkainikkut
Havagviat Munaqhiliqijikkut
867-975-5979
cpuglia@gov.nu.ca