Havaktingit

You are here

Inungnut Aanniaqtailinikkut maliktakhait nutqarjuumijut Sallirmi

Aktuupa 21, 2021

Tuhaqtipkaidjutighaq

Inungnut Aanniaqtailinikkut maliktakhait nutqarjuumijut Sallirmi

Iqaluit, Nunavut (Tattiarnaqhilirvia 22, 2021) – Dr. Michael Patterson, Atanilluaq Nunalaani Aanniaqtailinikkut Havaktia, tuhaqtitijuq nutqaqtitauvaliayut inungnut aanniaqtailinikkkut malkiktakhait Sallirmi.

“Tadja aanniarutilirnun qalagjuarnirmun COVID-19 Sallirmi avaliihimajun iglumiittunun hiamittunun,” uqaqtuq Dr. Patterson. “Nunallaami hiamidjutaa mikijuq, qajangnaittuq nutqarjuuminnaqhunilu inungnun aanniaqtailinikkut maliktakhat piiklugulu tingmidjutikhainun maliktakharaluangin Sallirmi. Ivjarutit huli atuqtaujukhat tamainni Nunavunmi nunallaani.”

Piniaqtaat qilamik CPHO ilaaungittukhanun titiqqidjutait tadja atulimaiqtut tingmijaami talvunga talvanganillu Sallirmi. Unalu:

  • Hilami katimapkaijut kigliqaqtuq 25nun inungnun.
  • Igluqpaum iluani katimajukhat kigliqaqtuq tallimmanun inungnun, aallaniklu igluqatigiiktunik ilaujunut.
  • Iluani inuit katimajunun, ilagijait, ulapqiviit, iqaijaiviit, taiguarviit, qun’ngiarviit ikittunun pijakhaujut taimaa 25-nik imaaluuniin 25%-mik pilutik ittaaqtunun.

Iliharviit nutaqqiqiviillu iglukpait angmaktaaqtut

  • Angaadjuviit angmaujun uvunga nappaanun 50-nik imaaluuniin 25%-mik igluqpaup naammadjutikhaqarutikhaanin, atuujalimaittun.
  • Haakirviit agmajun taimaa maliklugu 25-nik imaaluuniin 25%-mik talvaniittaaqtunun ukuallu 25-nik qun’ngiaqtunik.
  • Tamaita ihariagijaungittut nanminiqaqtut ekihimi ukuat inmikkut havaktaujut ukunatut pinniaqhaqtauviit unalu nujaliqijiit angmaktaaqtut.
  • Niriviit imaalu laisiqaqtut imirviit upaktailijaujut kihimi aikhiqtaujuinnarnik. Kigliqarluni qulinik (10) inungnik uutaqqijut nangikhutik.
  • Katimalutik uqaudjinikkut katimadjutit kigliqaqtun 10nun inungnun.
  • Munarijauhimmaarviit unalu inirniqhaanun iglukpait piqaqtaaqtut atauhirmik pulaaqtumik atauhirmun talvaniittumun najuqtumik, ivjarutinik atimajukhat.
  • Min’nguirviit nutaqqanullu ulapqiviit hilami angmaktaaqtut, kihimi iglukpat umikhimaniaqtut.

Kinaliqaak qalagjuarnirmik COVID-19 mihingnautiqaliqtut uqaudjaujut hivajarlugu COVID-hivajautaa uvani 1-888-975-8601 talvanga 10min ublaami 6mun ubluummaat Qikiqtaani ubluqhiutaani (EST), ilitturipkarlugilluunniit nunallaamingni munarhitkut qilamik hivajautikkut. Munarhiliaqtailutin.

Qalagyuarnirmun COVID-19 kapuutait piinarialgit huli tamainun Nunavunmiunun ukiuqaqtunun 12min avatqumajullu. Hivajarlugit munarhitkut takujaujumaguvin. Iqaluit Inungnun Aanniaqtailinirmun upautijunun kapuqtuijut haffuminga Pfizermik (ukiuqaqtut 12min 17mun) uvani Pingattiut 9:30 ublaami. 11:30 ublaami. uvanilu 1:15 ubluqitqani. to 4:30 mun. Upautijunun Modernamik (18min avatqumajullu) kapuqtuijut Hivulirmi Tallimiunun 9:30 ublaamin 11:30mun uvanilu 1:15 ubluqitqani 4:30mun.

Tamainun nutaanun kangiqhidjutinun qalagyuarnirmun COVID-19 Nunavunmi, hamungaulutit: https://www.gov.nu.ca/

###

Tuhaqtipkainikkut Uqarvigijakhat:

Chris Puglia
Atan’ngujaullaktuq Tuhaqtipkainikkut
Aanniaqtailinikkut Havagvia
867-975-5949
cpuglia@gov.nu.ca