Havaktingit

You are here

Inungnun katimapkaidjutit tibaakukkut higaanguakkullu maligakhainni

Iitjirurvia 05, 2020

Kavamatkut Nunavunmi katimapkailiqtut ilangini Nunavunmi nunallaani February 2020mi pijaangini uqautinik tukhiqtaujunun aallanguqtirutikhanun uumunga Tibaakukkut Amirinikkut Higaangnaittuni Najugani Maligaqmun.

74% avvangani Nunavunmiunni avatquhimajuni 16nik ukiuqaqtunik atuqpaktut tibaakunik, taamna amigaitqijaujuq hitamaiqtuqhugu aktilaangani Kanadami aktilaanganin 18%mik avvanganin. Qulvakhiktuq aktilaanga tibaakuqtuqnirnik pidjutiqaqtuq angijunik nakuungittunik hulaqutinik aanniaqtailidjutainnun Nunavunmiunni, naliinnik aturaangata atungitkaangataluunniit tibaakunik. Tukhiqtaujut aallanguqtirutikhat piniaqhimajun ikiklijuummiqtipkaqlugu tibaakuqturniq pimmarikharumaplugillu aanniaqtailitidjutait Nunavunmiun.

Katimapkainiaqtut hapkunani:

  • Uqhuqtuuq, February 11, 7-9 unnukpat, Nunallaap Katimaviani.
  • Taloyoak, February 12, 7-9 unnukpat Nunallaap Katimaviani.
  • Igluligaarjuk, February 25, 7-9 unnukpat, Nunallaap Katimaviani.
  • Qikiqtarjuaq, February 27, 7-9 unnukpat Nunallaap Katimaviani.
  • Iqaluit, ublua, humi, ubluqhiutikhaalu naunaijaqtaujukhaq.

GN-kut upakniaqtaillu Iqaluktuuttiaq Kangiqliniqlu turaangajunun pidjutiqaqtunun miitirutikhanik ukunani tukhiqtauhimajuni aallanguqtirutikhanun. Nunallaat upaktaulimaitpat, tunihijaaqtutit huli uqautingnik. Uqautikkut titiqqat hailihimajun munarhitkunni kavamatkut kivraqtigijainni havagviinni, qaritaujakkulluunniit titiqqijaaqtatin uqautitin uumunga Robert Jones, Tipaakukkut Amirnikkut Qaujihaqti, uvani rjones1@gov.nu.ca.

###

Tuhaqtidjutikhanun Uqarvikhaq:
Chris Puglia
Tuhaqtipkainirmut Ajuittiaqhimajuq
Aanniaqtailinikkut Havagvia
867-975-5762
cpuglia@gov.nu.ca