Havaktingit

You are here

Ilitturijauhimajuq COVID-19 qalagjuarniq aanniarutiqaqtuq uvani Mary River Ujaraghiuvingmi

Saptaipa 21, 2020

Tuhaqtidjutikhaq

Ilitturijauhimajuq COVID-19 qalagjuarniq aanniarutiqaqtuq uvani Mary River Ujaraghiuvingmi

IQALUIT, Nunavut (September 21, 2020) – Dr. Michael Patterson, Nunavunmi Atanilluaq Nunalaani Aanniaqtailinikkut Havakti, tuhaqtitijuq aanniarutiqaliqtumik Qalagjuarniq-19 qalagjuarnirmik talvani Mary River Ujaraghiurvingmi, 176 km-nik ungahiktilaaqaqtuq hivuraani Mittimatalikmin. Inuk aktuqtauhimangittuq aannialaqutimik Nunavunmi aannialaqiniq naunaijaqtauniaqtuq inuup aihimaviani nunangani.

“Inuk tadja avaliingaaliqtuq piqangittuqlu naunaitkutinik aanniarutimun,” uqaqtuq Dr. Patterson. “Ilitturidjutit naunaijaqtaujun uumannga Hamilton Regional Laboratory (ihivriurhivingmi) ublumi.”

Piqangittuq naunaitkutinik hiamitirnirnik talvani Mary River Ujaraghiurvingmi tadja. Nunavutim Aanniaqtailinikkut havaktiit upalungaiqhimajun ikajuriami upautijaamilu taimaatun, pijukhauliqqanlu.

“Piqangittun Nunavunmiunnik tadja havaktun talvani Mary River Ujaraghiurvingmi, qajangnarniqlu COVID-19 qalagjuarniq hiamitirniani nunallaaptikni uumannga ilitturijauhimajumin aannialaqutimin atpahikpiaqtuq,” uqaqtuq Minista Anniaqtailinikkut George Hickes. “Taimairaanginnakkut, apirijavun Nunavunmiutat amiriqpiarhimalutik alganik-uaraanginnarlugin, aallanin ahiqpaniillutik aihimalutiklu aannialaqilirumik.”

Tadja aanniaqtailinikkut qanuriliurutit, Nunavutip Apqutikhaa, ukualluunniit Aullauvilluarvigijainni Nunani ukunani Churchill, Manitoba-mi uumanilu Nunatsiami, huli hulaqutaungittut.

Naunaitkutit COVID-19 qalagjuarnirmi ilaqatun kidjangnirmik, qalaliqtumik ajurnarhijumikluunniit anirhaaktariami. Nakuutqijaujuq hapummidjutinik hiamitirnirnin aannialaqidjutimilluunniit aanniarutimik taimaatun inungnin ahiqpaniinniit, algaknik-uarnirnik 20 secondsnik, qalakhurniq takjurniqlu ikuhingnun aihimalunilu.

###

Tuhaqtidjutikhanut Uqarvikhaq:

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaktuq, Tuhaqtidjutinun
Munaqhiliqiyitkut
867-975-5949
cpuglia@gov.nu.ca