Havaktingit

You are here

Ilitturijauhimajuq COVID-19 qalagjuarniq aanniarut hiamitiqtuq uvani Mary River Ujaraghiuvingmi

mii 02, 2021

Tuhaqtidjutikhaq

Ilitturijauhimajuq COVID-19 qalagjuarniq aanniarut hiamitiqtuq uvani Mary River Ujaraghiuvingmi

Iqaluit, Nunavut (Qiqaijaluarvia 2, 2021) – Atanilluaq Nunalaani Aanniaqtailinikkut Havaktimit Nunavunmi, Dr. Michael Patterson ublumi naunaiqhijuq COVID-19 qalagjuarnirmun aannialiqtumik talvani Mary River Ujarakhiurvingmi, imaatut unngahiktigijuq 176 kilometres hivuraani Mittimatalingmit. Ublumimit, nainguqtut aannialiqtut COVID-19 qalagjuarnirmun.

“Tamarmik aanniaqliqtut inullaat avalingaqtitaliqtut naamainnaqtutlu. Munarijaqqut qanirittaakhainik, imaalu ikajurnahuaqtavut ujarakhiurviat kiudjutikhanik qanuriliurutikhanginiklu ihariagijainnik,”uqaqtuq Dr. Patterson. “Ilaungittut Nunavunmiut tadja havaktunik ujaraqhiurvianni, imaalu Qikiqtaaluk maliqahimmaaqtait maliqjakhatik pittailinahuarlugit aktuqtaungittangini nunallaanut. Una hiamitirningat pidjutiqangittuq inungnut aanniaqtailinikkut maliktaujarialiit tadja maliqajakhainnik, imaalu qajangnarniat Nunavunmiunut qanittuinut nunallaanut mikijuq.”

Bafffinland Iron Ujagakhiurviat tuhaqtitijut Havagvianik AanniaqtailinirmutTallimiunmi, April 30, kiuliuqtaudjutait ujarakhiurvingmit aullaqtitaujut Iqalungnut naunaiqtaudjutikhanik ihivriuqtaudjutainnik. Nunavunmi Qaujihaiviat naunaiqhijuq tamainnik naingujunik ihivriuqtaudjutainik aanniarutiqaqtunik.

Kiudjutikhanut, tamaita iariagijaungittut tingmitikkut aullaqtukhat talvunga talvangaluuniit ujarakhiurvianit, ilaujullu ihuaqhariikhimajut havaktiinnik himmautikhangit, taimaaqtitaujut tuhaqtitauniaqtut qakugu pillahivikhanik. Aanniarutiqaliqtut COVID-19 qalagjuarnirmun ujaraqhiurvianni kihitauniaqtut atauhillaat nunagijainni ilaliutijaulimaittut Nunavunmi kihittauhimaniinut.

Kinaliqaaq ihumagumi aktuqhimanirmun qalagjuarnirmun COVID-19 hivajaqujaujun uvunga 1-888-975-8601 10min ublaami 6mun unnuliqqan. EST, imaaluuniit tuhaqtitlugit
ilitturipkarlugilluunniit nunamingni munaqhitkut qilamik, tadjainnaqlu avaliingaaqlutik iglumingni 14nun ubluni. Upaguirlugin munarhitkut.

Nutaat ilitturipkaidjutikhat tunijauniaqtun tuhaumapkaidjutimi Aippiut May 4mi 11mungaqqat. EDT.

###

Tuhaqtipkainikkut Uqarvikhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaktuq Tuhaqtidjutinun
Havagviat Aanniaqtailinirmut
867-975-5949
cpuglia@gov.nu.ca