Havaktingit

You are here

Ikqayuqlutit ikiliyuumiqlugu tipaakuq atuqtauniq Nunavunmi

Januali 17, 2019

Inungnun Tuhaqtitauyukhaq

Ikqayuqlutit ikiliyuumiqlugu tipaakuq atuqtauniq Nunavunmi

Uvani Ubluqtuhilirvia, Katimaqatigilugit Munaqhiliqiiyitkut uvalu ikayuqlugu Tipaakuq Ikiliyuumiqlugu Tatqiqhiut!

Higaarniq aannirutivaktuq. Puvaklungniit ingattaqpaktut, pittaalaqipkaiplunilu namuuniyaliqnirmik (pneumonia) hakuiqtitpaktaillu puvait.uvalu pidjutauvaktuq inuuhiqmun ihumaaluutinun, imaa kaasumun uvalu aularaanginnaqtuq puvaklukniq (COPD). Hulaqtuivaktuq aniqhaaqtaqniqmun uvalu iqaiyaqnikkutlu imaa atugiami uvaluuniin ulapqiyaami ulapqidjutinik uuktuutigilugu ayungnaqhitibluni. Higaalihainnaraangat, ayurnatqiyauyuq higaaruiriami. Tamuat tipaakut ukualu uilaat hivuuranaqtut uvalu ipigaliangnaqtut, atuluangitkaluaqhugit.

Amigaitilaangit atuqtut tipaakuqmik angivalaaq iningniqnin, inulgamiqnin uvalu nutaqqat Nunavunmi. Uqaudjinikkut ikayuutikkut uvalu taimaaqnikkut havautit angitqiyauyut nakuuyumik taimaagiami tipaakuq atuqnia. Uqaqatigilugit nunangni Munaqhitkut uvaluuniin hivayaqlugu Nunavunmi Taimaagahuaqnikkut hivayaqvia uvani 1-866-368-7848. Havautit, imaa nipitigutiqaqtut, kutut uvalu aniqhaagutit, piinagialgit akiitumik pulaaqlugit nunangni munaqhitkut uvaluuniin havautiliqiviit.

Uvani ukiumi, Nunaqyuami Higaaqnaituq Havainiq (NNSW) atuqtauliqtuq nungutigutaatigut Tipaakuq Ikikliyuumiqlugu Tatqiqhiut hamanga Ubluqtuhilirvia 20min 26mun, 2019. NNSW quviahuutauyuq ukiuq tamaat Kanatami hamanga 1977min akhuugutauyuq taimaaqtiqlugu tipaakup atuqnia.

QiniqluguTipaakuuq Iniqhaqagituq Hamani Facebookmi makpiqniani uvani tatqiqhiutmi hulilukaagutikhat hivuliqhuqtauyut nunangni Nunallaani Aaniaqtailiniqmut Havaktingit. Ilitugittiagumaguvin mighaagun ikiliyuumiqlugu uvaluuniin taimnaaqlugu tipaakuq, pulaaqluguwww.nuquits.ca.

###

Tuhagaqtidjutikhanut Uqaqvikhaq:

Sara Arsenault
Tuhaqtipkainirmut Ayuittiaqhimayuq
Aanniaqtailinirmut Havagvik
867-975-5949
sarsenault@gov.nu.ca