Havaktingit

You are here

Hitamangguqtut nutaat QALAGYUARNITIGUT-19 Arviani

Maassi 05, 2021

Tuhaqtipkaidjutiqhaq

Hitamangguqtut nutaat QALAGYUARNITIGUT-19 Arviani

Iqaluit, Nunavut (Maatsi 5, 2021) – Ublumi, Nunavut piqaliqtuq hitamanik nutaanik uumani COVID-19 qalagjuarnirmik atauhirmiklu nakuuhijumik. 17-nguqtut aannialiqtut nunaptingni, tamarmik Arvianiittun. Tamaita inuit naammaktut, avaliingaaqhutik iglumingni aktuqhimanikkullu ihivriuqhihimaaqtun.

“Piqaraluaqhuni nutaanik aannialaqidjutinik, ilitturipkarumajatka tamaita Nunavunmiut una aannialaqidjuti talvannga hiamingittuq, unalu Moderna kapuruti ikajuutauliqtuq,” uaqaqtuq Dr. Michael Patterson, Nunavutip Atanilluaq Nunallaani Aanniaqtailinikkut Havakti. “Havakhimmaaqtilluta nutqaqtirnikkut hiamitirnirmi, akhuuqtatka tamaita pittaaqtun kapurhiquplugin, qilamiurlutiklu.”
“Tadja taimailiurvighaungittuq taimainnahugidjutinik aannirutijuniklu uqautinik mighaagu COVID-19 qalagjuarnirmi Arviani. Tadja, piqpiaqtukhaujugun ihumagittiarlugin, ikajurlugin pipkailunilu quvianakkutinik. Havagutait nunallaap ukunani qaangiqhimajunik 112 ubluni nakuuniqaqpiaqtun. Taimailiuraanginnaritti Arviamiut,” uqaqtuq Hivuliqti Joe Savikataaq.

Talvanga Maatsi 5min, Arviani ihivriuqtauvaktut 2444 aanniarutiqangitunik ihivriurutinik. Ublumimut, 8767 Nunavummiut kapurhiqtut atauhirmik kapuutikhamik Moderna kapuutimik, imaalu 5144 Nunavunmiut kapurhiqtut malrungnik kapuutikharnik taffuminga Moderna kapuutimik. Kapuqhiriami nunaptingni aulahimmaaqtut. Nunavunmiut kitut kapuqhiqtaaqtun COVID-19 qalagjuamun kapuutaanik hivajaqlugit munaqhitkut upautidjutikhanun.

Kinaliqaaq ihumagumi aktuqhimanirmun COVID-19 qalagjuarnirmun hivajaqujaujun uvunga 1-888-975-8601 10min ublaami 6mun unnuliqqan. Qikiqtani Ubluqhiutaani, ilitturipkaqlugilluunniit nunamingni munaqhitkut qilamik, tadjainnaqlu avaliingaaqlutik iglumingni 14nun ubluni. Upaguirlugin munarhitkut.

Nutaanun kangiqhidjutinun COVID-19 qalagjuarnirmi kapuqhirnirmun hivunikhainni, takulugu: https://gov.nu.ca/health/information/covid-19-vaccination.

Nutaanut kangiqhidjutinun, ukunanilu qaffiuniinni nakuuhijuni aulahimmaaqtunilu aanniarutiqaqtuniklu nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanun kangiqhidjutinun tadjam kavamatkunnin aanniaqtailinikkut kikqarutainni, takulugu: https://www.gov.nu.ca/health/information/nunavuts-path.

###

Tuhaqtipkainikkut Uqaqvigiyaqhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainikkut Ajuittuq
Aanniaqtailinirmut Havagvia
867-975-5712
dsommerville1@gov.nu.ca