Havaktingit

You are here

Hitamangguqtut nutaat QALAGYUARNITIGUT-19 Arviani

Iitjirurvia 25, 2021

Tuhaqtipkaidjutiqhaq

Hitamangguqtut nutaat QALAGYUARNITIGUT-19 Arviani

Iqaluit, Nunavut (Iidjirurvia 25, 2021) - Ublumi, Nunavut piqaqliqtut hitamanik nutaanik QALAGYUARNIRMIK-19 nakuuhiplutik siksiuyut. 25-nguqtut aannialiqtut nunaptingni, tamarmik Arviani ittut.

“Arviammiut, havaaqhaqaqyuaqtuq huli kihimi ilihimayun’nga aqhuuqpaktut nunallaaq takudjutimaplutik piqanggilluni hiamitirnia QALAGYUARNIQ-19,” uqaqtuq Dr. Michael Patterson, Nunavutim Atanilluaq Aanniaqtailinirmun Havaktia. “Tamaita tamaptalu piyuqhauyugut nutqaqtitaqlugu hiamitirnia aanniarut pitquyatkalu Nunavunmiut pidjutihimmaaqlutik aqhuugutainni.”

Tamaita inuit naammaktut, avaliin’ngaaqhutik aimavingmingni aktuumanikkutlu munariyihimmaaqtait. Talvanga Iidjirurvia 25, Arviat ihivriuqtauvaktut 2273 aanniarutiqanggittutiklu. Nunavutiup Qilamik Upautiyuqhat Havaktiit ikayuqhimmaaqtait nunallaami aanniaqtailinirmun havaktiinnut. Aullaquyaunggittut huli talvunga talvangalu Arvianut, kihiani qilamiugutautuqaqqat ihariagiyautigutkutluunniit pigumik.

Arviarmiut kitut kapuqhirumayun QALAGYUARNITIGUT-19 kapuutaanik hivayaqtaqhait munaqhitkut upautidjutiqharnun. Ublumimut, 7257 Nunavunmiut atauhiaqhutik kapuqhiqtut Moderna havautaannik. Kapuqhiriami nunaptingni aulahimaaqtut.

Kinaliqaaq ihumagumi aktuqhimanirmun QALAGYUARNITIGUT-19 hivayaquyauyut QALAGYUARNITIGUT-hivayautaannut uvani 1-888-975-8601 10 min ublaami 6 mun unnuliqqanmut. Qikiqtani Ubluqhiutaannut, ilitturipkaqlugilluunniit nunamingni munaqhitkut qilamik, tadjainnaqlu avaliin’ngaaqlutik aimavingmingni 14 ni ubluni. Upaguiqlugit munaqhitkut.

Nutaanut kangiqhidjutinun, ukunanilu qaffiuniinni nakuuhijuni aulahimmaaqtunilu aanniarutiqaqtunik nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanik kangiqhidjutinik tadja inungnun aanniaqtailinirmun kikliqarutinun, takulugu: https://www.gov.nu.ca/health/information/nunavuts-path.

Nutaanun kangiqhidjutinut Nunavutip QALAGYUARNITIGUT-19 kapuqhiriami, talvunggaulutit www.gov.nu.ca/health/information/covid-19-vaccination.

###

Tuhaqtipkainikkut Uqaqvigiyaqhaq:

Cate Macleod
Tuhaqtitauyuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainikkut Ayuittuq
Aanniaqtailinirmut Havagvia
867-975-5712
dsommerville1@gov.nu.ca