Havaktingit

You are here

GN-kut naunaiqhijut aallamik aanniarutiqaliqtumik COVID-19 qalagjuarnirmik Sanikiluarmi

Nuvaipa 08, 2020

 

GN-kut naunaiqhijut aallamik aanniarutiqaliqtumik COVID-19 qalagjuarnirmik Sanikiluarmi

Iqaluit, Nunavut (Hikutirvia 8, 2020) – Taakti Dr. Michael Patterson, Nunavutim Atannilluaq Nunalaani Aanniaqtailinikkut Havakti, naunaiqhijuq tuklianik aallamik inungmik aanniarutiqaliqtumik COVID-19 Qalagjuarnirmik Sanikiluarmi.

“Tamna inuk aannialiqtuq igluqatigijaa taffuma hivulliujup inuup naunaiqtauhimajup aannialiqtumik qlagjuarnirmik, mihingnautiqaliqtuq, avaligaaqtuitaujuq iglumingni imaalu naakuuhivallialiqtuq,” uqaqtuq Dr. Patterson.

Uumani Hikutirvia 7mi, Amigaqhuutiqaqtumik havaqatigiiktut ikajuqtiujut ukuallu atauhiq munaqhi imaalu atauhiq qaujihaijiujuq tikittut Sanikiluarmut ikajuriaqtuqhugit havaqatigiiktut talvaniittut nunagani. Ublumimit, 11-ngujut inuit naunaiqtaujut qaniglihimajut aanniaqtumut imaatullu munarijauliqhutik qanurinniariakhainnik. Havaqatigiiktut naunaijailiqtut qajangnariakhainnik qaniklihimajut imaalu aanniaqtumut qanliklihimajunik inungnik naunaijaidjutikhainnik qaniklihimajainnik aanniaqtumut. Tamaita inungnut aanniaqtailinikkut maliqatqujauhimajut atuliqtaujut ubluanit Hikutirvia 7, ilaujut tingmitikkut aullarniq nunanganut nunaganitlu imaalu inungnik katimatqujingittut atuliqtaujut.

“Tadja naunaiqtaungittugaluaqtut nunangani aanniarut hiamitiqtumik, apirijatka nunaqaqtut Sanikiluarmi maliqattiaqtukhaujut inungnut aanniaqtailinikkut pitqujaujunik. Anginiqaqtuq inungnut aanniaqtailinikkut maliqattiaqujauhimajut qujanginautaujukhaungittut. Aihimadjavuhi igluffingni, pulaaqtaililuhi inungnut imaalu atuqtukhaujutit akuliangnut matukhamik inuqarnirmungauguvit niuvvavingnullu. Attautikkut tamapta ikajuqtigiikluta hiamitiktailittaaqtaqqut aanniarut nunaptingni,” uqaqtuq Dr. Patterson.

Kinaliqaak kitu ihumagumi aktuqhimanirmun qalagjuarnirmun COVID-19 qalagjuarniq hivajaqtukhat COVID hivajautaanut 1-888-975-8601 akkungani 10 ublaami. unalu 6 mun. EST imaaluuniit hivajarlutit nunangani munaqhitkunut qilamik. Munarhiliaqtailutin upautihuirlugit.

                                                                                                                  

Tuhaqtitaujukhanut Uqarvikhaq

Chris Puglia
Atan'ngujaq, Tuhaqtidjutinun
Aanniaqtailinikkut Havagvia
867-975-5949
cpuglia@gov.nu.ca