Havaktingit

You are here

Aujami Nakimajunut Puiguqtailitikhaq

Immaktirvia 24, 2021

Kavamatkunnin Tuhaqtitaudjutikhaq

Aujami Nakimajunut Puiguqtailitikhaq

Nunavummiut upalungaijaliqtilugit quviahugiamingni maniqami ilatiklu aujariaq, Havagviat Munaqhiliqijikkut itqaumatqujait inuit tamaitaqajagitquplugit aktuqtailinirmun nakimajunin.

Nakimaniq hivuuranaqtuq pittailijaaqtuq aanirutaa tamna aannialaqidjutigijaat huradjat inuillu. Amihut uumajut huradjat aanniarutiqaqtut, ilaujut titiraniat, ammaqqut, qinminlu. Aanniajutip hiamiatirutigijaa humi nakimajuq huraadjat kiinikumik, qittukkumik alupirumiluuniin killaagut. Anginirhaujuq qajangnaut Nunavunmi inungnun aktungnira nakimaniq qinminin.

Nakimaniq mamihaidjutighaituq. Inuk munaridjutinik pijaungitkumi nakuujumik havautikhamingnik qilamik kiittirumik aktuqtaugumikluuniit, aanniarut ajungnautiqarniaqtuq. Kapuutikhat kapurhirumik munaqhimit ajuittiaqhimajunin qilamik kinguagut uumajumit kiitirumik, nakimmaktailidjutaujut annautigilugulu.

Tamapta qanuriliuriaqaqtugut nutqaqtitinahuarlugu nakimaniq:

  • Qajangnairutikharnik piqarlutin; alianaiguhuktailugu qinminik.
  • Ipiingaaqtut qinmit qaniklinahuaqtailugit.
  • Munagilugit nutaqqat hanianiitut qinmini.
  • kapuqhiqtilugu pamiqhaat.
  • Pamirhaatit ipirhimalugit hilami.
  • Hivajarlugit munaqhitkut qilamik kiitiruvin qitukhiruvinluuniin uumajumit nirjutimit.

Ihumaaluutiqaruvin nakimajukkut huraakkut, hivajaqlugit uumajuliqijit havaktiit. Qinmit kiijaukpat uumajumit nirjutimit, uqarvigilugu aviktuqhimanirni anguhiqijinut havaktimun imaaluuniit nunangni palihimaujangit qanuriliurutikharnik.

Paqitlugu avikturnirni anguhiqijikkut havaktiita hivajautait ataani:

  • Kivalliq: 1-867-645-8071.
  • Kitikmeoni: 1-867-983-4236.
  • Qikiqtaaluk avikturnia: 1-867-975-4817 unaluuniit 1-867-975-4815.

###

Tuhaqtipkainikkut Uqaqvigijaqhaq:

Danarae Sommerville
Tuhaqtipkainirmut Ajuittiarhimajuq
Munaqhiliqiijitkut
867-975-5712
dsommerville1@gov.nu.ca