Havaktingit

You are here

Atauhiq nutaaq aannialiqtuq Qalagyuarnitigut-19 Arviani

Iitjirurvia 17, 2021

Tuhaqtipkaidjutikhaq

Atauhiq nutaaq aannialiqtuq Qalagyuarnitigut-19 Arviani

Iqaluit, Nunavut (February 17, 2021) - Ublumi, Nunavut piqaliqtuq atauhirmik nutaami aanniaqtumik COVID-19 Qalagjuarniq pingahutlu namakhivalialiqtun. 21-nguqtut aannialiqtut nunaptikni, tamarmik Arviani ittut.

“Ayungnautiqaqtuq COVID-19 Qalagjuarniq ayungnaqtuqaqtuq unagunarhunilu,” uqallakhimayuq Taakti Michael Patterson, Atanilluaq Inungnun Aanniaqtailinikkut Havakti. “Ilitagiumayatka ayungnautikharnik atuqpagaingit Aviatmiut atuqpagianik, apigiyungalu tamaat nunaptingniitunik tuyuquplugit ikayuutikharnik mamitirutikharnik. Malikhautiplugu inungnut aanniaqtailinikkut maliktaujarialiit, kapukhiqtauyaangat havautikharnik, unalu pittiaqatigiinginarluhilu tamangnun inungnun ihuatqiyauyuq atuqtakhagiyaqqut tamaqtitiyaangat una aanniarut.”

Tamaita inuit naammaktun, avaliingaaqtullu aihimavingmingni akturnikkullu ihivirhiniit aulahimmaaqtun. Talvannga Iidjirurvia 17mi, Arviat ihivriuqhiniit pijun 2078 piqangittunik ihivriurutinik.

Nunavutiup Qilamik Upautijukhat Havaktiit ikajuqhimmaaqtait nunallaami aanniaqtailinikkut havaktiit. Kinali tingmihimajuq utimun Arvianin Januali 12min apirijaujut kikliqaqtillugi akturutimingnik ingmingniklu-amirlutik aannialaqinikkut naunaitkutinun. Apirijaujullu uqaqatigilugin nunallaani munarhitkunnik uvungaluunniit Iqalungni aanniaqtailinikkut munarhitkunnun, tahamniitkumik, ikajuriami aktuqtauhimanikkut naunaijainikkut munarinikkullu. Aullaarniit talvunga talvanngaluunniit Arvianin kikliqaqtuq, kihiani amigarnarnirnun ihagiagijauqpiaqtunulluunniit pidjutinun.

Arviarmiut pijumajun COVID-19 Qalagjuarnikkut kapuutimik hivajaqtaaqtaa munarhitkut ihuarhailutik takujaqtuqvikhamik. Ublumimut, 6805 Nunavunmiut atauhiaqhutik kapuqhiqtut Moderna havautaannik. Kapuqhiriami nunaptingni pidjutihimmaaqtut huli.

Kinaliqaak ihumagumi aktuqhimanirmun COVID-19 qalagjuarnirmun hivajaqujaujuq COVID-hivajautaanun uvani 1-888-975-8601 10min ublaami 6mut unnuliqqat.

Qikiqtaaluup Ubluqhiutaani, ilitturipkaqlugilluunniit nunamingni munaqhitkut qilamik, tadjainnarlu avaliingaarlirlutik iglumingni 14nun ubluni. Upaguiqlugit munaqhitkut.

Nutaanut kangiqhidjutinun, ukunanilu qaffiuniinni nakuuhijuni aulahimmaaqtunilu aanniarutiqaqtunik nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanik kangiqhidjutinik tadja inungnun aanniaqtailinikkut kikliqarutinun, takulugu: https://www.gov.nu.ca/health/information/nunavuts-path.

Nutaangutqijaujunun ilitturipkaidjutikhanun Nunavunmi COVID-19 qalagjuarnirmi kapurutikhakkut hivunikhainni, takulugu: https://gov.nu.ca/health/information/covid-19-vaccination.

###

Tuhaqtipkainikkut Uqaqvigiyaqhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainirmut Ayuittiaqhimayuq
Havagviat Aanniaqtailinirmut
867-975-5712
dsommerville1@gov.nu.ca