Havaktingit

You are here

Atauhiq nutaaq aannialiqtuq qalagyuarnirmun COVID-19 Arviani

Iitjirurvia 26, 2021

Tuhaqtipkaidjutiqhaq

Atauhiq nutaaq aannialiqtuq qalagyuarnirmun COVID-19 Arviani

Iqaluit, Nunavut (February 26, 2021) - Ublumi, Nunavut piqaliqtuq atauhirmik nutaami aanniaqtumik Qalagyuarnirmik COVID-19. 26-nguqtut aannialiqtut nunaptingni, tamarmik Arviani ittut.

“Aghuungnaqtuq ilihimablugu qanuq ayungnaqtuq umiktitauniq nunallaamun. Ilihimayara qanuq aghut Arviarmiut haktut, tamaitalu Nunauvnmi quyagiyait ikayuqhugillu aghuurutait, uqaqtuq Daakit Michael Patterson Nunalaani Aanniaqtailinikkut Havakti. “Auladjutaa kayumiituq, kihimi aulahimaaqtuq. Aghuuqhaihimaaqluta maliklugillu tamaita inungnun inuuhiinun pitailidjutit kapuqhirlutiklu. Quana tamainun Nunavunmiunun tamainun aghuurutainun avatqumayumik tualut tatqiqhiutit.”

Tamaita inuit naammaktut, avaliin’ngaaqhutik iglumingni aktuumanikkullu ihivriuqhihimaaqtut aulahimaaqtumik. Talvanga Iidjirurvia 26, Arviat ihivriuqtauvaktut 2292 aanniarutiqangitut. Nunavunmi Qilamik Upautiyuqhat Havaktiit ikayuqhimmaaqtait nunallaami aanniaqtailinirmun havaktiinnut. Aullaquyaungittut huli talvunga talvangalu Arvianut, kihiani qilamiurutiqaqat ihariagiyauyuluuniin pidjutinun.

Arviarmiut kitut kapuqhirumayun qalagyuarnirmun COVID-19 kapuutaanik hivayaqlugit munaqhitkut upautidjutigharnun. Ublumimut, 7276 Nunavunmiut atauhiaqhutik kapuqhiqtut Moderna havautaannik. Kapuqhiriami nunaptingni aulahimaaqtut.

Kinaliqaaq ihumagumi aktuqhimanirmun qalagyuarnirmun COVID-19 hivayaqlutik uvunga 1-888-975-8601 10 min ublaami 6 mun unnuliqqanmut. Qikiqtani Ubluqhiutaannut, ilitturipkaqlugilluunniit nunamingni munaqhitkut qilamik, tadjainnaqlu avaliin’ngaaqlutik iglumingni 14 ni ubluni. Upaguiqlugit munaqhitkut.

Nutaanut kangiqhidjutinun, ukunanilu qaffiuniinni nakuuhiyuni aulahimmaaqtunilu aanniarutiqaqtunik nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanun kangiqhidjutinun tadjamin inungnun inuuhiinun pitailidjutinun hamungaulutit: https://www.gov.nu.ca/health/information/nunavuts-path.

Nutaanun kangiqhidjutinun qalagyuarnimun COVID-19 kapuqhirnirmun upalungaiyautinun, hamungaulutit: https://gov.nu.ca/health/information/covid-19-vaccination.

###

Tuhaqtipkainikkut Uqaqvigiyaqhaq:

Cate Macleod
Tuhaqtitauyuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainikkut Ayuittuq
Aanniaqtailinirmut Havagvia
867-975-5712
dsommerville1@gov.nu.ca