Havaktingit

You are here

Atauhiq nutaaq aannialiqtuq qalagjuarnirmik COVID-19 Arviani

Januali 28, 2021

Tuhaqtitauyuqhaq

Atauhiq nutaaq aannialiqtuq qalagjuarnirmik COVID-19 Arviani

Iqaluit, Nunavut (Januali 28, 2021) - Ublumi, Nunavunmi piqaqtuq atauhiqmik nutaamik aannialiqtumik COVID-19 qalagjuarnirmik Arviani. Aanniarutiqaqtut tadja 18nguqtut Nunavunmi.

“Quanaqquhi tamaita ilauvaktun kapurhiriaqtuqvingni ublumimun. Tautungnarutit pijumanirnillu aanniaqtailinikku inuuhirittiarnikkullu tamainni Nunavunmiunni quviagijaujuq,” uqaqtuq Dr. Michael Patterson, Nunavunmi Atanilluaq Nunalaani Aanniaqtailinikkut Havakti. “Anginiqaqtuq tamaita atuqhimmaaqtakhait inungnun aanniaqtailinikkut qanuriliurutit huli hivunikhamun. Inungnun aanniaqtailinirniit nunallaanilu pijumaniit piutijun tamainnun nakuutqijaujunun pidjutikhainnun. Pijaaruvin COVID-19 Qalagjuarnirmun kapurutikhamun, akhuurtagin hivajaquplutin nunallaarni munarhitkunnun pijumalutin aallanik ilitturipkaidjutikahnik ihuarhailutillu takujaqtuqvigharnik.”

Tamaita aanniarutiqaqtut naunaitkutiqangitut, naammagallittut avaliingaaqtitaujulllu. Aktuqtaunikkut naunaijarniit nunallaami aulahimmaaqtuq aanniaqtailinikkullu havaktiit amirijait tamaita avaliinngaaqtitaujun. Nunavutiup Qilamik Upautijukhat Havaktiit ikajuqtaillu nunallaami aanniaqtailinikkut havaktiit.

Kinali tingmihimajuq utimun Arvianin Januali 19min apirijaujut kikliqaqtillugi akturutimingnik ingmingniklu-amirlutik aannialaqinikkut naunaitkutinun. Apirijaujun uqaqatigilugin nunallaani munarhitkunnik uvungaluunniit Iqalungni aanniaqtailinikkut munarhitkunnun, tahamniitkumik, ikajuriami aktuqtauhimanikkut naunaijainikkut munarinikkullu.

Havauhiqtuutit kapuqhiqlutik piinarialgit huli Arviani. Hivajaqlugit munarhitkut takujaujumaguvin.

Kinaliqaak ihumajuq aktuqtauhimajun COVID-19 qalagjuarnirmin unniutijaujun hivajaqtukhat uumunga COVID-qalagjuarnikkut-hivajautimun uvani 1-888-975-8601 talvannga 10min ublaami uvungalu 6mun unnuliqqat. Qikiqtaani ubluqhiutaani, unniutilugilluunniit nunamingni munaqhitkut qilamik, tadjainnarlu avaliingaaqlutik iglumingni 14ni ubluni. Upaguiqlugit munaqhitkut.

Nutaatqijaujunun ilitturipkaidjutikhanun, taapkunungalu qaffiujuni nakuuhijuni aanniaqtunilu nunallaani, takulugu: https://www.gov.nu.ca/health/information/covid-19-novel-coronavirus.

Nutaanik kangiqhidjutinik tadja inungnun aanniarutinun pittailiyaqhanun, qaritauyakkut takulugit: https://www.gov.nu.ca/health/information/nunavuts-path.

Nutaanun kangiqhidjutinun uvani Nunavunmi COVID-19 Qalagjuarnikkut kaputikhakkut hivunikhainnik takulugu: https://gov.nu.ca/health/information/covid-19-vaccination.

###

Tuhaqtipkaivikhanut Uqaqvigiyaqhaq:

Chris Puglia
Atanngujaullaktuq Tuhaqtipkaijiit
Aanniaqtailinirmun Havagvia
867-975-5949
cpuglia@gov.nu.ca