Havaktingit

You are here

Aqsarniit Illinniarvik ilihaqtun cohort ilihainnarialaqijut

Immaktirvia 14, 2021

Uqautait

Aqsarniit Illinniarvik ilihaqtun cohort ilihainnarialaqijut

Atanilluaq Inungnun Aanniaqtailinikkut Havaktia. Dr. Mike Patterson ublumi tuhaqtitijuq uqautigiblugu:

“Piqangittuq aallanik aannnialiqtunik qalagjuanrirmun COVID-19 kinguagut naunaijaidjutikhainnik qaniklihimajainnik aanniaqtumut imaali ihivriuqtaudjutingit qajangnaqpiaktunik aktuqtauhimajutukuak malruuk ilihaqtuuk talvanga Aqsarniit Illiniarvik Iqalungni. Qajangnarniat hiamitirnianganik aallanun ilihaqtunun iliharviani ihumagijaujuq mikinikhaujuq, imaalu qajangnaittuq havaktiujunut imaalu ilihaqtunun ilihaqatigiiktunun talvani Cohort B utiffaginariaqaqtun iliharvingmingnut aqagu.

Havagviat Ilinniaqtuliqijikkut maliktakhaqaqtut ikiglinahuarutikhanik qajangnarnianik qalagjuanirmin COVID-19 hiamitirninganut iliharviptingni. Ilihaqtut, angajuqqat, imaalu havaktiujut maliqajakhait inungnut aanniaqtailinikkut maliktaujarialiit iliharviinni imaalu inuqarnirmi.

Pfizer kapuutimik kapurhirvikhangit Nunavunmiut ukiuqaqtunun 12-17 aullaqtirniaqtuq uumani havainirmi. Akhuuqhajatka tamaita angajuqqat imaalu munaqtiujut takulugu qaritaujakkut ublukhainik imaalu uqarvikhangit naunaitkutainik naunaijaijamingni ublukhaliuriiqhimajukkut inulrammiutiffingnut. Hamani Iqalungni, upautivikhait kapurhirvikhangit aullaniaqtun 1-10 unukpat Pingattiunmit Salutimut Kulirvianni.

Qalagjuanirmin COVID-19 kapuutikhat ihuaqpiaktut aannialiqtailitikhangit tamainut Nunavunmiut aannialaqidjunmit. Ikajurritti imaalu kapuqhiriaqturluhilu.”

###

Tuhaqtipkainikkut Uqaqatigiviqhaq:

Chris Puglia
Atanngujaullaktuq Tuhaqtipkaijiit
Aanniaqtailinirmun Havagvia
867-975-5949
cpuglia@gov.nu.ca