Aanniaqtailinikkut atuqtakharnik aulalimaitun hadja Kugluktumi

Tuhaqtitauyuqhaq

Aanniaqtailinikkut atuqtakharnik aulalimaitun hadja Kugluktumi

Kugluktuk, Nunavut (Qiqailruq 10, 2022) – Taakti.  Michael Patterson, Nunavutim Atanilluaq Inungnun Aanniaqtailinikkut Havakti. ublumi tuhaqtitivakhimayuq inungnut aanniaqtailinikkut maliktakhait Kuglukturmi nutqaqtitaulimaitun aulaniaqtun, talvuuna tuhaqtitivaktainik.

“Aulayuq Qalagjuarniq-19 Kugluktumi ayuqhaqtitauhimaaliqtun munarhitkunun talvani nunalaani. Talvuuna mikhaatigun, ihumaliugiikhimaliqtugut kinguvaktitiniaqtavut inungnut aanniaqtailinikkut maliktakhait uvani nunalaami.” uqallaktuq Taaki Patterson. “Munagihimaarniaqtavut qanuriliurutikhangit ihivriuffaarniaqtavutlu nutqaqtirutikhangit atuqtakhangit Kugluktumi taima namakpan ihuangitumik ayungnautiqalimaiqat aanniaqtailinikharnik munagidjutikharnik namagiyauligumi.”

Hadja inungnut aanniaqtailinikkut maliktakhait aulalimaitun huli:

• Hilami katimayut kiqliqaqtukhat 50 nik inungnik.
• Iglumi iluani katimaniit kiqliqarlutik 10nik inungnik iluani katimajumajunut, igluqatigiiqtunullu.
• Niriviit laisiqaqtullu niriviit angmaqtaaqtun 25-nik inungnik naamadjutaanik imaaluunniit 25%mun naamadjutaanun, kitumi ikitqijaunirmi. Atulimaittun numilimaittullu.
• Inungni iglum iluani katimajun amigiaqjuummirniaqtun 25nik inungik imaaluunniit 50%mun naamadjutaanun, kitumi ikitqijaujumun.
• Iqaijariviit naamadjutaa unaujuq 25nik inungnik imaalunniit 50%mun naamadjutaanun, kitumi ikitqijaujumun. Katimalutik katimadjutit kikliqaqtukhat 10nik inungnun.
• Makpiraaqarviit, ingilraanitanik tutquumaviit, qunngiariaqtuqturviit amigiaqjuummiqtuq 25nik inungnik imaalunniit 50%mun naamadjutaanun, kitumi ikitqijaujut. Katimayiit pulaaqataqtunik kikliqaqlutik 10nik inungnik.
• Haakirviit amigaitilaaghait amigaiqjuumirniaqtut 50nik inungnik imaaluuniin 50 pusat amigaitilaangit, kitut ikitqiat, imaalu kiklighait 50 qungiaqtut.
• Iligiiktun ulapqiyukhanik ilaugiaqaqtun.
• Angaadjuviit kikliqaqtuqn 50nun inungnun imaaluunniit 25%mun naamadjutaanun, atulimaittun.
• Ivjarutit atimaqujaujut.

Kinaliqaak atuliqtuq qalagyuarnirmun COVID-19 mihingnautinik uqaudjauyut hivayaqlugu qalagyuarnirmun COVID-hivajautaa uvani 1-888-975-8601 talvannga 10min ublaami 6mun ubluummaat Qikiqtaani ubluqhiutaani (EST), ilitturipkarlugilluunniit nunallaamingni munarhitkut qilamik hivayautikkut. Munarhiliaqtailutin.

QALAGYUARNIQ-19 kapuutait piinNarialgit tamainun NunavunmiunuT ukiuqaqtunun 5 anggayuqhitqianutlu. Hivajaqlugit munaqhitkut takujaujaarni.

Nutaanun kangiqhidjutinun qalagjuarnikkut QALAGYUARNIQ-19 Nunavunmi, takulugu: https://www.gov.nu.ca/

###

Tuhaqtipkainikkut Uqaqvigiyaqhaq:

Chris Puglia
Atan’nguyaukaffuktitauhimayuq Tuhaqtipkaiyini
Munaqhiliqiiyitkut
867-975-5949
cpuglia@gov.nu.ca