Havaktingit

You are here

21 nutaat aanniarutit qalagyurnirmun COVID-19 Nunavunmi

Nuvaipa 22, 2020

Tuhaqtidjutikhaq

21 nutaat aanniarutit qalagyurnirmun COVID-19 Nunavunmi

Iqaluit, Nunavut (Hikutirvia 22, 2020) – Ublumi, Nunavut piqaliqtut 128nik aulayunik aanniarutinik qalagyurniq COVID-19. 18 nutaat aanniarutit ilituriyauyut Arviani, atauttimun nunallaap qaffiuniit ilituriyauyut aanniarutit 98nguqtut. Atauhiq nutaaq aanniarut tutqighiyauyuq Tikiraryuami atautimut 15 nguqtut ilituriyauyut aanniarutit. Kangiqliniq malrunguqtuk tutqighiyauyut aanniarutit, nunallaap atautimun 15nguqtut ilituriyauyut aanniarutit. "Aanniaqtuliqiyit havaqatigiit havaktut kaivyuiqhugu ubluqhiut Arviani, Tikirarjuami, Kangiqlinirmilu iliturinahuaqhugit, uuktuqhugit, avaliingaaqtitugit hiamittiqtailiblugulu hiamitiqtuq aanniarut,” uqaqtuq Dr. Michael Patterson, Atanilluaq Inungnun Aanniaqtailinikkut Havakti. “Havaaghariaktuq qakugungungniaqtuq tadjamin qanurinia inungnun aanniaqtailinirmun aktilaarutait nakuuhivaliadjutauliqtut. Tadja, Quyagiyumayatka aanniaqtuliqiyit qilamik kiudjutait aghuurutait, quyagiblugillu Nunauvnmiun aulahimaaqtumik aghuurutait, nagliguhuutait ikayuutaillu.”

Piqangituq takunaqtunik nunallaami hiamitirniranik Kangiqlinirmi Tikiraryuamiluuniin. Tamaita atautit aaaniarutiqaqtut qalagyurnirmik COVID-19 munariyauhimaaqtut avaliingaaqtitaublutik naamainaqtullu, mikivyaktunik mihingnautinik.

Talvanga Hikutirvia 21, 118 qauyihaqtauyut kangiqlinirmi aanniarutiqangitut uuktuutait. Arviani qauyihaqtauyut naunaiqtauyut 344 aanniarutiqangitut qauyihaidjutait. Qaujihaidjutait Tikirarjuarmi naunairutauyut 30 aanniarutiqangittut qaujihaidjutait. Munariyauhimmaaqtut Sanikiluarmi qanurinniariakhainnik.
Kinaliqaak inuk ihumagumi aktuqhimanirmun qalagyuarnirmik COVID-19 hivayaquyauyut ukununga COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit inmingni nunamingni munaqhitkut qilamik, alaviilngaalihaklutik iglumingni 14nik ublunik. Munaqhiliaqtailutin upautihuirlutillu.

Nutaanik naunaiqtakhanik atuqtakhaniklu talvuuna qalagyuarnimun COVID-19 Nunavunmi, takulugu una: https://www.gov.nu.ca/health/information/covid-19-novel-coronavirus.

Nutaanik naunaitkutikhanik tadja inungnut aanniaqtailinikkut malqatqujaujunik, takuluhu: https://www.gov.nu.ca/health/information/nunavuts-path

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST, Hivulliunmi,Hikutirvia 23.

###

Tuhaqtipkainikkut Uqarvikhat

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca