Havaktingit

You are here

12 nutaat aanniarutit qalagyuarnirmun COVID-19 Arviani

Iitjirurvia 22, 2021

Tahaqtipkaidjutikhat

12 nutaat aanniarutit qalagyuarnirmun COVID-19 Arviani

Iqaluit, Nunavut (Iidjirurvia 22, 2021) - Ublumi, Nunavunmi tualunik nutaanik aanniarutiqaliqtut Qalagyuarnirmik COVID-19. 33-nguqtut aannialiqtut nunaptingni, tamarmik Arviani ittut.

“Avatqutuq 100 ublut kinguani hivuliq qalagyuarniq COVID-19 aanniarut Arviani, unagunarniq tuninguhungnirlu atuqtauliqtut piyaangniranun hiamitirnira aaniarutip,” uqaqtuq Daakti, Michael Patterson, Atanilluaq Nunalaani Aanniaqtailinikkut Havakti. “Aghuungnaqtuq tamaita avaliingaaqtut aihimalutik naunaiqtautinagit hapkunanga inungnun aanniaqtailinirmun havaqatigiingnin. Piyaghaqalimaitut; tamapta pidjutigiyaqqut pihimaluta aanniaqtailinirmun qayangnaitumiklu. Naamagahuaqlluhi aghuuqhimaaqluhi, kapuqhirluhilu."

Nunallmun hiamitirnira naunaiqtaulangituq Arviani, tamaita aanniarutit atadjutiqaqtut iglumingni hiamitirnira. Tamaita inuit naammaktun, avaliingaaqtullu iglumingni akturnikkullu ihiviriuqtauhimaaqtut aulahimaaqtumik.

Talvannga Iidjirurvia 22mi, Arviat ihivriuqhiniit imaa 2213 aaniarutiqangitut ihivriurutait. Nunavutiup Qilamik Upautijukhat Havaktiit ikayuqhimmaaqtait nunallaami aanniaqtailinikkut havaktiit. Aullaarniit talvunga talvanngaluunniit Arvianin kikliqaqtuq, kihiani amigarnarnirnun ihagiagiyauqpiaqtunulluunniit pidjutinun.

Arviarmiut kitut kapuqhirumayun qalagyuarnirmun COVID-19 kapuutaanik hivayaqlugit munaqhitkut upautidjutigharnun. Ublumimut, 6977 Nunavunmiut atauhiaqhutik kapuqhiqtut Moderna havautaannik. Kapuqhiriami aviktuqhimayumi aulahimaaqtut.

Kinaliqaak ihumagumi aktuqhimanirmun qalagyuarnirmun COVID-19 hivayaquyauyut COVID-hivayautaanun uvani 1-888-975-8601 10min ublaami 6mut unnuliqqat. Qikiqtaaluup Ubluqhiutaani, ilitturipkaqlugilluunniit nunamingni munaqhitkut qilamik, tadjainnarlu avaliingaarlirlutik iglumingni 14nun ubluni. Upaguiqlugit munaqhitkut.

Nutaanut kangiqhidjutinun, ukunanilu qaffiuniinni nakuuhijuni aulahimmaaqtunilu aanniarutiqaqtunik nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanik kangiqhidjutinik tadja inungnun aanniaqtailinikkut kikliqarutinun, takulugu: https://www.gov.nu.ca/health/information/nunavuts-path.

Nutaangutqijaujunun ilitturipkaidjutikhanun Nunavunmi COVID-19 qalagjuarnirmi kapurutikhakkut hivunikhainni, takulugu: https://gov.nu.ca/health/information/covid-19-vaccination.

###

Tuhaqtipkainikkut Uqaqvigiyaqhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainirmut Ayuittiaqhimayuq
Havagviat Aanniaqtailinirmut
867-975-5712
dsommerville1@gov.nu.ca