Havaktingit

You are here

Pimmarikharnikkut Inuuhittiarutikhainik Titiraqtiat

 

Ikajuqtaujariaqaqqit?

Ihumaluutiqaliruvit inminiirumanikkut imaaluniit ihumaluutiqaliruvit inuup hivuuranirnikkut, hivajarlutit Pallihimatkunut imaatut naqitlugit nunangni naunaitkuatit imaalu una -1111 (uuktuutigilugu, 897-1111 Kinngarni.

KAMATSIAQTUT Ikajuuqtiit (Qablunaatut, Inuktut)

Akiittumut:, 24/7: 1-800-265-3333 imaaluuniit Iqalungni nunaqaqtunut hivajarltit 979-3333

NUTTAQQAT IKAJUUTIKHANGIT HIVAJAUTINGIT (Qablunaatun, Uivivitun)

Akiittumut:, 24/7: 1-800-668-6868 Uqaqatigiiklugit www.kidshelpphone.ca

IHUMAQAQTIARNIKHAQ IPPIRAILAIRNIRMIKLU ATUQPAALAARNIRMIT, NUNAVUT KAVAMANGA

Uqarumaguvit uqaudjimut, hivajarlugit nunangni munaqhiqarvik imaaluuniit Iqalungni nunaqaqtunut hivajarlugit Iqalungni Ihumailiqidjutinut hivajautaanut 975-5999

IRS IHUAQHAUTIT AANNIAQTAILINIRMUT IKAJUUTIT

Nunaptingni Ihumaaluktut Hivajautaat, Akiittumut 24/7-nik ikaarninik 1-866-925-4419

Ilisaqsivik Uqaudjijit Hivajautaa (Inuktut, Qablunaatun), Akiittumut: 1-888-331-4433

NAAHURITTIARNAQ INUUHIQATTIARNIQ HIVAJAUTAA

Akiittumut:, 24/7: 1-855-242-3310

KAVAMATKUT NUNAVUNMI HAVAKTIIT ILAITALU IKAJUUTAIT

Akiittumut, 24/7 (Qablunaatun, Uivivitun, Inuktut numiktitiqtikkut): 1-800-663-1142

 

Kinauvitaali

Ilanganik pinahuarumajaptingnut ihuaqhautikhanut Inminiirnikkut ajuqhautaujunut, tamna Pimmarikharnikkut Inuuhittiarutikhainik Titiraqtiat havaktauhimajuq 2015-mi havaktaujanginik Nunavut Kavamangata atulirnikhanut taffuma Nunavunmi Inminiiqtailinikkut Hanaqidjutikhat imaalu tunihilutik tamainnut munaqhidjutikhanik hivulliqhidjutikhaniklu inminiiqtailinikkut.

Ikajurumajugut havakhimmaarlutallu takujumaplugu tamna Nunavunmi Inminiiqtailinikkut Hanaqidjutikhat, uqaqhimajuq imaatut:

Inuit pitqujauhimaittut taimaatut inuuhirijamingnit quliutqijaulutik qajangnarnianit inminiirnikkut Inuinnaungittunit. Tunngaviqaqtut imaalu akhuuqthailutik haffumuna itquumajukkut, Havaqatigiiktut takujumajat Nunavunmi ihuaqhaqtauhimajunik, imaatut kajumingningit inminiiqhimajut aadjikutaujut amigaitilanginnut Kanadami tamainnut imaaluuniit ikitqijauplutik. Hamna Nunavunmi nutaqqat inulrammiill angiglihaqpaktut qajangnaittumi munarittiaqtaunirmillu, imaalu inuit inuuvaktut nuuttiarnaqtumik, havakpakhutiklu inuuhirmingni ajuiqhaqhimagamik ihariahuutaujunik ihuaqhautikhainnik ajuqhautimingnut, imaatullu ihuaqtunik inuuhikhamingnik, imaalu piqatiqattiarnaqtumik. Hamnallu Nunavunmi ikajuutikhat ilagiiktunut, nunallaanut, imaalu kavamaujut ikajuqatigiiklutik havaqatigiiklutiklu tunihilutik amihunut ikajurahuarutikhanik imaalu ilitquhikkut ihuaqtunik aallatqiiktunik ikajuutikhamingnik inungut ajuqhaqtunut ikajuqhiqtaujumajunut.

Hunanik havakpakpita

Tamna Pimmarikharnikkut Inuuhittiarutikhainik Titiraqtiat piliuqhimajuq tunijumaplugit hivulliqtiujut imaalu ikajuqtikhanik atulirnikhanut haffuma Nunavunmi Inminiiqtailinikkut Hanaqidjutikhat. Havaktakhaptingnut ilaujut:

  • Tunihiplutik ihuaqtunik kiinaujakhaniklu ikajuutikhanik piliurutikhanik ajuiqhaqtitilutiklu inminiiqtailitikhanut pinahuarutikhat nunamingni-havaktitaujut tunngavciqaqtullu Inuit ilitquhiinik uqahianiklu;
  • Havaglutik havagviujut katimaqatigilugit ikajurahuarutikhainnik mnunaqhinikkut, ihuaqhainikkut, imaalu atulirnikhanut Nunavunmi Inminiiqtailinikkut Hanaqidjutikhat unalu kinguagut qanuriluiurutikhaliurnirmik upalungaijautikhanik;
  • Hakugikhijuummirlugillu naunaitkutikhat tunijaujukhat ikajuutikhainnik inungnut ajuqhaqtunut;
  • Hivulliujut piliurnirmik avikturhimanirmi i[iipiralailaqidjutinutt imaalu quglukhimanikkut mamitiivik;
  • Amigaigjuumilugit pidjutikhangit ilitquhirmingnik ajuittiarutikhanik ajuiqhavikhaniklu; imaalu
  • Havakhutik angiklihaqhimajut tigumiakkut kiudjutikhainnik ikajuutikhanik ajuqhalirangata inungnut.

Qanurli ikajurniaqqin

Atauhiinnaungittuq timiqutaujuq munaqhijuq iInminiiqtailinirmun – tamapta havaqatigiiktukhaujugut ikajurahuarluta. Inullaat aallatqiiktuni havaakhani nunamingni imaalu kavamatkut pillajut ikajuqtukhaujullu inminiiqtailitikhannik uuktuutikhanik. Hapkuat ilangit ajuiqhavikhat hailijut tamainni Nunavunmi:

Ajuiqhaplutik Inminiiqtailinikkut Ikajuutikhanik Ajuiqharniq (ASIST)

ASIST malrungni ublungni ajuqharnikkut ikajuutikhanik ajuiqhavikaq ikajuutikhanik ilaujunut ikajurianginni qaujimajakhainnik inungnut ajuqhaqtunut inmiirumajunut. Ilaujut ajuiqharniaqtut imaalu ihuaqtunik ajuittakhainnik naunaiqhinirmik ikajuutikhainniklu inungnik qajagijaujunut inmiirumajunut.

SafeTALK

Ublup nappaani ajuiqharvikhanik inminiirnikkut aujimadjutikhanik ikajuutauniaqtuq ilaujunun ilitaqhidjutikhanik inungnik ihumajunik inminiirahuarnirmik katitiqtitijaangatlu ikajuutikhainik ikajuriaqaqtunik ihumagiluagianganik inuuluaqtukhaujut inuuhirmini. Ilaujut piqagiaqangittut qujanginnaq upalungaijautinik upautijaamingni iliharvikharnut.

Ihumaqattiarnikhami Munaqhidjutit - Inuinnarni

Pingahuni ubluni ajuiqharvikhat havaktauhimajuq Inuinnarnut imaalu havaktunut nunaqaqtunullu Inuit Nunanganni. Tunihilutit ajuiqtakhainnik qanurunaaqhimaittumik ilaudjutikhainnik ihuaqtumik uqaudjijamingni ihumaqattiarnaqtumik inuuhiringnaqtumiklu, ilitaqhilutiklu atuqtauvaktunik ihumaluktunut imaalu inuuhimingni ajuqhautaujunik, imaatullu ikiglinahuarutikhanik ajuqhaqtitaunirmik imaalu inuklugijaujunut ihumaliqinikkut.

Nunaqaqqaaqhimajut Ilitquhiinik Qaujimattiarniq (ICC)

Malrungni ublungni ajuiqharvikhat naunaiqhijut Kanataupo ijiqhimajunik piqatiqarnikkut Nunaqaqqaaqhimajut inungnik ajuqhautaujunik ihuaqhautikhaniklu. Ajuiqhatitlutik hamna naunaiqtauhimaittuq inminiiqtailinikkut, tunihijut ilaujunut qauimajakhainnik Nunaqaqqaaqhimajut idjuhiinnik, ihuaqhautikhanik inuuhirlugijaunikkut, imaalu qanuqtut ihuaqtumik ikajuutikhanik piqatigiittiarnirmik Nunaqaqqaaqhimajut inungnik nunallaanillu.

Naunaiqhijumaguvit qakugu humillu tuklianik ajuiqhavikhanik piniariakhanik, hivajarlugit titirarvigilugitluuniit qaritaujakkut training@gov.nu.ca imaaluuniit embracelife@inuusiq.com.

Qanuriliurutikhat

Hamna titiraq[SS1]  iliharvikhat qanuqtut uqaudjidjuhikharnik inmiiqtainlinikkut qajangnaittumik, naunaiqhitikharniklu hivuranaqhijunik naunaitkutikhanik inminiirumaliqtunut, imnaalu qanuriliurutikharnik inuk takunnaqhikpat hapkuninga qajangnaqhijunik naunaitkutikhanik.

Uqarvigiluta

UUkturumaguffi kiinaujakhamik nunamingni-havaktaujukhanik pinahuarutikhanik, qaritaujakkut titirarvigilugit: inuusivutanninaqtuq@gov.nu.ca.

Pivikhanik ajuqhautainnut ikajuqtihainnik ha]vaqatigiiktunik imaalu tunihilutik naunaittiarvikhainnik talvuuna Pimmarikharnikkut Inuuhittiarutikhainik Titiraqtiat, hivajarluta talvani titiqqitlutaluuniit:

 

Pimmarikharnikkut Inuuhittiarutikhainik Titiraqtiat Havagviat Aanniaqtuliqijitkut Nunavut Kavamanga Titiraqarvinga 1000, Station 1000 Iqaluit, Nunavut X0A 0H0   Hivayautaa: 867-975-5742

 

Ihuaqutit

Nunavunmi Inminiiqtailinikkut Hanaqidjutikhat (2010)

Inuusivut Anninaqtuq (2017)

Kanadami Inuit Inminiiqtailinikkut Pittalitikhanut Qanuriliurutikhat (2016)

Ipiralairnikkut imaalu Quglukhimanikkut Mamitirahuarniq Nunavunmi Unniudjut (2018)