COVID-19 Kapuutit

Nunavunmiut siksiujunik tatqiqhiutilik avatquhimaajaatlu kapukhigiaqaqtun Qalagjuarniq-19 kappuutinik. Tadja, Nunavut pipkaqtitait:

• Moderna SPIKEVAX® tamainnun Nunavunmiutanun 6-nik ukiuqaqtun tatqiqhiutinik avatquttugulu.
• Pfizer-BioNTech Comirnaty mRNA kapuutit tahapkununga tallimanik (5) ukiulgit avatquttugulu. 
• Tadja, una bivalent kapuut tunijauvaktuq ukununganaq pihuiqqata 3-nit 6-nun tatqiqhiutini qaangiutikpata hivullirmik pijainin imaaluuniin kingulliani ikajuutikhamik kapuqhiutaanun. Una bivalent kapuut halijuq tamainun Nunavunmiut 18-ngujut avatquqtuguluuniin pihimajun taimaa malrungnik kapuutinik taaffuminga Qalagjuarniq COVID-19 kapuut.

Ikajuutit:

• Ukiuqaqtut 18-avatqumajullu – Kinaliqaak 18nik ukiuqaqtuq avatqumajuqlu tuglirmik kapuqhiqtaaqtut qalagjuarnirmun COVID-19 ikajuutighat kapuut (hitamaujuq).
• Ukiuqaqtut 5mik avatquhimajullu - Tamaita Nunavummiut 5nik ukiuqaqtut avatqumajullu aulahimaaqtumik kapuqhiqlutik ikajuutighanik (pingahua kapuut) piinarialik (6siksinik tatqikhiutini ukiuqaruvin 5mi 17mun unalu 4.5 una tatqirhiutit avatqumagungni ukiuq 18 avaquhimajaingitlu) kapuutikharnik.
• Ukiulgit 5 avatquhimajaingitlu - Nunavunmiutat 5nik ukiulgit avatquhimajaingitlu aanniarutiqaliqtun Qalagjuarniq-19mik ihumagijaujukhat utaqiuktukhat 8nik havainirmik naunaijagiigumik aanniarutiqaqtun Qalagjuarniq-19 (anirnirluqagumik) pitinanik ikajuutikharnik kapuutinik.
• Ajungnautiqaqtun inuuhirmini nutaqqanun - Nutaqqat ukiulgit 5nik tapkuatlu ajungnautiqaryuaqtunik inuuhirmini idjuhingit aanniarutiqaliqtunlu ihumagiyauyut utaqiuktukhat 4nik 8nik tatqikhiutingnik piyagiigumik aanniarut aanniarutiqaqhimayunikluuniit (taima ayungnautiqagumik) pitinianik kapuutikharnik.
• Aannialaqitaaqtut nutaqqat - Nutaqqat ukiuqaqtut talimanik 11mun kitut aannialaqitaaqtut kapuqhiqtaaqtut pinghuanik kapuutaanik hitamanin iinun havainirnun kinguani tugliq kapuqhiutaanin. Una pidjutaujuq nutaqqanun ukiuqaqtunun 5min 11mun aannialaqitaaqtunun tamainuungitut 5 inugiangnirit tadja.

​minarilugu uqalimaagaralaavut

Aalanguqtirutit Tuhaqtidjutillu:  

Ilihimalugit tapkua aalanguqtiqhimajut tuhaqtidjutiluuniin ilaujut kapuqhirnirmun Nunavunmi tuhqtitiniaqtut uvani qaritaujaliqivingmi, GNkut tuhaqtidjutait, inungnun aanniaqtailinirmun tuhaqtidjutit tuhaqtitaujughatiguluuniin.  

Apirhuutauhimaaqtut apirhuutit 

Qakugu kapuutit piinnarialaqiniaqqat nutaqqanun ukiuqaqtunun ataani tallimanin? 
Moderna SPIKEVAX tadja hailijuq nutaqqanun 6-nik tatqiqhiutilgit talvunga tallimanik ukiuqaqtunun. Talvani July 14, 2022, Health Canada tuhaqtittijun piqaqtumik kapuutikhanik ukununga ukiuqaqtunun. July 15mi, Nunavut uqarhimajuq hapkuat kapuutikhat pipkaqtitauniaqtun uumunga ukiuqaqtunun hivulliutiujukhaujukkut, aullaqtirluni nutaqqanun hitamanik ukiuqaqtunik, imaaluunniit, nutaqqanun akunngani 6sini tatqiqhiutiqaqtuni uvanilu hitamanik ukiuqaqtunun ihumagijaujun timingit-hakuittun, ingattaqhimajunik puvakkut aanniarutiqaqtun, ukuallu hivituniqaqtumik steroid havauhiqtuutaujun imaalu/imaaluunniit havauhiqtuutaujun kaansamin. 

Nutaqqat ukiulgit 6sinik tatqiqhiutinik tallimanun (5) ukiuqaqtunun pijaaqqat ilataarutimik kapuutimik?
GN-kut munarijait pivalliadjutikhat naunaiqhiniaqtullu nutaanguqtiqhimajunik nutaat naunaitkutikhat hailikpata.

Pijaaqqinga tukliqmik ilataarutikhamik kapuutikhamik? 
Ilangit nunagijaujun tunihiliqtun tuklirnik ilataarutinik kapuutikhanik naunaiqhimajunun ukiuqaqtunun katittugin. Nunavut Kavamanga angiqtaat tuklirnik ilataarutinik kapuutikhanik tamainnun Nunavunmiutanun 18nik avatquhimajunullu ukiuqaqtunun.

Pijukhauvik ilataarutikhamik kapurhirutimik ukiuq tamaat COVID-19 qalagjuarnimun? 
GNkut tautukhimaaqtait qanuriniit qalagjuarnirmun COVID-19 kapuqhiutait qaitukkut ihumaliuqhimaahutiklu pihimablugit nakuutqiatigut atuqtaujut nalunaqtulinirmunlu. Pidjutauniarungnaqhijuq tapkua qalagjuarnirmun COVID- 19 kapuutait, aadjikiiktunik influenza kapuutainun, ikajuutighanik kapuqhiqlutik ukiuq tamaat. 

---

Mighaanun haffuma Moderna SPIKEVAX Kapuutaa

Hivulliqpaak kapuutikhat hailijut Nunavunmi tamna Moderna mRNA kapuuti, attiqtauffaaqtuq SPIKEVAX. mRNA, naunaitkutaujuq tuhaqtitaunikkut RNA taimaittutullu ittuq naunaitkutaupluni avuutaupluniluunniit atauhirmun qanurittumun protein-mun timit piliuqpaktaanik. Tamna Moderna havautit kapuutit tunihivaktut mRNA imaalu ilihaudjiplutik timipta ilanginnik mikannuat piliurnirmik aannialaitkutikhanik COVID-19 qalagjuarnirmit. mRNA havautit kapuutikhatit aannialiqtittunaitatit COVID-19 qalagjuarnirmi piqanginnamik ilanginik COVID-19 qalagjuarnirmik aannialaqidjunmik.

Tamna Moderna havautit kapuutit tunijauvaktut malrungnik kapuqhiqhutik kinguliriiktaqhutik – 21ni ubluni qaangiutaanin kapurhiqqaarnirmin – kapuqhiqhungujut akiittumik tamainut pillajunut Nunavunmiunut ukiulingnut 12nik avatquhimajuniklu.

Hivuagun angiqtautinnani, Moderna ilihaqpaktuq ukunani 30,000 inungni, tautukhimajuqlu imaatun 94%mik havagutiqaqtuq mikhilaaqtirnikkut ingattaumadjutingani aannialaqidjujtimin uumannga COVID-19 qalagjuarnirmin. Taimaatun kapuruhiruti ikajuraluaqtillugu mikhilaaqtirnikkut hiamitaarutaa, kinguagullu kapuqtauhuiraangat inuit huli himipkaqtaaqta aannialaquti. Kapurhiqtauniq anginiqaqtuq mikhilaaqtirnikkut hiamitirutinik pittailinikkullu ingattaqhimajunik aannialaqidjutinik aanniaqtuni. Taimaalu kapurhiqtauhimajun inuit malikhimmaaqtakhait inungnut aanniaqtailinikkut maliktakhat

atimalugit ivjarutit algallu uaqtiqhimaaqlugit.. Hapkuat inungnut aannialiqtailitikhanut maliqujauhimajut ihuaqpiaktullu aannialiqtailitikhanik aallanik puvangnut aanniarutinik.

Anginiqaqtuq taimaa Nunavunmiut apiqhilutik nunamingni aanniarviinni ajuiqhattiaqhimajunik, hivuagut kapittiqtinnatik taffuminga kapuutikhamik aannialaqittaarumik, inuuhirmini hakuirumik aanniarutimingnin imaaluuniit allergic-himagumik nakuuhuirumik atauhirmit amigaittunilluunniit ilaliutihimajunin umunga kapuutikhamun.

Nutaanguqtirut nutaqqanun 6-nik tatqiqhiutiqaqtunun talvunga tallimanik ukiuqaqtunun:

Qajangnautinun, ihuaqtumun unalu timimun ihuirutigijauttaaqtuq (immunogenicity) naunaitkutit uumunga SPIKEVAX nutaqqani pihimajaujuq malrungnik-ilaqaqtuq munaqhiliqinikkut uuktuutaujuq United States-mi Kanadamilu. Uuktuut ilauqaqtuq avatquttugu 6,400 ilaujun 6-nik tatqiqhiutilgit taimaa tallimanun (5) ukiuqaqtunun pihimajun atauhirmik kapuutimik uumunga SPIKEVAX uuminngaluunniit havautimik-huqangittumik. Pittuq qajangnaqtukkut ihumaaluutinik naunaijaqhimajuni ukunani uuktuutini. Amigaitqijaujun pidjutaujun aadjikkutaa tahapkununga nutaqqanun pivaktainun aallanun nutaqqanun kapuutinun, uluriahuktutun kapuqhirvingmingni, uinngaliqhutik nirijumajungnaiqhutiklu. Kapuutikhaq qajangnaittuq ihuaqturlu aanniaqtailidjutikhamun Qalagjuarnirmin COVID-19 nutaqqani akun’ngani 6-ni tatqiqhiutilgit unalu tallimanik (5) ukiuqaqtun.

• 6-nik tatqiqhiutiqaqtunun talvunga tallimanik ukiuqaqtunun: Nutaqqanun 6-nik tatqiqhiutiqaqtunun talvunga tallimanun ukiuqaqtunun, tamaita kapuutikhat hivullirmi kapuutikhanun pihimajunun taimaa 25 micrograms-ngujun imaalu hitamanik havainirni kingulliriiktut.
• 6-nik ukiuqaqtun talvunga 11-nik ukiuqaqtunun: Nutaqqanun 6-min 11-mun ukiuqaqtun, tamaita kapuutit taimaa ittun 50 micrograms-mik imaalu hitamanik havainirni kingulliriiktut.
• 12-nik ukiuqaqtunun avatquttugulu: Inungmun 12-nik ukiuqaqtunun avatquttugulu, tamaita kapuutikhat taimaa ittuq 100 micrograms-mik hitamanik havainirni kingulliriiktut.

Ilaliutihimajun:

Havautikhanut ilaliutihimajun:

(mRNA)

Havautaungittut ilaliutihimajun:

• acetic acid
• cholesterol
• DSPC (1,2-distearoyl-sn-glycero-3-phosphocholine)
• PEG2000-DMG(1,2-dimyristoyl-rac-glycerol,methoxy-polyethyleneglycol)
• lipid SM-102
• sodium acetate trihydrate
• sucrose
• trometamol
• trometamolhydrochloride
• imaq kapurutikhamun

Moderna Kapuutimin mihingnarutigujauvaktun:

Kapurhirnianit hulaqutit:

Aannirnalaqinirmik kapukhirniani.

• Unaguhungniq.
• Niaqurliurniq.
• Nukini aannirnalaqiniq qiratarnirmunlu.
• Qalingahuktun.
• Kidjangniq.
• Puvvivjagluni aupadjalaqiluni kapurhirvia.
• Mirriangujuq imaalu/imaaluuniit mirriaqtarluni.
• Angiglipkarlutik qiniqhinait.

Hapkuanginnaungittun mihingnarhittaarutit ilingnun piguvin Moderna SPIKEVAX COVID-19 Qalagjuarnirmun Kapuutimik. Mihigihimaguvin qajaginnaq mihingnautinik titiraqhimangittunik hamani, unniutidjavan munarhitkut.

PIqaliruving qujaginnaq qajangnaqtunik naunaitkutinik ukuningaluunniit naunaitkutinik allergic-himanikkut pidjutainnin, takujaqtudjavatin munarhitkut tadjainnaq. Allujiktunut mihingnautinginut ilaujut:

• puvvillakkuvit uvinikliruvit (puvvinniqaliruvit uviningni kumilakiguvillu uvinniit).
• Puvitpat akuliat, uqarni iggiarniluunniit.
• Ajuqhaliruvit aniqhaaktariani ivjannguhuliruvit.

Uqaqtaulluarhimajuq qanurilidjuti nutaqqanun nuqarhiit 5nin hapkuat qialhinniq/qianiq, uluriahungniq, hiningniq, niriumahuirniqlu. Unaguhungniq huli uqaqtaulluarhimajuq tamainni hulaqutaudjuti taapkununga angajukhiujun avatqhimajunik 37ni tatqiqhiutiqaqtunun.

Kapurhiqtijiit upalungaiqhimajun qilamik hanaqidjutijaami allergic-himajunun hulaqutainnun.

---

Mighaanun Pfizer Comirnaty kapuutaa

Pfizer-BioNTech hivulliuvaktuq COVID-19 qalagjuarnirmun kapuutikhat hailihimajuq Nunavunmi inulrammiinnun ukiuqaqtunut 12mit 17mut tadjaluttauq nutaqqanun ukiuqaqtunun 5mit 11mut. Pfizer, kinguagun attiffaaqtaujuq Comirnaty unaujuq mRNA kapuutikhaq, Moderna-tut, ajuirhautivaktaa timit piliuriangani qanuringaqpiaqtumik protein-mik atuqtauniaqtuq ikajurlutin piliuraimi hapummidjutikhamik COVID-19 qalagjuarnirmun. Pfizer tunijauttaaqtuqlu inirninun

Tamna Pfizer kapuuti tunijauvaktut malrungnik kapurhiqhutik – 21ni ubluni qaangiqqat hivulliqpaamin kapurhiqqaarninganin hailihimajuqlu akiittumik tamainnun pijaaqtunun Nunvunmiunnun ukiuqaqtuni 5nit 17nut. Ihariagijakpat, pidjutaanin piqarnirnin, Nunavut tunijaunialiqtuq naamadjutainnaanun kapuutikhanik hivuagun tunijaami atauhirmik kapuutikhanik ukununga 5min 11mun ukiuqaqtunun. Pipkainingani naamajukhanik kapuutikhat hailihimajunik, Nunavut ihuarhainiaqtait tukliit kapurhirvikhat 8ni havainirni kinguagun talvannga hivulliqpaamin kapurhirnirmin taimaa piqarnirniit aullarikhikpata. 8nik havainirnik akunngani kapurhiqtauhimanirnin, ittuq ataani maliktakhani uumannga Kanadami Unniudjutikkut Katimajiinnin Kapurhirnikkunni ukununga nakuujuni hapummidjutikhanik uumannga COVID-19 qalagjuarnirmin.

Aannialaqirjualaitkutikhat piliuqpaktun hivitunirmi. Imaatut hivitujumik 2 havainiik timikput piliuqapktuq aannialaitkutikhanik COVID-19 qalagjuarnirmut. Aannialaqirjualaitkutikhanun, pijukhaujutin atauhiinnaungittumik kapurhiqtaudjutimik.

Hivulliqpaat Pfizer uuktuqtauhimayuq kapuqhiqtut uuktuqtauyut imaa 38,000 inuit ukiuqaqtut 16min avatqumayunullu kinguanilu uuktuqtaujun ilaliutihimayut 2,260 nutaqqat ukiuqaqtut 12min hamunga 15mun. Hivuagun angiqtautinnagin nutaqqanun ukuilgit 5min 11mun, uuktuqtaudjutit pivaktun ilaqaqtunik 3,000nik nutaranik. Una kapuut

naunaittuq avatquhimajumik 95%mik nakuuninganik mikhilaaqtirnikkut ingattarutinganik aannialaqidjutimi pijuq COVID-19 qalagjuarnirmin. Taimaatun kapuruhiruti ikajuraluaqtillugu mikhilaaqtirnikkut hiamitaarutaa, kinguagullu kapuqtauhuiraangat inuit huli himipkaqtaaqta aannialaquti. Kapurhiqtauniq anginiqaqtuq mikhilaaqtirnikkut hiamitirutinik pittailinikkullu ingattaqhimajunik aannialaqidjutinik aanniaqtuni. Taimaalu kapurhiqtauhimajun inuit malikhimmaaqtakhait inungnut aanniaqtailinikkut maliktakhat imaatun ivjarutinik-atimanikkut alganiklu uarnirnik. Hapkuat inungnut aannialiqtailitikhanut maliqujauhimajut ihuaqpiaktullu aannialiqtailitikhanik aallanik puvangnut aanniarutinik.

Anginiqaqtuq taimaa Nunavunmiut apiqhilutik nunamingni aanniarviinni ajuiqhattiaqhimajunik, hivuagut kapittiqtinnatik taffuminga kapuutikhamik aannialaqittaarumik, inuuhirmini hakuirumik aanniarutimingnin imaaluuniit allergic-himagumik nakuuhuirumik atauhirmit amigaittunilluunniit ilaliutihimajunin umunga kapuutikhamun.

Ilaliutihimajun (12ni ukiuqaqtunun avatquhimajunullu)

Havautikhanut ilaurutikhat

• mRNA

Havautaungittunut ilaurutikhat

• ALC-0315 = ((4-hydroxybutyl)azanediyl)bis(hexane-6,1-diyl)bis(2-hexyldecanoate)
• ALC-0159 = 2-[(polyethylene glycol)-2000]-N,N-ditetradecylacetamide
• 1,2-Distearoyl-sn-glycero-3-phosphocholine
• Taqainnut umiktinnaqtut uqhut (cholesterol)
• dibasic sodium phosphate dihydrate
• monobasic potassium phosphate
• potassium chloride
• sodium chloride
• sucrose
• imaq kapurutikhamun

Ilaliutihimajun (5nin 11mun ukiuqaqtunun)

• lipids (4- hydroxybutyl)azanediyl)bis(hexane-6,1-diyl)bis(2-hexyldecanoate)
• 2[(polyethylene glycol)-2000]- N,N-ditetradecylacetamide
• 1,2-distearoyl-sn-glycero-3-phosphocholine,
• cholesterol),
• sucrose,
• tromethamine,
• tromethamine hydrochloride.
• sodium chloride
• imaq kapurutikhamun

Nakuuhuirnaqtut kapuutinit Ilainnut Inungnut

• Ulurianarniq kapurhirniani.
• Timimi qaalin’nguhuktuq.
• Unaguhuktuq.
• kidjangaliqtuq.
• Puvvivjagluni aupadjalaqiluni kapurhirvia.
• Mirriangujuq imaalu/imaaluuniit mirriaqtarluni.
• Angiglipkarlutik qiniqhinait.

Hapkuanginnaungittut nakuuhuirutaujut piniarunaqhijatit kapurhiruvit Pfizer-BioNTech COVID-19 qalagjuarnirmik kapuutimik. Mihigihimaguvin qajaginnaq mihingnautinik titiraqhimangittunik hamani, unniutidjavan munarhitkut.

PIqaliruving qujaginnaq qajangnaqtunik naunaitkutinik ukuningaluunniit naunaitkutinik allergic-himanikkut pidjutainnin, takujaqtudjavatin munarhitkut tadjainnaq. Allujiktunut mihingnautinginut ilaujut:

puvvillakkuvit uvinikliruvit (puvvinniqaliruvit uviningni kumilakiguvillu uvinniit).

Puvitpat akuliat, uqarni iggiarniluunniit.

Ajuqhaliruvit aniqhaaktariani ivjannguhuliruvit.

Kapurhiqtijiit upalungaiqhimajun qilamik hanaqidjutijaami allergic-himajunun hulaqutainnun.

 

Talvuuna Moderna Spikevax Bivalent Kapuutikhanun

Moderna’s Spikevax Bivalent kapuutikhaq havakpaktuq aadjikkutaanun kingullirmik mRNA kapuutimin kihimi ihuaqhihimajuq turaangavlugin tamarningnun aanniarutinun ukuak Qalagjuarniq COVID-19 unalu Omicron aallangajuq aanniarun. Una bivalent kapuut angiqtauhimajuq atuqtaujaami Kanatami ihuaqhuni taaffumunga aanniarutilluamun Qalagjuarniq COVID-19 aanniarunmun unalu Omicron aallangajuq aanniarun.

Una bivalent kapuut hailijuq tamainnun Nunavunmiut 70-ngujun avatquttugulu nunallaamiutaujun tahapkuallu najuqtun havaktillu munaqtauvingmiittun munarijauhimmaarvingmi havagvingni pihimajun inmik hivulliujunik kapuutinik Qalagjuarnirmun COVID kapuut taimaa kingulliujuq tunihimakpan naavjakhugu pinghuni tatqiqhiutini atuqtaujani.

Pittaaqtunun kapuutikhamik aallanun piniaqtun kapuutikhat amigaiqpalliakpata.

Taimaalu kapurhiqtauhimajun inuit malikhimmaaqtakhait inungnut aanniaqtailinikkut maliktakhat imaatun ivjarutinik-atimanikkut alganiklu uarnirnik. Hapkuat inungnut aannialiqtailitikhanut maliqujauhimajut ihuaqpiaktullu aannialiqtailitikhanik aallanik puvangnut aanniarutinik.

Anginiqaqtuq taimaa Nunavunmiut apiqhilutik nunamingni aanniarviinni ajuiqhattiaqhimajunik, hivuagut kapittiqtinnatik taffuminga kapuutikhamik aannialaqittaarumik, inuuhirmini hakuirumik aanniarutimingnin imaaluuniit allergic-himagumik nakuuhuirumik atauhirmit amigaittunilluunniit ilaliutihimajunin umunga kapuutikhamun.

 

Ilaliutihimajun:

Havautikhanut ilaliutihimajun:

• Elasomeran (mRNA) encoding the pre-fusion stabilized Spike glycoprotein of 2019 novel Coronavirus (SARS-CoV-2)
• imelasomeran (mRNA) encoding the pre-fusion stabilized conformation variant (K983P and V984P) of the SARS-CoV-2 Spike glycoprotein (Omicronvariant B.1.1.529 [BA.1]) 1
• Havautaungittut ilaliutihimajun:
• acetic acid
• cholesterol
• DSPC (1,2-distearoyl-sn-glycero-3-phosphocholine)
• PEG2000-DMG (1,2-dimyristoyl-rac-glycerol, methoxy-polyethyleneglycol)
• lipid SM-102
• sodium acetate trihydrate
• sucrose
• trometamol
• trometamol hydrochloride
• imaq kapurutikhamun

Nakuuhuirnaqtut kapuutinit Ilainnut inungut:

• Aannirnalaqinirmik kapukhirniani.
• Unaguhungniq.
• Niaqurliurniq.
• Nukini aannirnalaqiniq qiratarnirmunlu.
• Qaalingahuktun.
• Kidjangniq.
• Puvvivjagluni aupadjalaqiluni kapurhirvia.
• Mirriangujuq imaalu/imaaluuniit mirriaqtarluni.
• Angiglipkarlutik qiniqhinait.

Hapkuanginnaungittun mihingnarhittaarutit ilingnun piguvin kapuutimik Moderna SPIKEVAX Bivalent Qalagjuarniq COVID-19 Kapuutikhaq. Mihigihimaguvin qajaginnaq mihingnautinik titiraqhimangittunik hamani, unniutidjavan munarhitkut.

PIqaliruving qujaginnaq qajangnaqtunik naunaitkutinik ukuningaluunniit naunaitkutinik allergic-himanikkut pidjutainnin, takujaqtudjavatin munarhitkut tadjainnaq. Allujiktunut mihingnautinginut ilaujut:

• puvvillakkuvit uvinikliruvit (puvvinniqaliruvit uviningni kumilakiguvillu uvinniit).
• Puvitpat akuliat, uqarni iggiarniluunniit.
• Ajuqhaliruvit aniqhaaktariani ivjannguhuliruvit.

Kapurhiqtijiit upalungaiqhimajun qilamik hanaqidjutijaami timimun nakuungiqtuqaqqan hulaqutainnun.

 

Ikajuutit

Taaffumunga Pfizer-BioNTech Qalagjuarniq COVID-19 Kapuutikhamut

Talvuuna Moderna COVID-19-mut Kapuutikhat

Qalagyuarnirmun COVID-19 kapuhirvighat: Hunanik niriuqtakhat