Havaktingit

You are here

Nunavut Ublua tikkuaqtauhimayuq Halatairvikhaq

Immaktirvia 16, 2020

Kavamatkunnin Tuhaqtitaujuq

Nunavut Ublua tikkuaqtauhimayuq Halatairvikhaq

Nunavut Kavamanga (GN) quviahuktuq tuhaqtitiyaangat Nunavut Ublua, Taaqhivaliavia 9mi, tikkuaqtauhimayuq halatairvikhaq tamainun Nunavunmiunun nunaptingni malikhautiqaqtunik havarvikyuangitni. Talvuuna ilitagiyagiikhimayuq halatairvikharni, havaktiuyut havaguikhimarniaqtun akiliktaulutiklu.

Nunavut Ubluangani quviahuutigivaktuq Nunavut quvianaqtuq avaliqangituq ukiuktaqtuq Kanatami. Ukiuk tamaat Taaqhivaliavia 9mi, Nunavunmiut naunaiyaivaktun quviahuutigivakhugulu auladjutinga talvuuna Nunavut Nunaqaqqaqhimayut Angirutaanga Maligaq, hivuliuvakhimayuq auladjutikharnik aulatitiyaangat Nunavunmik.

Kingulirmi ukiungit, Nunavut Ublua ilitagiyauvakhimayuq halitairvikhaq talvani ilitagiyauhimayuq Havaktunik Maligarni, unalu halatairvikhaq aulavakhimayuq tapkuninga GNkutni havaktunik. Aulaqtitiniaqtuq 2020mi, halatairvikhaq aulanaiqtuq havaktinun nunaptingni malikhautikhaqaqtunik havagvikyuangit, taimaitunun havakhimaaqtunik Nunavunmi nanminiqaqtunik havagvingnik, niqinik niuvaivingnik, hanayiingitlu.

Havaktiit Kanatam Kavamanmi allatlu havaktiit talvani Kanatami Kavamangitni Havagvikyuangani taimaituni maniliqivikyuangit tingmiliqiryuangilu aulagiaqaliqtun Kanatami Halatairvikharnik Maligaq unalu Kanatami Hanayiliqiyingitlu Naunaitkutingnik talvuuna mikhaatigun halatairvikharnik. Una allanguqtiqhimayuq aulalimaituq tapkununga havaktiuyunun.

###

Tuhaqtipkainikkut Uqarvigijakhaq:

Karlee Kendall
Atugakhanut Tuhagakhanullu Naunaijaiji
Maligaliqijikkut Havagvia
867-975-6174
kkendall@gov.nu.ca