Nunavunmi Huiqtuliqijit Havagvia qiniqhialiqtut nunallaani huiqtuliqiighanik

Kavamatkunnin Tuhaqtitaudjutikhaq
Nunavunmi Huiqtuliqijit Havagvia qiniqhialiqtut nunallaani huiqtuliqiighanik

Nunavunmi Huiqtuliqijit Havagvia qiniqhialiqtut nunallaani huiqtuliqiighanik tamaini Nunavunmi.

Nunallaani huiqtuliqijit tunihijut kivgaqtuutinik ihariagijaunikkut pihimajut, akiliqtaublutik kivgaqtungnirmun, atautinun pidjutaujunun. Una ubluq tamaat havaangungituq. Huiqtuliqijit munaqhijut ataani ukua Huiqtuliqijit Maligaani havakhugit tamainun, ilikkut ihivriurutinik tamaini qilamik, niqiuktaungitut, nalujaujullu huirutait. Tuqungajuliqijit ihivriurutait pihimalugit tapkua huiqtut pidjutigingilugit, iiqtauhimablugit, hugingitutigluuniin. Aghuungnatqiaq pidjutinga pidjutigijaa Huiqtuliqijiit ihivriurutait naunaijariangini qajangnautinun pidjutaujut piffaangitaangini aadjikiikkut huiqhimajut hivuniptingni.

Uuktuqtut kinguani ilihaidjutait, atuqhimajailuuniin maligaliqidjutit, aanniaqtuliqutit, ukualuuniin ihivriuqhinirmun havakpaghimajut piumajauluaqtut. Nakuukpiaktumik tuhaqtipkainiq, qaujihainirmik ajuitiaqhimajughaq, uqaqtaaqluni titiraqtaaqlunilu Qablunaatut havagiangini titiqiqidjutait. Ilihimaluni Inuit uqauhiinik, nunallaanik, pitquhirmik, nunaanik, unalu Inuit Qaujimajatuqangitl piqaqtukhaq.

Uuktuqtun havakpakhimajugaht havaqatigilugit nikaliqtut ilagiit mihingnautikkut, ikajungnikkut pihimajumik hivuliqhuqlunilu, tutqighailuni ukualu pijaghat kangiqhidjutit.

Huiqtuliqijit Havagvia tunihijut tamangnik iliharvingni atuqpinarnikullu ilihaidjutinik nunallaani huiqtuliqiinun. Havaaniktitaujut inuit aulaaqtaaqlutik timiqarvingmun unaluuniin najugaanun huiqhimajup qujaginaq hilap qanuriniagulu.

Kangiqhitiarumaguvin, ilituripkaqlugu Khen Sagadraca, Atangujaat Huiqtuliqijit uvani 867-975-6562 unaluuniin ksagadraca@gov.nu.ca.

###

Tuhaqtipkainikkut Uqarvigijakhaq:

Peter Varga
Atugakhanut Tuhagakhanullu Naunaijaiji
Maligaliqijikkut Havagvia
867-975-6369
pvarga@gov.nu.ca