Havaktingit

Nutaangutqijat GN-kut Qalagjuarniq COVID-19C tuhaqtitaujukhat paqitaunginariaqaqtun qaritaujakkurviptingni. Qalagjuarniq COVID-19 atuqtakhat paqitaunginariaqaqtun Havagviat Aanniaqtailinikkut Qalagjuarniq COVID-19 atuqtakhat makpirnia.

You are here

Nunallaami Maligaliqinikkullu Havagutaitigun Titiraqaruti: Inuinnait Itiqtauvingni Havaktikhat

Iitjirurvia 24, 2020

Kavamatkunnin Tuhaqtitaujuq

Nunallaami Maligaliqinikkullu Havagutaitigun Titiraqaruti: Inuinnait Itiqtauvingni Havaktikhat

Pijumavin ilihaqjuummirnirnun havaakhamiklu Maligaliqijikkut Havagutaitigun?

Nunavut Kavamanga qiniqhiajuq Nunavunmin Inuinnarniq ilaujukhanik malruuknik-ukiuqaqtumik Nunallaami Maligaliqinikkullu Havagutaitigun Titiraqarutiqalirnirmi, pidjutiujuq pivallialiuqnirmun ajuittumik ilauqpiaqtuniklu Inuinnarnik havaktikhanik uvani Itiqtauvingni Havaani.

Itiqtauviliqidjutit Nunavunmi munarijut inirninun inulrammiinnullu itiqtauvingni havagutainni, maligaqarutinun, ikajurutikhaniklu itiqtauhuiraangamik. Ilaqaqtuq amigaittunik ikajurutikhanik ilaujullu itiqtauvingni munarinirnik, aanniaqtailinikkut munarinirnik, ihumakkut aanniaqtailinikkut mamiharutikhakkullu havagutit, ikajurutiillu nunallaamingnun utirumik.

Iliharutikhat aullaqtirniaqtun May 2020mi uvani Algonquin College Ottawa-mi, pilik atauttikkut 24nik ilihaijimin-iliharluni imaalu qaritaujakkuurutikkut iliharutikhaniklu uvani Algonquin College-mi, pilunittauq havakpakluni-havaami ajuiqhaqluni naliinni itiqtauvingni tamaani Nunavunmi.

Manikkut Ikajuutikhat hailihimajun ilihaqtunun tamaitalu aallaurutikhat akiit, ilihariaqtuqvingmi ilihautinilu akiit akiliqtauniaqtun ilihaqtilluni Algonquin Collegemi. Amigiatilaangani kiklikhaa imaatun qulinik (10) ilihaqtukhat pijauniaqtun pinahuarutimun. Uuktuqtun pihimajukhat Angajukhiit Iliharvianin Titiraqaqnirmik imaatulluunniit Angajukhiujukhaq Ilihaqtuq ukiuqaqluni (19nik ukiuqaqluni avatquhimajunikluunniit).

Havaakhaqhiurutikkut naunaitkutimik, naittumik ilitturipkaidjuti pijumajarnik havagiami itiqtauviliqivingni uuminngalu naammagijaujumik ihuinaarutikkut naunaijautinik pitqujauhimajun. Uukturiami aallanikluunniit ilitturipkaidjutikhanik, uqaqatigilugu JP Deroy, Aulapkaiji Itiqtauviliqivingni, uvani
JPDeroy@gov.nu.ca uvaniluunniit 867-975-6501.

Pijaami aallaniklu ilitturipkaidjutikhanik itiqtauviliqivingnik nunaptikni, taigudjavan ilaliutihiajuq ilitturipkainikkut titiraq.

###

Tuhaqtipkainikkut Uqarvigijakhaq:

Karlee Kendall
Atugakhanut Tuhagakhanullu Naunaijaiji
Maligaliqijikkut Havagvia
867-975-6174
kkendall@gov.nu.ca