Kangiqhihimania ihumaliuqtukhani qaitqujaudjutini: hunanik ilihimajakhatin

Kavamatkunnin Tuhaqtitaudjutikhaq
Kangiqhihimania ihumaliuqtukhani qaitqujaudjutini: hunanik ilihimajakhatin

Maligaliqinikkut Havagvia unalu Nunavunmi Apirhuivingmi Maligaliqinikkut puiguqungitait Nunavunmiut taapkuat ihumaliqtukhat ihariagijaujun ilauplutik maligaliqinikkut pidjutaani Nunavunmi.

Tunijauvin ihumaliuqtukhani qaitqujaudjutimik?

Tunijaugaangat ihumaliuqtukhani qaitquidjutimik tukiqangittuq pukuktaujutin ihumaliuqtinguqhutit imaaluunniit ihuinaarhimaliqtutin. Tunijauhimajun qujaginnakkut pukuktauhimajun.

Tunihauhimaguvin qaitquidjutimik, upaktakhat apirhuivik ubluqhiutaani, ublungani, humiinninganullu titiraqhimajuq qaitquidjutimi.

Naammagijaungitpit ilauqariangitpilluunniit ihumaliuqti ihumaliuqtukhakkut?

Ilangit Nunavunmiut naammagijaulimaittungnarhijun ilaupkaqtaungillutikluunniit ihumaliuqtikhanun pukugutainnin.

Naammagijaungittaaqtutin imaa itkuvin:

• Kanadamiutaungitkuvin imaaluunniit nunaliqtirhimangitkuvilluunniit.
• Ukiuqangittuq 18nik.
• Ihuinaarutiqaqtuq pidjutihimapluni itiqauhimapluni atauhirmik ukiumi amigaitqijanikluunniit.

Ilaupkaqtaungittaaqtutin havaguvin maliganik maliktipkaidjutini, aulapkaiji maligaliqinirnun, taaktiuguvin, munarhiuguvin, uvanilu aallami ihariagijaujumi havaami.

Tukhiqtaaqtutillu ilaupkaqtaungillutin hapkununga pidjutinun:

• Aularaanginnaqtunik aanniarutinik.
• Aullaarnirnun aanniarutikkut pidjutainni imaaluunniit aanniaqtumun ikajuqtiujutin.
• Ajurhaqtitaunialiruvin ajurnaqpiaqtunik.
• Aullaarhimaguvin piqaruvilluunniit aullaarnahuarutikhanik ihuangittunik ukununga ihumaliuqtikhanun pukuknirnun ukunungaluunniit apirhuivikhanun ublukhainnun.

Qaitqujauguvin, tukhiqtaaqtutin pitqujaungillutin piliutilluunniit ilaungidjutikhamik. Apirijauttaaqtutin tunilutik ikajuutikhanik titiqqanik tukhirutingnun.

Pijaaruvin ilaungittaarutikharnun naamagijaungidjutingnulluunniit upagiaqangitan ihumaliuqtikhanun pukukvia.

Havagvia Paliihimanguap havagutigijait ihumaliuqtukhanun pukuktauniit Nunavunmi ihivriuqtaaqtaalu tukhirutit hivuagun pukuktaunirmi ublungani ubluqhiutaanilu qaitquinirmi.

Tunijauhimaguvit ihumaliuqtukhani qaitquidjutimik ihumaguvillu naammagijaungittutin, ilaujukhaungittutin, tukhirumaguvilluunniit kinguvaqtidjutikhamik, uqaqatigijakhat Havagvia Paliihimanguap hivuagun ihumaliuqtukhani qaitquidjuti aullaqtiqtinnagu.

Aallanik ilitturpkaidjutikhanik uumuuna ihumaliuqtukhani qaitquidjutikkut, uqaqatigidjavan Havagvia Paliihimanguap uvani

1-866-286-0546 qaritaujakkulluunniit NCJ.Sheriff@gov.nu.ca.

###

Tuhaqtipkainikkut Uqarvigijakhaq:

Peter Varga
Atugakhanut Tuhagakhanullu Naunaijaiji
867-975-6369
Maligaliqijikkut Havagvia
pvarga@gov.nu.ca