Havaktingit

You are here

Kanatami Ihuaqhaidjutiqhamut Ihuarningganut Maligaliqinikkut havainia

Nuvaipa 22, 2021

Kavamatkunnin Tuhaqtitaudjutikhaq

Kanatami Ihuaqhaidjutiqhamut Ihuarningganut Maligaliqinikkut havainia

Uvani ukiumi Kanatami Ihuaqhaidjutiqhamut Ihuarningganut Maligaliqinikkut havainiani piniaqtut Nuvaippa 21 min 28 mut. Hivuniqhanggit havainianni amigaiqyuummigumaplugit ilitturiyauyaan’nginni ihumaliugutauyut atuqtauvaktutlu pidjutilgit ihuaqhaidjutiqhamut maligaliqinikkut tamaani Kanatami.

Ihuaqhaidjutiqhamut Ihuarningganut Maligaliqinikkut pivinga taamnauyuq nunallaami kiudjutaa ihuinaaqtauyumut. Hivuniqhaa hakugingniqhaqariamingnik Nunavunmiut ilauyaamingnik titiqqiviliqidjutinut Maligaliqidjutinut. Atauttimunggaqtittivaktut nunallaami ayuqhaqtitauyut, ihuinaaqtut nunallaaplu ikayuqhugit ayuqhaqtitauyut, ihuinaaqtutlu ihuinaarmata kiuviqhaqaqtut naunaiqtiaqlugitlu huuq ihuinaaqtut.

Nunallaami maligaliqiiyitkut katimayalaanggit, nunallaami maligaliqiiyitkut havaktinggit, nunallaamilu maligaliqiiyitkut ayuittiaqhimayut Nunavunmi taapkuan’nguyut ihuaqhaidjutiqhamut ihuarningganut maligaliqinikkut ayuittut hivuliqtiuplutiklu piviqhamut tamainni 25 nunallaanut Nunavunmi. Naunaittiaqpagaitlu ihuinnaagut ilitturipkaiyauluni pitquhikkut atuqlutik ilaudjutigilugit Inuit Qauyimayatuqangit havagtillutik.

Nunavunmiut pitquyut hivayaqlugit takuyaqtugitluunniit nunallaamingni maligaliqiiyitkut havaktianut ayuiryuummiriamingnik ihuaqhaidjutiqhamut ihuarningganut maligaliqinikkut atuqpagainnik. Kimut takuyaqtuiyaami naunaiginnariaqaqtuq hamani.

###

Tuhaqtipkainikkut Uqarvigiyaqhaq:

Isabelle Gingras
Atugaqhanut Tuhaagaqhanutlu Naunaiyaiyi
Maligaliqiiyitkut
867-975-6324
igingras@gov.nu.ca