Havaktingit

You are here

Havaariraaqpaktakhat havaakhallu angmarhimajun Nunavunmi Itiqtauviliqiviinni

Niqiliqivik 15, 2022

Kavamatkunnin Tuhaqtitaudjutikhaq

Havaariraaqpaktakhat havaakhallu angmarhimajun Nunavunmi Itiqtauviliqiviinni

Qinirhiavin havakpiarnaqtumik quvianaqtumiklu havaariraaqpaktakhamik ikajuinnarutikkut aallanik?

Nunavunmi Itiqtauviliqiviit havaktittumajaatin! Una Itiqtauviliqiviit Havagvia uvani Maligaliqinikkut Havagviani hailihimajun havaanik havaariraaqpaktakhaniklu havaktikhanik, uqaudjijikhanik, munarhini, kukialungnik, ilihaijiniklu taapkuat upalungairhimajun tuniutijaamingnik qauhihimajamingnik. Itiqtauviliqiviit havagutigivaktait inuit tamainni qujaginnaq ukiuqaqtunik igluqpainni Nunavunmi tuniuvakhutiklu maligakkut ikajurutinik tamaani nunaptikni.

Havagvik hailihimajuq saivanik (7) havainirnik akiliqtaujunik ajuirharnirnik havaariraaqpaktakhakkullu pivallialiurnirnik havaakhanun ukunani itiqtauviliqiviinni mamiharnikkut igluqpani ittun Iqalungni, Kangiqlinirmi Kugluktumilu.

Ajuirharutit pihimaliqtatin havangnikkut itiqtauviliqivingni ahini atuqtauttaaqpiaqtun pidjutittaaqtuqlu havaariraaqpaktakhani uukturvikhani tamarni kavamatkunni nanminirijaujuni havagviinni.

Qinirhiaguvin havaariraaqpaktakhamik ikajuinnarutikkut aallanik hakugigharnikkullu nunallaaptiknik, takuugu https://www.gov.nu.ca/in/maligaliqiyikkut/information/itiqtauviit-nunali....

Aallanik ilitturpkaidjutikhanik, uqaqatigilugu Itiqtauviliqiviit uvani CorrectionsCareers@gov.nu.ca hivajarluguluunniit (867) 975-6500.

###

Tuhaqtipkainikkut Uqarvigijakhaq:

Peter Varga
Atugakhanut Tuhagakhanullu Naunaijaiji
Maligaliqijikkut Havagvia
(867) 975-6369
pvarga@gov.nu.ca