Havaktingit

You are here

COVID-19 Havagviat Maligaliqijikkut Kivgaqtuutait ilitturipkaidjutit

Julai 20, 2020

Havagviat Maligaliqijikkut Kivgaqtuutait ilitturipkaidjutit - Taaqhivaliavia 20, 2020

Maligaliqinikkut Atiliurvingat Havagviat angmaffaarnialiqtuq inungnit upaktauluni Hivulliunmi, Taaqhivaliavia 20. Itiqtitivangniaqtut atauhiinarmik inungmik, ilangit utaqqiyukhat.

Tamaita akiliktuiyun apiriyauyut maliktiaqtakhait atuqtakhaliuqtauhimayut taimalu 2 miitaanik qanitturiiktukhaungitun (6 feet) unngahiktilanganik. Akiliqtuiyut hivayaqiyauyut 1-867-975-6590 imaaluuniit qaritauyakkut titirarlutik uvunga Corporate.Registries@gov.nu.ca apiqqutikhaqaruik ihumaluutiqarumikluuniit talvuuna Maligatigut Atiliurnikkut ikayuutikhainnik. Naunaiqhittiarutikhanik, takulgu Maligatigut Atiliurnikkut qaritaujakkuurutaani naqitlugu hamna.


Havagviat Maligaliqijikkut Kivgaqtuutait ilitturipkaidjutit - Imaruqtirvia 15, 2020

Ilagiinut ilaujut pulaanginarialaqiniaqtut itiqtauvingniitunut naunairiiqqarlugu qakugu pulaarvikharnik.

Ilangit pittailijauniaqtut qajangnaitkutikhanik itiqtauhimajunut havaktinginullu. Pidjutigiplugu aanniaqtailinikkut amigaqhuutaujukkut hamna aallanguqtauniarunaqhijuq tuhaqtitauhimaittumik.


Havagviat Maligaliqijikkut Kivgaqtuutait ilitturipkaidjutit - Mii 6, 2020

Nunavut Kavamanga piqaqtut aallatqiiktunik pinahuarutikhanik ikajuutikhallu hailijut ikajuqtikhat ningaqtauhimajunut annaqhimajunullu ningaqhiqtauhimajunut. Itqaumatqujavut Nunavummiut hamaniitugut, iaalu ikajuqtaaqtugut ajuqhaqtitilugit. Ilihimajugut inuuhiq ajurnaqhivaktuq amihunut ilagiiktunut uinullaanullu ihumalungaqhivakhunillu igluqatigiiktunut. Avalinngangittutit, ikajurumajugut hamaniitugut.

Inullaat apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.

Ajuqhaqtitauvakhimajut Havagvia umikhimajuq inungnut tadja. Kihimi, Nunavummiut hivajariaqaqtut havagvianut hivajainnariaqaqtut Akiitukkut hivajaugtanut 1-866-456-5216 qaritaujakkut titirarvigilugit victimservices@gov.nu.ca. Ikajuutikhat tunijauttaaqtut qanurinniitigut.

 

Inuliqijikkut Havagvia

Ilvit kinaluunniit ilihimajan aanniqtauhimajuq ningarnirnin ihariahuktuqlu pijaami hulidjutikhanun ikajurutikhaniklu, ikajurutikhat hailihimajun.

Uqaqatigilimaitkuvin nunallaami Inuliqijikkut Havagvingmun, hivajadjavatin Inuliqijikkut Havagvia uvani 1-855-522-5201 kinamun uqaqvigijakharnun. Takujaaqtutillu aallanik ilitturipkaidjutikhanik uvani Qulliit Nunavunmi Qanurilinganinginnut Arnait Katimajiinni Facebook-kut takuvianni.

Ihariagiguvin ikajurutikhanik, qanuriliurutikhaqaqtutin. Ikajuqtauniaqhimalutin uqaqatigidjavatin naliit hapkuat: 

ᓄᓇᕗᒻᒥ ᐱᕋᔭᒃᑕᐅᔪᕕᓂᕐᓄᑦ ᐱᔨᑦᑎᕋᐅᑏᑦ

1 866 456-5216

ᐃᓚᒌᓄᑦ ᐱᓂᕐᓗᖃᑦᑕᐅᑎᑦᑕᐃᓕᒪᓂᕐᒧᑦ ᐱᖁᔭᖅ, ᐅᖄᓚᐅᑖ

1 844 534-1038

ᓄᓇᕗᒻᒥ ᑲᒪᑦᑎᐊᖅᑐᑦ ᐅᖄᓚᐅᑎᖓ 

1 800 265-3333
(24/7)

ᓄᑕᖅᑲᓄᑦ ᐃᑲᔪᖅᑕᐅᕕᖕᒧᑦ ᐅᖄᓚᐅᑦ 

1 800 668-6868

ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ 

1 866 804-2782

ᐃᒥᐊᓗᒻᒧᑦ ᓄᖅᑲᕋᓱᐊᕐᓂᖅ 

1 888 616-4011

ᐱᖁᔭᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ
−ᒪᓕᒐᕐᓄᑦ ᑐᑭᓯᒋᐊᕐᕕᒃ/ᒪᓕᒐᓕᕆᔨᒧᑦ ᐊᑐᖁᔨᔾᔪᑏᑦ:

1 888 990-4665

ᑐᑭᓯᒋᐊᕐᕕᒃ − ᖃᓄᐃᖏᑦᑎᐊᕐᓂᕐᒧᑦ (ᐃᖃᓗᐃᑦ):

1 867 979-2400

 


Havagviat Maligaliqijikkut Kivgaqtuutait ilitturipkaidjutit - Mii 1, 2020

Nunamingni Maligaliqiyit

Kivgaqtuidjutivut inungut aullahimaittut kiguagut naunairiiqhimajunut atuqtaujukhanik Inungmik katimaqatiqaqtukhat pittailijaujut amigaqhuutaujunut kihianik inuk hivajautaitpat imaalu qajangnaittumik najuganik hivajarvikhanik kivagaqtuijunut hivajautikkut. Inullaat apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.

Nunallaami Itiqtauvingit

Tamaita nunamingni itiqtauviit havagviat umikhimaliqtut inungnut tuhaqtitauniaqtuhi. Tamaita nunamingni itiqtauviit itiqtauhimajut uqaqpaktukhaujut hivajautikkut Avikturnianni Atanirmut.

Titiraqhimajut hivajarvikhatit paqitaunginnariaqaqtut talvani: https://www.gov.nu.ca/justice


Havagviat Maligaliqijikkut Kivgaqtuutait ilitturipkaidjutit - Iipu 24, 2020

Havagvia Maligaliqijikkut havaqatigiplugu Atanilluaq Nunalaani Aanniaqtailinikkut Havakti (CPHO) upalungaijainiaqtuq nutaamik pitquidjutimik Maliqajaujukhat Ahiqpangajukhaujutit Aallanit Inungnit unalu inugiaktunik katimajut naunaitaakhanik uqauhiit kangiqhinnaqtumik maliqaplugillu ukuat pitquidjutimik. Hamna nutaaq pitquidjutimik atuqtaulirniaqtuq Tallimiunmi, April 24, 2020 ubluqihiutikkut 11:59 p.m.

Unaluttauq, Havagvia Maligaliqijikkut apiqqutaujunik kiudjutainiklu atani tunijauniaqtullu aallanik naunaiqhitikhainnik ikajuuikhainniklu Nunavummiut kangiqhittiarutikhaninik pidjutaujunik taffuminga pitquidjutimik.

Qakugu bylaw havakti itirniaqqat iglumnut imaaluuniit inungnut iglugijaujumut havagviujumutluuniit?

Hapkuat Pitquidjutit ajuqhautaukpata tapkunanga CPHO, naunaittiaqhimajumik ukuat igluqpait najuqtarni, “iglugijarni”, imaalu havagviujumi, imaatut niqitarvik niuvvavik.

Titiraqhimajut ataani pitquidjutit, CPHO tunihijuq maligatigut havaktinut atanngiqtuidjunmik itiqtaaqtut igluqpaujunut makpirangittumik maliqajaujukhanut pidjutiqaqtunik.

Igluqnungaukpata, kihimi, kavamatkut ilitaqhijut pilaarutingnik pinahuaqtarniklu bylaw havaktiit havaktukhat maliqalugit pidjutiqaqtut pilaarutimingnut. Bylaw havaktingit ukpiruhukkumik ihuinnarutikkut pidjutiqaqtunik itiqtaaqtut iglungnut, angirutingnik pijukhaujut, pilutikluuniit itiutikhamingnik iglungnut makpiraamik Apiqhuivingmit.

Kinap maliqatquniaqagit hapkuat pitquidjutimik?

Ilaurutikhanginnik Pallihimatkut havaktingit, imaalu maliqattiarianginni amigaqhuutaujunik pitquidjutinik, tamna CPHO atanniqtuidjutiqaqtuq tamainnik malitaigut havaktiujuniktikkuaqtauhimajunik atani avikturniinni maligatigut maliqapkarlugit ukuatpitquidjutinik. Hapkuat ilaujut hamlatkunni bylaw-kut havaktingit, pallihimanguat talvanga Nunavunmi Apiqhuirvingmit Maligaliqijitkut, nunamiklu munaqjiujut qaujihaijit , imaalu uumajuliqijitkut havaktingit.

Hapkuat havktiujut munaqhijukhat maliqajakhainnik maliruagakhanik. Kihimi, amigaqhuutaujunut pitquidjutimik tunijauhimajut aallanik hakugiutikhainnik. To ensure those charged with protecting the health of Nunavummiut are prepared to take on this task, they will be provided with clear guidelines on their responsibility.

CPHO atanngiqtuijut hapkuninga malitatigut havaktiujunik amihunut pidjutiqaqtuni:

  • Pallihimatkut ikittuuniarunaqhijut pallihimat nunagnani aanniarutaudjutaani imaalu ikajulimaittunaqhijut ihuaqhautikhanik aallanik munarijaujukhanik;
  • Angiqtauhimajut by-law havaktingit qaujimajariiqtut maliktakhanik imaalu ajuiqhaqhimajut maliqujauhimajunik atuqqujaujunik atani avikturnianni maliruagakhanik;
  • Tamna pitquidjutit pidjutiqaqtuq itiutikhanik avikturniinni min'nguirvingnutaallanullu maniqqami hulipkaidjutikhanik, uumajuliqijitkut havaktiit hivulliujut hivajaqtaujukhat; imaalu
  • Hamlatkut bylaw havaktingit ajuiqhaqhimajut tuniuqhaiplutik akiliqtakhanik titiraqhimajunik ataani ilitarijauhimajut bylaw-ngudjutimingni Nunavunmi nunamingni.

The CPHO is working with officials from the RCMP, the Government of Nunavut and municipalities to ensure consistent messaging and enforcement across the territory.

Qanuriliuqtukhauvik ihumalukkuma pitquidjutit maliktaungittut?

Nunangni Pallihimatkut ikajuqtaaqtut hivulliujut hivajaqtakhatit. Ihumalukkuvit, hivajadjavatit Pallihimatkut.

Hivumuuqpaalliatitluta, munarijakhavut, ihivriurlugit ihuaqharlkugillu hapkuat pitquidjutit pijariaqaqqata. Naunaijautikhavut aadkjikutakhainnik ihariagijaujunik aannialaqittailitikhanik taffuminga COVID-19 Qalagjuarniq. Qanngiutillakkupta aanniarunmi, maliqajakhairniaqtavut hapkuat maliqujauhimajut.

 


Havagviat Maligaliqijikkut Kivgaqtuutait ilitturipkaidjutit - Iipu 01, 2020

Ihuaqhaqtauhimajut kivgaqtuutit:

Ajuqhaqtitauvakhimajut Kivgaqtuutit

Ajuqhaqtitauvakhimajut Havagvia umikhimajuq inungnut tadja. Kihimi, Nunavummiut hivajariaqarumik havagviannut hivajainnariaqaqtut imaatut uqar vikhatit naunaitkutait:

  • Ajuqhaqtitauvakhimajut Ikajuutikhait Akiitukkut 1-866-456-5216; victimservices@gov.nu.ca.
  • Ikajuutikhat tunijauttaaqtut qanurinniitigut.

Havagviat Inungnun Munaqtiujunut

Ublumimit, Qitiqqautijuq 1, 2020, havagviat Inungnun Munaqtiujunut katimaqatiginiaqtaik Titirarvianik Inuin Piqutainik Ihuaqhaiji iluanni Havagviat Maligaliqijikkut. Una nutaaq havagvikhat unauniaqtuq Havagviat Inungnun Munaqtiujunut imaalu Inuin Piqutainik Ihuaqhaiji. Tamaita hivajautait naunaitkutait aullajunaittut.
Havagviat angmaffaaqqat hamna inungnut aanniarutikkut amigakhuutaujuq, nanijaunginnariaqaqtuq aallirmi havagvianni taffumani Brown Building Iqalungni. Maligatigut Atiliuqtiujut nuuttut qulliujumut 4th fnatqanut taffuma 1106 Inuksugait igluqpat Iqalungni.
Pidjutigiplugu havagviup nuudjutaat, ikajuqhiqtaujumajut utaqqiniarunaqhijut hivajaqtaulutik qaritaujakkut titirarviulutik kiudjutait. Maminaaqugut ihuidjutigiguffiuk.

Havagviat Maligaliqijikkut Kivgaqtuutait ilitturipkaidjutit - Maassi 31, 2020

Itiqtauviit havagviat havakpiakpaktut akhuuqhutik tamainnik puqtuniinni naunaiyagakhuaqhugit upalungaiyautikhaliuqhimayugut ikajuutikhainnik havaktivut, itiqtauhimajutivullu, nunaqatigiiktullu taffumani inungnut aanniarutaujuq amigakhuutaudjutaani. Tadja amigaitpiaktut naunaitkutikhat tuhapkaidjutikhakkut aallanit nunagiyauyunit tadja atuqtauyukkut iluinni itiqtauviinni aallani nunagiyauyunillu.

Naunaittumik Nunavummiut ilitturiyakhainnik imaalu qauyimayakhainnik qanuriliurutikhanik Nunavunmi, tunihiyugut hapkuninga ilitturiyakhainnik. Iniutikhanullu, tikinnahuaqtakhaqqut naunairlugu aanniarut hiamittaaqtuq aannialiutauungittangani itiqtauhimajunut itiqtauviinni.

Maliqayakhangit havaktauhimajut ilauyut nutqaqtittugit tamaita hilataanit pulaarumayunut imaalu aullagakhaittunut tingmidjutikhainnik. Quyagiyavut utaqqigaffi imaalu ikayuutiffingnik tuniyauyunik itiqtauhimayunit ilagiiktunillu maliqangmagit maliquyauyut qauyimagaptallu ayurnaittungittuq.

Qayangnautaullayut hivuuranaittumiinniqpidjutauyut itiqtauvingnut , naluyugut qanuriliurutikhainnik tadja pidjutigiplugit itiqtauviit upalungaiyautikhaliurutikhainnik.

Kihimi, tunihiniaqtugut hapkuninga naunaitkutikhanik pidjutigiplugit atuqtakhaliurutikhangit imaatut:

  • Tamaita itiqtauyukhat tikitkaikpata piyariaqaqtuhivituniqaqtumik imaatut 14-ni ubluni itiqtauyarangata.
  • Itiqtauviit iliuraiyut aallanik algangnut uaqhitikhanik haluummaqtirutikhanik upaktauqattaqtunni nayugainni.
  • Kiudjutikhait/pihimayakhainniklu puukhimayut iliuraiviuyut algakhanik, ivjarutikhanik, akuliangnut pittailitikhanik qalakhuqtuqaqat, aannuranut qaliqtakhanik imaalu maliktakhanik naunaitkutikhanik aturnikhanut.
  • Munaqhit akhuuktut ihivriuqhiplutik itiqtauhimajunik tikittarangata itiqtauvingmut mihingnautiqariakhainnik aanniarunmik qalagjuarniq-19.
  • Itiqtauviit amigaigjuumihnahuaqtait niqikhat atuqtaulluaktuniklu aquiqtuutikhatik itiqtauviit ihariahungnaittumik aturluaqtakhainnik aannialiqtuqaqqata hiamittaaqtumik.
  • Amigaigyuumilugit halummaqtirutikhainnik amaliktaujariaqaqtut halummattiaqtauvagianginni qanngit amihuiqturalugillu ubluraaluk.

Unaluttauq aanniaqtailitikhangit qayangnaitkutikhangillu maliktakhainnik piliuqtukhat, havagviat ihivriuqhiyut tamainnik itiqtauhimayunik pillayut aanninariqtukhat ikiglinahuarlugit itiqtauhimajut amkigaitilangit ihuatqiyauniarmat aannialiqtailitikhanik.

Uuktuqhimmaarniaqtugut qanuriliurutikhanik ikajuutikhanik aanniaqtailinikkut qayangnaitkutikhaniklu itiqtauhimayunut, havaktinut, imaatullu tamainnut Nunavummiunut.


Havagviat Maligaliqijikkut Kivgaqtuutait ilitturipkaidjutit - Maassi 27, 2020

Ihuaqhaqtauhimajut kivgaqtuutit:

  • Havaktuliqinirmut Atuqtakhainut Havagviat hailihimmaarniaqtuq huli tunihilutik kivgaqtuutikhainnik ikajuqtaaktut tadjautitlugu. Tamaita kavamatkut havagviit umikhimajut inungnut tadja, Havaktuliqinirmut Atuqtakhainut Havagviat uqarviginnarialgit hivajautikkut nallianut atani nampainnut:
    • Hivajautaa 1-867-975-6322, Akiittukkut: 1-877-806-8402, Kajumiktukkut: 1-867-975-6367
    • Havagvik hailijuq huli kiulugit apiqqutainnik Nunavummiut pidjutiqaqtunik talvuuna Havaktuliqinirmut Atuqtakhainut Maligaq imaalu Maliruagakait.
  • Mikinikhaq akiliuhiakhat ihuaqhaqtauhimajuq angiglijuummirniaqtuq uumani ubluani Qitiqqautijuq 1, 2020, Ataniat Havaktuliqinirmut Atuqtakhainut Havagviathailijuq kiujmaplugit apiqqutainnik naniminiqaqtunit pidjutiqaqtunik maliqajakhanut.

Havagviat Maligaliqijikkut Kivgaqtuutait ilitturipkaidjutit - Maassi 26, 2020

Havagvik aulahimaarniaqtuq havaklugit iliharnirmun ukualu ilihaidjutikhat piyakhat tapkua ikayuutauyut Inuinnarnik Havaktitirnirmun iluani maligaliqiit kivgaqtuutaini.

Umikhimajut/Taimaaqtihimayut/Nutqaqtihimayut kivgaqtuutit:

  • Pidjutigiblugu tadja qanurinia, havagvik, uqaqatigiyait ukuaOttawaami uvani  Algonquinmi Iliharviani, taimaaqtitauyut Ilihaidjutait hapkununga Inuinnarnun Maligaliqirvingmi Havaktit kitut aularutiyukhat uvani Ottawami Qiqaiyaluarvia 4, 2020mi.

Havagviat Maligaliqijikkut Kivgaqtuutait ilitturipkaidjutit - Maassi 25, 2020

  • Tamaita nunamingni itiqtauviit havagviat umikhimaliqtut inungnut tuhaqtitauniaqtuhi. Tamaita nunamingni itiqtauviit itiqtauhimajut uqaqpaktukhaujut hivajautikkut Avikturnianni Atanirmut.
  • Titiraqhimajut hivajarvikhatit paqitaunginnariaqaqtut talvani: https://www.gov.nu.ca/justice

Havagviat Maligaliqijikkut Kivgaqtuutait ilitturipkaidjutit - Maassi 20, 2020

Apirhuutikhaqaruvin mighaagun apirhuivikkut hunanik, hivajaqtaaqtan Atiliurvik havagvik hivautikkut qaritaukkulluunniit titiqqilugu.

Ihuaqhaqhimajut kivgaqtuutikhait:

  • Talvanga Hivulliunmi, Maatsi 23, 2020 Apiqhuirviat umikhimaniaqtuq inungnut.
  • Talvanga Hivulliunmi, Maatsi 23, 2020 Maligakkut Atiliuqvia umikhimaniaqtuq inungnut.
  • Inuit huli pijaaqtait hulidjutikhat uqaqtigilugin uvani 867 975-6590 titiqqilugilluunniit qaritaujakkut Corporate.Registries@gov.nu.ca.
  • Inuliqijikkut Ikajurutikkut havagutin aulahimmaaqtun. Havagvik umikhimaniaqtuq inungnun. Ilitturipkaidjutikhanik mighaagun ilvin naunaitkutingni, hivajadjavan havagvik hivautikkut uvani 867-975-6112 titiqqilugilluunniit qaritaujakkut uvani fsp@gov.nu.ca.
  • Apirhuivikkut atiliurvik hailihimaniaqtuq ikajurumaplugin inuit hivajautikkut qaritaukkulluunniit titirarutikkut. Atuqlugin hapkuat uqaqatigivikhakkut naunaitkutit ikajuqtaujaami.
    • Pidjutit ilaqaqqat ihuinaarnikkut inulrammikkulluunniit havagutikhanik, uqaqatigidjavan ihuinaarnikkut Atiliuqvik uvani 867 975-6101; ncj.criminal@gov.nu.ca.
    • Pidjutit ilaqaqqat inungni, ilagiiktuni nutaqqaniluunniit maligakkut havagutikhat hivajadjavin Inungnun Atiliuqvik  867 975-6102; ncj.civil@gov.nu.ca.
    • Pidjutit ilaqaqqat inungni maliktitaunikkut, uqaqatigidjavan paliihimaujumi havagvia uvani 867 975-6103; ncj.sheriff@gov.nu.ca.

 



Havagviat Maligaliqijikkut Kivgaqtuutait ilitturipkaidjutit - Maassi 19, 2020

Inullaat apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038.  Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.

Havagviat Maligaliqijikkut aullahimmarniaqtut tunihilutik ikajuqhirvikhainnik Nunavummiut ataani Ilagiiktut Pimmarlungnikkut Hattumiarutikhainut Maligaq tadja atuqtitlugu. Qajangnaitkutikhait hivulliujut ihumaluutigijaqqut aullahimmarniaqtut kivgaqtuutikhavut hailiniaqtut iharirijaukpata.

Havagviat Maligaliqijikkut ihumaginiaqtait aanniaqtailitikhait qajangnaitkutikhainniklu havaktit, itiqtauhimajut imaalu nunallaat. Piliuqtugut qanuriliurutikhanik upalungaijautikhanik aulladjutikhainnik ikajuutikhavut.

Aulahimaaqtut kivgaqtuutikhat:

  • Havaktilluat ikajuqtit ikajuutikhat ataani nunallaani maligaliqijikkut aullahimmaarniaqtut.
  • Nunavunmi Apiqhuivit Maligaliqijikkut aullahimmarniaqtut tuhaalutik amigakhuutaujunik pidkjutiqaqtunik tadja pijukhaukpata.
  • Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat. 

Ihuaqhaqhimajut kivgaqtuutikhait:

  • Havagviat Maligaliqijikkut apiqhijut tamainnik nunallaani itiqtauvingni inungnik hivajaqujijut qarvigilugit hivajautikkut Nunamingni Itiqtauvingnut Havaktimut.

Umikhimaniaqtun/Nutqaqtitauniaqtun/Aulahimaitun Hadja kivgaqtuutikhait:

  • Nunallaani itiqtauviit havagviit umikhimaniaqtut inungnit takujaqtuijumit qakugu tuhaqtaitauniaqtuhi upaktaaliqqata.
  • Nunavunmi Nunallani Maligaliqijikkut havagviit umiktauniaqtut inungnut, aullaqtirlutik Hivullirmi, Qiqaijalirvia 23, 2020.
  • Tamaita pulaarumajut itiqtauviinnut nutqaqtitaujut aanniaqtailitikhanik qajangnaitkutikhaniklu itiqtauhimajunut havaktiinnullu.
  • Nunavunmi Apiqhuivit Maligaliqijikkut (NCJ) nutqaqtitijut ubluq tamaat aulapkaidjutigaluanginnik.