Havaktingit

You are here

Angmaqtirutikhat taffuma Aaqqigiarvik Itiqtauvik Mamiharvik Igluqpak

Saptaipa 08, 2021

Tuhaqtipkaidjutikhaq

Angmaqtirutikhat taffuma Aaqqigiarvik Itiqtauvik Mamiharvik Igluqpak

Iqaluit, Nunavut (Apitilirvia 8, 2021) – Uumani ublami quviahuutauniaqtuq kipluilutik angmaqtiriniaqtun, katimapkainiaqtuq Minista Maligaliqijikkuni George Hickes, naunairutikhat angmaqtirutikhanut Aaqqigiravik Itiqtauvik Mamihainirmut Igluqpangat (ACHF) Iqalungni.

“Quviahukpiaktunga quviahuutigiplugu angmaqtirutikhanik Aaqqigiarvik Itiqtauvik Mamihainirmut Igluqpangat Iqalungni”, uqaqtuq Minista Hickes. “Qujagijumajatka Inirnikhat Uqaudjijit Katimajiit ilauvangmata atikhaqhiurhugu igluqpakhat imaalu naunaittiaqhimajumik ilitquhikkut ihuaqtumik itiqtauhimajunut. Aaqqigiarvik tukiqaqtuq imaatut mamitikpallianirmik inuuhirmik, ihumagiplugit pijumajavtut tamlvani itiqtauvingmi najugakhanguriangani itiqtauhimajut ihumaliurianginni inuuhiringnaqtumik inuujamingni ihuinaaqhimaittumik”.

Hivulliq 1 haffuma havaakhap iniqtaujuq imaalu piqaqliqtut 112 iglikhainik himmautaujut utuqqarmik Qikitaalup Itiqtauviat (BCC), napaktauhimajuq 1986mi. Tuklia 2 haffuma havaakhaq aullaqtirniaqtuq uumani ukiuakhami, nutannguqtirniaqtat utuqqaq BCC hulilukaaqtitivikhanik najugaanik, havagviit imaalu nutaqq igavikhat inikhaqarniaqtuq angitqujaujumik ACHF.

Nutaaq akkuliujut imaalu anginikhaujumik hivuuranaittumiinniq igluqpakhanut ilaujukhat tallimat ilikkuuqtut iglukhangit, ulapqivigjuaq, munaqhiliqivikhat, imaalu Inirnikhat najugakhanik havaktitlutik. Ikitqijaujut itiqtauhimajut nuutauvangniaqtun hivuraani itiqtauvingnut, tukiqaqtumik qanitqijauniaqtut ilamingnut, uqaudjinikkut, niqainnarniklu niqikhanik imaalu ilitquhirmikkut pitquhiinik atuqpangniaqtun. Nutaaq itiqtauvik nuttaaqpianik amikhidjutikhaqarniaqtuq qaritaujakkut, ilaujutlu timimut ihivriuqhidjutikhat, takunnaqtukkut uqarvikhanik pttaaqtumik imaalu nutaanik hivajautikhanik atuqtakhainik itiqtauhimajut.

###

Tuhaqtipkainikkut Uqarvigijakhaq:

Isabelle Gingras
Atugakhanut Tuhagakhanullu Naunaijaiji
Havagviat Maligaliqijikkut
867-975-6324
igingras@gov.nu.ca