You are here
Itiqtauviit Nunalignnilu Palihimiqiniq
Ilauguit Itiqtauviliqidjutinut Havaqatigiiqluta!
Qiniqhiavin havangnaqtumik havaarittiaqtumilu ikajurhimmaangginnaqpiaqhugit aadlat?
Nunavut Itiqtauviliqidjutinut Havagvia qiniqhialiqtut havaktiqhanik!
Aaqqigiarvik Itiqtauvia Mamihaiviujuq Igluqpaa, nutaaqpiaqlu itiqtauvikput Iqalungni, qiniqhialiqtut inungnik ikajugumajunut nakuatut Nunavunmiunut nunaptingni, pitquhitigut, uqaudjaunirmun iliharnikkutlu pidjutihimajunik Nunavunmi.
Itiqtauvilqidjutinut havaaqhat hailihimajut aadlani igluqpani ittuni Iqalungni, Kugluktuk, Kangiqlinirmilu, taapkuatlu itiqtauhimavaktut anihimajut maliqqajaqhainnut havagviit tamaani Nunavunmi.
Havaarijaujuqhat hapkua:
- Titiqqiviliqiijit, havaktuliqiijitkunni havaktiqhat, aanniarnikkut titiraqtiujut, maniliqiijitkutlu
- Munaqhit, uqaudjaujit
- Havagvigjuani kukialuit
- Ihuinaaqhimajunut Amiriyit Atan’ngujaqhatlu
- Itiqtauhimavaktut Anihimajut Maliqqajaqhainnut Havaktiqhat
- Ilihaijit Nunamilu Hulidjutiqhanut Havaktiit
- Inirniqhaat Pitquhikkutlu Uqaudjaujiit
Nunavut Itiqtauviliqidjutinut piqaqtittiniaqtut saivanni havainiinni akiliqtaulutik ilihaqtitauniaqtut havaaqhanutlu pivalliajaamingnik mamihaiviujumi igluqpainni. Qiniqhiaqhimmaaqtuguq Nunavunmiunik Nunavut Inuit ilauqataujaaptingnik havaqatigiigupta.
Itiqtauviliqidjutinut piqaqtut himmauhikaaffungnirmun havaktiqhanik, havakaffuktitauhimajuqhanut, havaqhimmaangginnaktuqhanik tamaani havagviujumi.
Qiniqlugit Maligaliqiijitkut ammaumajut havaaqhat Itiqtauviliqidjutinut hamani: www.gov.nu.ca/in/public-jobs
Naunaittiagumaguvit havaarijaqhatigut qaritaujaqlug havaarijavaktatinnik titiraa ihumagijaujaami, qaritaujaqvigiluta uvani CorrectionsCareers@gov.nu.ca hivajaqlutaluunniit uvani (867) 975-6500.