Havaktingit

You are here

Pitjutait higaarlukkut apirhuutini tuhaqtitauliqtut

Tissaipa 15, 2017

Tahqtipkaidjutikhat

Pitjutait higaarlukkut apirhuutini tuhaqtitauliqtut

IQALUIT, Nunavut (December 15, 2017) – Minista Kiinauyaliqiyitkunni David Akeeagok tuhaqtipkaliqtait inirutait Nunavut Kavamatkunnin (GN) qaritauyakkuurutikkut higaarlukkut apirhuutinin uplumi.

"Niruaqtaulihaarhimayuq kavamakput anginiqaqtunik maligakkut ihumaliuqtukhat tikittukhani tatqiqhiutini, pitinnagu Kanadaup Kavamanga maliganguqtiqtinnagu higaarumayunin aturniq higaarluknik July 2018-mi," uqaqtuq Minista Akeeagok. "Apirhuutini kiutjutit ikayuqtaatigut kangiqhimanirnik hunanik Nunavunmiut ihumagiyainnik uumani uqautigiyauyumi, hivulliurniaqtaatigullu havagutiptikni maligalirnikkut higaarlunik Nunavunmi."

Talvannga August 22-min, September 22-mun, 2017, avatquhimayut 1,400 Nunavunmiut kiuvaktut ukununga 26-siuyunun apirhuutinun. Apirhuutimin naunaiqhimayut tautungnaqtut kiuvaktut:

  • naammagilluaqtaa maliganguqtiqtittinganik higaarluknik;
  • aallakkiiknik ihumaginiqaqtut qanuqtun higaaktauvaktut higaaqtauyuittullu hagaarliut hunaliuqhimayut atuqtauyukhat inungniiviqarvikni;
  • aallakkiiknik ihumaginiqaqtut kitkunnik tunirhaiyukhat niuvvaayukhallu higaarluknik;
  • ihumayut GN-kut iliuraqtakhaa maligakkut ukiuqarniq 19-mut;
  • pitquyaa GN-kut turaangatquplugu akiraqtuilugu maligakkuuqhimaittut niuvvaaniit qauyiharlugillu hulaqutiit higaarluknik aturnirnin; taimaalu
  • ilitturiyuummirumayut hulaqutainnik higaarluknik aturutinginnin.

GN piyumahimmaarniaqtuq uqautinik Nunavunmiunnin higaarluknik maliganguqtitaunirnik atulihaaliqqat 2018 taapkunuunga inungnun mittiqtipkainikkut tamainni pingahuni avikturhimanirni.

Ihumagiyauyut higaarlukni Nunavunmi – Naunaitkutit Nunavut Kavamatkunnin Higaaluknik Maliganguqtitaunikkut Apirhuutinin takuyauttaaqtuq uvani: https://www.gov.nu.ca/sites/default/files/cannabis_legalization_survey_results-ikw.pdf

Aallanik ilitturipkaitjutikhanik mikhaagut higaarluit maliganguqtitaunirnik, takulugu Kanadaup Kavamangani qaritauyakkuurutaani uvani www.canada.ca/en/services/policing/justice/legalization-regulation-marijuana.html, uvaniluunniit GN-kut qaritauyakkuurutaani uvani: https://www.gov.nu.ca/in/kiinauyaliqiyikkut/information/aangayaarnaqtuq-nauhimayuq

###

Tuhagaqtidjutikhanut Uqaqvikhaq:

Denise Grandmaison
Atan'nguyaq, Tuhagakhanut
Kiinauyaliqiyikkut
867-975-6818
FinanceComs@gov.nu.ca