Havaktingit

You are here

Piqutit taaksiutait akiliqtaujukhat November 30mi

Tissaipa 04, 2020

Kavamatkunnin Tuhaqtitaudjutikhaq

Piqutit taaksiutait akiliqtaujukhat November 30mi

Kiinaujaliqijikkut Havagvia itqaumaqujait piqutinik nanminiqaqtuq hilataaniittun Iqalungnin taimaatun piqutini taaksiit akiliqtukhauvaktun November 30, 2020mi.

Taaksikkut naunaitkutit tujuqtauhimajuq September 30, 2020mi. Pingitkuvin taaksikkut naunaitkutimik, titiqqidjavan qaritaujakkuurutikkut propertytax@gov.nu.ca hivajaqluguluunniit akiittukkut 1-800-316-3324.

Nunavut Kavamanga kangiqhihimajaa una COVID-19 qalagjuarniq nunarjuami pidjutijungnarhijuq manikkut ajurnarhidjutimik ilanginnun piqutilgit nanminirmingnik. Ikajurumajavun Nunavunmiut uvani ajurnarhidjutijumi taimaatun pipkaijumanikkut ajurnaittunik akiliqtuidjutikhakkut qanuriliurutikhanik.

Akililimaitkupkit atukkat tamaat, uqaqatigidjavan havagvikput talvuuna December 18, 2020 ihuarhaijaamik aviktuqhimajunik akiliqtuidjutikhanik.

Akhuurhaqtugullu ilingnik akiliqtuquplutin qaritaujakkuurutikkut maniliqivikkuurutingnin. Una taimailiurniq kajumitqijaujuq havagutijaami akiliqtakharnik ikajuutaujuqlu inungnin ahiqpaniidjutikkut.

Aallanik ilitturipkaidjutikhanik, hivajadjavan 1-800-316-3324 titiqqiluguluunniit qaritaujakkuurutikkut propertytax@gov.nu.ca.

###

Tuhaqtipkainikkut Uqarvigijakhaq:

Weichien Chan
Atanngujaq, Tuhaqtidjutinun
Kiinaujaliqijikkut Havagvia
867-975-6818
FinanceComs@gov.nu.ca