Havaktingit

You are here

Ihivriuqnia Nunavutiup Inkap Taaksini Maligaqmik

Tissaipa 14, 2018

Kavamatkunnin Tuhaqtitaujukhaq

Ihivriuqnia Nunavutiup Inkap Taaksini Maligaqmik

Nunavutip Inkap Taaksini Maligaa ihivriuqtauliqtuq taimaatun aallanguqtiqtaungmata Kanadaup Kavamanganin Inkap Taaksini Maligaani June 2018mi. Taimaatun Nunavutip Maligaa piqarmat kaffiujunik pidjutinik kavamatuqatkut Maligaanun, ihivriuqhiniq naunaijaqniaqtait aallanguqtirutikhat pijukhat aajjikkiigutiqariangani kavamatuqatkunnun Maligaanun.

Tukhiqtauhimajut aallanguqtirniit Nunavutiup Inkap Taaksini Maligaanun pijuq malruuknun qanurittunun: aallanguqtirniit kiudjutiqaqtun maniliurutikkut ilataarutinginnun, taamna una talvani maniliuqjuajuktun nanminiqaqtun piutigijamiknik kuapuriisinik tunivaktait maniliurutitik ilagijamiknun piqaqtun atpaniittunik inuup taaksiliqinikkut aktilaarutainni, ukuallu aallanguqtirutinik naunaijarutikhanik taaksini aturutikhanik pidjutiqangittunt maniliurutikkut ilataarutinginnun. Una ilaqaqtuq havagungnairaangat maniktarutini aturutikhanik, ukiuqarnikkut aturutikhanik unalu ihuaqhaqtauhimajuq maniliuruti.

Tukhiqtauhimajut aallanguqtirutit ilijauniarungnaqhijun Maligaliuqvikmun angitaudjutikhainnun atulihaaliqqat 2019.

###

Tuhaqtitauyukhanut Uqarvikhaq:

Denise Grandmaison
Atan'nguyaq, Tuhaqtipkaiyuni
Kiinaujaliqinikkut Havakvik
867-975-6818
FinanceComs@gov.nu.ca