Havaktingit

You are here

Higaarlungnik Niuvaaviit Nunavunmi

Julai 05, 2021

Kavamatkunnin Tuhaqtitaudjutikhaq

Higaarlungnik Niuvaaviit Nunavunmi

Nunavut Kavamnanga uuktuqujait nanminiqaqtut niuvaaviqaqtun uukturianginni higaarlungnik niuvaavikhamik nunami. Higaarlungnik niuvvaaviit ikajuutaujut nunami maniliurutikhanut havaakhanullu nunallaami inungnut. Umikvikhaqangittuq uukturumajunut.

Piqaqtun pingahunik higaarlungnik niuvvaivikharnik:qaritaujakkut aquiturvikhangit, upautigiaqaqtunik niuvvaivikharnik, allatqiinunlu inungnun niuvvaivikhat. Atauttimiittut niuvaaviit pijakhaittut aallamik niuvaavikhamut iglukhamik nanminiqaqtuq piqaqqat atuqtaminik nanminirijamik niuvaavikhamik. Hamani, niuvirnahuaqtut ukiulgit 19-mik qaangiutivlugulu niuviinnarialgit higaarlungnik niuvaavikmit, igalaanganit, niuvirvikmilluunniit. Tamaita laisiqaqtut higaarlungnut niuvaaviit maliktakhait maligakhanut pijakhat naunaiqhimajumi talvani Nunavunmi higaarungnut maligakhaini.

Nunami maligarutiqaqtullu higaarlungnik niuvaaviit Nunavunmi ikajuutaujut qajangnaittumik maligakhaniklu malikhutik hulilukaarutikhanut higaarlungnik Nunavunmiutanut ukiuqaqtunut 19-nik qaangiutilugulu. Una pittailidjutikhaq maligatigut malingittunut niuviktittijunun munarivlugillu Nunavunmi inulramminut

Naunairjuumijumagungni, qaritaujakkut takujakturlugu una https://www.gov.nu.ca/finance/information/cannabis-retail or email cannabis@gov.nu.ca.

Aallanik naunaitkutikhanut ikajuutikhanullu qanuq aullaqtirutikhaanut nanminikhamun, hivajarvigilugit Qikiqtaaluk Nanminiqaqtunik Pivalliadjutikharnik Kuapuliisitkut talvani 867-979-4654.

###

Tuhaqtipkainikkut Uqarvigijakhaq:

Weichien Chan
Atan'ngujaq, Tuhaqtipkaijuni
Kiinaujaliqijitkut
867-975-6818
FinanceComs@gov.nu.ca